عندما أعشق2

**غالب** · 20-05-2010 03:58

الجزء الأول
هنا
-------------------------------------------

وأنا المس مخابيي ليا والله الاسلحه الفتاكه موجوده

وانا أطلع النبيطه من مخباي وطلعت الرضمه من المخبا الثاني وعلى ماجيت أبصكه وهي تنحاش
إلعن شكله الظاهر إنه جني هههههههه

وعقب
راعيت للسوريه

وألا به تقل باص أبيض دورين يمينه
وأنا التفت يم هالباص

بس سراحه تفاجأت

توقعون منهو هالباص
مهو باص

هذا أبوه
أول ماشفته
تجمدت بمحلي

يعني صار لي مثل اللي يصير للخروف إذا راعى للذيب<<صفقوا له تكفون<

وعقب انحشت بسرعة 198كم\س
وهو يجي يبي يلحقن وهو ينزلق بالحوش ومن ثقله انشق الحوش وطبح بالخزان

آخر صوره ألتقطت لأبو السوريه

بعدين تروه مايمشي مثل غيره من الاوادم
يتدربى تدربي خخخخخخخخ

و أصلج يعني إذا شفت راسه من بعيد تحسبه لابس خوذه حقت العسكر هههههه

المهم طلعت من بيتهم ورحت للدكان
وادخل على البنقالي

قلت:صديق, أبعرف وش صلة القرابه بينك وبين فنيلة العلاق هاذي
لعنبو بليسك يقولون إنك مولود وإنت لابسه هههههه

وجبت الطلبات ورحت اتغدى وسويت رالي بالغدا

وبعد أن شبعت قلت الحمد لله

وطلعت بالشارع وترغت ترغه نتج عنها 4 قتلى و3 جرحى اثنين منهم حالتهم خطيره ههههههههه

وعقب طلعت العصر
ليا والله خويي العبيد واقف عند باب بيتهم
خويي هذا كويحه اسمه عواد اكبر مني بسنه وجثه تقل غوريلا رجلينه صغيرات وظهره طويل وشعره مفلفل واذانه تقل مرايا هيلكس

رحت يمه وقعدنا نسولف
قال لي من ضمن السوالف
عواد: ياخي أمي اليوم تقول لي إني غزال ومزيون
غالب:هو أصلاً هالمثل هذا يطلق على القرود(القرد بعين أمه غزال)

وحنا نروح للدكان واشري على حسابه لأنه زلابه ههههههههه
بسراحه الناس يقولون لي وش تبي بهالزلابه مصادقه
وأنا السبب بسراحه هو إني إذا فرحت اعطيه كف وإذا زعلت اعطيه كف وإذا طفشت اعطيه كف
بالله عليكم منهو الانسان اللي يراعي مشاعر الاخرين مثله

المهم
وحنا راجعين شفت حبيبتي واقفه عند باب بيتهم

وأنا عاد ابنذخ
وأنا اصفق عواد طراق
وهو يلتفت لي وسكت

وأنا اعطيه بقس وادفه وهو يقع

وأنا اقوم اتوطاه

وهو يقوم ورفعن فوق ويرضخ بي بالقاع
ويعطيني كم لكمه على وجهي حتى عضيت الارض
ويوم عضيت الارض استغل الفرصه وهو ويمسح وجهي بالشارع
يقولون شهود عيان إنه من قو ماهو يفرك فرتي بالشارع طار القار وطلع التراب اللي تحت الزفلت ههههههه

وأنا اقعد اقوله ياعواد خلاص امزح امزح
وليا والله عبد و قبس<<وشلونك حنشل<<
يعني مايفكك لو وشو

وأنا اراعي لحبيبتي
ليا والله تضحك علي
سراحه سراحه تحطمت <<وأحلى تحيه للقائد المفدى الحيمري حفظه الله<<

وأنا افك عمري من عواد وانحاش لبيتنا

وآخذ لي يومين مااطلع برا البيت <<أحلى يالمستحي<<

ولكن في اليوم الثالث
تذكرت وصيت معلم الساموراي حقي صحن بن دهلوس

قبل يسافر لهونغ كونغ

قبل لا اقول لكم وصيته
شوفوا صورته عقب ما رجع من حرب النجوم

كان يقول لي
(سوف يمر زمان ياغالب ويكون الزلايب هم الاسياد في ذلك الزمان..فإذا لحقت على ذاك الزمان جاهدهم وانصر الحق ولا تكن زلابة مثلهم.. )
وأنا اقعد ابتسي وأقول (لا تذهب يامعلمي)<<مشغل مزيكه حزينه<<
وهو يصفقن طراق وهو يقول
(معليش معليش , هذا هو حال الدنيا,كل شي له بدايه ونهايه.. ,على العموم..لا أوصيك على بيتي تره غالي علي وأبيه يكون ذكرى لأحفادي... )

قاطعت كلام معلمي وأنا اقول
(أقول ماتعض رضمه..أول شي إنت ماعندك بيت..هي صندقه فوق الجبل به نعجتين وحديهن جربا ..بعدين إنت كل الناس يدرون إنك عقيم منين لك الاحفاد ياهالتسذوب )

قال لي:
(لحوول ..ياخي هاذي آخر شلخه اشلخه عليك قبل اهاجر)

وهو يشغل المكنسه حقته
ويدز يم هونغ كونغ

بس المسكين توفى عقب ماصدمته طياره باالدمام إثر تعطل أحد المحركات بمكنسته خخخخخخخخخ

إي بالله
ويوم تذكرت كلامه
وأنا اطرد الخجل<<منطنخ و يحسب روحوه قطع راس الدريعي يوم جاب هالكلمه<<

وأنا اشغل مخي اللي مضى على آخر مره عمل فيها 5 شهور وفي روايه اخرى 6 شهور وثلاث أيام بلياليهن

قلت مادام إني كل ماجيت أبشوفه طلع لي حدا هالفقمات

اببيع هالحياة بقشر بصله
ابطب بالهاوس تبعهم

وأنا أترقى على جدار بيتنا
وأطب بالشارع<<ماتلاحظون إن هالجمله به غلط <<

بأكا اللحظه كانت البسه تراعي لي عند درامه

سراحه سراحه يالربع والربعات أخذت نعلتي(وإنتم بكرامه) وضربته مع فرته
ليا والله يوم طارت وصفقت زحل ورجعت من قو الضربه<<كش عليك<<

وأنا اكمل رحلتي إلى حوش بيت الاشوام<<ماادري ليه حسيت إنه ماناقص غير أقول(البحر من أمامكم والعدو من خلفكم )<<<
وأنا ادخل حوشهم
و كانت تنفض فرش بيتهم بالحوش
السوريه:لك العمى شو اللي جابك هون
أنا:يابنت الحلال لا يكون تحسبين هالقصه حقيقيه ترتس من خيالي
السوريه:هههه عارفه خيو بعدين الناس بتئرا الئصه ليش بتخرج عن النص

أنا:أقول بس لا يكثر مادامتس من خيالي تكلمي باللهجه السعوديه لأني استدار راسي من كثر ماادوج بالمنتديات السوريه علشان اكتب كلامتس

السوريه:طيب خلاص اصير سعوديه.. غالب..ليه ماتغير ثوبك هاللي القران الثالث طايح والمنشق على ابطك ..ياخي إذا تبي ثوب قل لي اعطيك

أنا:تري اعضاء الفله يقرون الموضوع مايعتاز فضايح ياخبله

غالب إنت تخاف؟؟
أنا:لا مااخاف غير من ربي<<هههههه <<

وعقب ورتن صوره ماادري وشي

وهي تقرب وتحط الصوره بيدي
هاذي هي الصوره

قالت تدري وش هي صورته هاذي
قلت إيه هذا آدمي أمه قرده
قالت و تضحك بعد
لو أعلمك يمكن تنصفر
قلت لا ماعليتس<<في هذا المشهد المخرج يحط النشيد الوطني السعودي <<

السوريه:إيه هين...هاذي صورة جني ياوغد

أنا:جني..لا تمزحين<<في هذا المشهد يحط المخرج صوت ددسن قبعت جدار<<
السوريه:إيه جني ..هذا جني دايم يجي بهالغرفة اللي حنا به هالحين ويتعشى معي..ترن جنيه ماني آدميه

أنا:عوذه منتس <<قام يذن ويقرا الفاتحه<<

السوريه:وشنوحك تقل انخرعت
أنا:لا..ماانخرعت بس بردان شوي
السوريه:قم اطلع برا البيت لا اصفقك هالحين..مابقا غير الوغدان يعشقون!!

أنا:يامتوحشه ياشريره ياعدوة شباب المستقبل

وأنا اطلع من بيتهم وأنا اجر اذيال الهزيمه<<أما عاد هزيمه هههههه<<

وعلى عكس الافلام العربيه والهنديه والامريكيه
انتهت هذه القصه نهاية حزينه

شرهه
وشلونتس؟

ريال
هاه لقيت بيت بالحسا؟؟

ابوضاري
مدرسنا يقول صبغ اللحيه باللون الاحمر جائز!!!!!!!!!!!!!!
وأنا اقول مايجوز!!
بالله وش رايك أينا اللي على صح؟؟

يالله كل واحد يدفع 200 ريال أنا ماني قاعدن انثر ابداعاتي بهاذا ببلاش ههههههههههه

**يـــوسف** · 20-05-2010 04:06

غالب أنا ماني مستوعب أنت اسمك غالب وخويك عواد وعبد لحظه يرحم امك شوي مخي هنق

سناعيسو لاهنتش يالغالي ولي نكسه تفصيليه الحين عندي مزمزه

**حيل حليل** · 20-05-2010 08:19

غالب

ياخي موضوعك مشوار

قسم بالله عيوني انسخطن وانا ماقريت ربعه

لكن بصراحه
خبــــــــــــــــــال

ناكس لك ياعلمة جدي هالعلمه

**ســـعود** · 20-05-2010 14:01

بسم الله علي نزيت

غالب عسى ها الجني ما يخمك هههههههههههههههه

ابداااع يا العشير

تحياتي لك

**هلآ الآسلميهـ** · 20-05-2010 14:49

ههههههههههههههههههه

الحمد لله انه تسحتك وبردت حرتي بك ..

ماباقي الا وغدان يعشقون هههههههههههههههههههههههه

<< ماتلآهد ..

\\

لآهنت سناعيسو .. الله يعافيك على هالتوووحفه ...

**εïз خزامى εïз** · 20-05-2010 15:36

ياحرآآآآم ههههههههههههههههه
هههههههههههههههههههههههه
هههههههههههههههههههههههههه
سرآحه شريرهـ اجل تقول جنيه
تحطيم قصتك قلت الحين بتسافر او بتكرهها
بس تطردك تحطيييييم
وسالفة المعلم شلون طلعت فيها ههههههههههههههههههههههههه
ههههههههههههههه
شيءءءء القصصصه بططططله
مراا شككرا لك
مبدع+