نكــــــــــــــــــت × نكــــــــــــــــــــــــــت ...

**هلآ الآسلميهـ** · 19-05-2010 17:22

السلام عليكم ورحمة الله وبركآته ...

مسيتوآ بالخير ..

عسآ الله يديم عليكم فرحه ..

جبت لكم شوي نكت ابيكم تضحكون من منطلق : أحب الاعمال الى الله .. سرور تدخله على قلب مسلم ..

\\

محشش جالس جنب امريكي ..مدله سجارة قال الأمريكي:ما أدخن..،مدله علبة بيرة ..قاله:ما أشرب..رد المحشش:وعلى ايش كافر أجل ؟؟

**********

محشش عزموه بنات على عيد الميلاد...يوم خلص قال: ترا بكرا عيد ميلادكم عندي

**********

محشش دخل مطعم يبي يطلب ورق عنب وناسي اسم الأكله // قاله الجرسون : شو بدك تاكل ؟! // قال : عندك رز بردان ومتلحف بشجرة !

**********

محشش قال لاصدقاه الزيتون له ارجول؟ قالوا:لا... قال:اظن والله العالم اني أكلت خنفسانة<<<وووووعععععع

**********

محشش حطوه حارس عمارة، صار ينظف الأصنصير بكل دور

**********

محشش اشترى سماعات مسجل....رجعهم ثاني يوم!! قالوله ليه؟؟ قال:الثنتين فيهم نفس الأغنية !!

**********

محشش قالوله وش أحلى صدفة بحياتك؟ قال: أمي وأبوي تزوجو بنفس اليوم

**********

محشش راح يودع فلوسه في البنك لقاه مقفل قام دخل الفلوس من تحت الباب

**********

عجوز تبخرت بحشيش وركبت مع تاكسي وقالتله : ودني الجنة جعل والديك بالشميسي !

**********

محشش عينوه في وزارة المياه داوم اول يوم بسروال سباحه

**********

اثنين محششين..واحد منهم يبي يسوي حكيم قال للثاني: "قلي من صديقك أقولك من أنت؟؟؟ " // قال الثاني: "من صديقك؟ " // رد عليه: "من أنت؟"

**********

أربعة محششين راكبين سيارة وقفوا وبعدين ركبوا السيارة وتلخبطوا في الأماكن وركب السواق ورا جا يقول يا شباب بدون مزح ثقيل اللي اخذ الدركسون يرجعه

*****************

فيه ثلاثه محششين في مزرعه طبوا عليهم الشرطه... انخشوا في أكياس... جاء الشرطي شات الكيس الأول.. قال كاك كاك (بطه)، وشات الثانى قال كوكوكوكو (ديك)، وشات الكيس الثالث ماقال شي.. وشاته مرة ثانية ساكت... المره الثالثه شاته بكل قوته،طلعله المحشش معصب وقاله:يا أخوي بطااااطس بطااااااطس!!!

**********

محشش يقول لزوجته انتي قد ايش تحبيني؟ قالتله: انا احبك كثر ما تحبني...قال: حرام عليكي وش سويت لك انا

**********

محشش و خويه في لبنان شافو قسيس يعرج سألوه و شفيك؟قالهم :أمس وأعت بالبانيو!!!المحشش سأل خويه:وشو البانيو؟؟قال خويه:وش دراني شايفني مسيحي !!

**********

محششين شالوا الثلاجه للدور العاشر بالدرج وتهاوشوا ،راح واحد منهم شوي و رجع قال:عندي لكم خبرين واحد سعيد و الثاني سئ،قالوا:عطنا الخبر السعيد،قال:باقي دور علينا و نوصل،قالوا:و الخبر السئ،قال:مهيب ذي عمارتنا

**********

في ثلاث محششين خططوا على ضرب العسكري والهروب من السجن يوم طلعوا مالقوا العسكري رجعوا وقالوا ياخسارة خربت الخطه!!!
**********

محشش مسمي نفسه منشف ريق البنات...ليش؟ من كثر ما يتفلون بوجهه

**********

محشش كان جالس في بيته في أمان الله يقرا الجريدة

وجات زوجته من وراه وخبطته على راسه بالقلاية

قالها: وش فيكي يا بنت الحلال!!؟ ليش كذا؟

ردت عليه: ايش هالورقة الي حصلتها بجيبك ومكتوب عليها سوسو؟ مين سوسو هذة ؟؟

قالها: يا شيخة هذة الحصان الي بشجعه في سباق الخيول الأسبوع اللي فات

الزوجة صدقته وقالت طيب خير

مر إسبوع كمان

والمحشش جالس يقرا جريدة، وجاته زوجته وخبطته بالقلاية على راسه

قالها: خير وش فيكي يا بنت الحلال؟؟!!

قالتله: قوم يا روح أمك......حصانك على التلفون ؟!!!!

.................. .............................. .....................
محشش بقول لصاحبه أبوك من يوم ما اتوفى ما شفناه عسى ما شر

------------ --------- --------- ---------

ثلاث محششين وقفوا تكسي..صاحب التكسي عرف إنهم محششين.. شغل السياره وطفاها.. قالهم وصلنا .الأول عطاه فلوس.. الثاني قاله شكرا.. الثالث حوّل من السيارة وراح لف إلى السايق وعطاه كف .السايق على باله بأن المحشش فهم الملعوب، لكن اتفاجأ لما قاله:لاتسرع مره ثانية

------------ --------- --------- ---------

محشش يأذن أول مرة في حياته لما خلص من الأذان ... قال: مع تحيات بوناصر!

------------ --------- --------- ---------

محشش ليلة عرسه ما لقى موضوع يتكلم فيه قال لزوجته : أهلك يدرون إنك عندي!

------------ --------- --------- ---------

محشش فتح كوفي شوب في الصين سماه 'فن جن شاي'

------------ --------- --------- ---------

هنود عاملين فيلم عن حرب العراق .... نهايه الفيلم يطلع بوش اخو صدام

------------ --------- --------- ---------

محشش مدخل راسه في قفص أسد قاله الحارس: وخر عنه... قال' بشوفه بس ما ني ماكله!!!!

**ابو عارف** · 19-05-2010 18:27

شكراً لك ياهلا الاسلميه

حقيقة نكت ولا أروع بس لو قصدتيهن علينا أحسن

المهم ضحكت حتى خفت أن يطيح نابي

الله يضحك سنك بالسعاده

تقبلي تحياتي لاهنتي

**غالب** · 19-05-2010 22:21

هنود عاملين فيلم عن حرب العراق .... نهايه الفيلم يطلع بوش اخو صدام

ههههههههه
عزا الله هاذي عادتهم الهنود

تقبلي تحياتي

**فوق الغمآم ~ْ ْ** · 20-05-2010 00:12

أيّ والله وسعتِ صدورنآ ،، الله يوسع صدرك ~

أومآ بطآآآطس بطآآآطس ،،

لاآآ هنتيش ،،

**يـــوسف** · 20-05-2010 02:25

في ثلاث محششين خططوا على ضرب العسكري والهروب من السجن يوم طلعوا مالقوا العسكري رجعوا وقالوا ياخسارة خربت الخطه!!!

فدددددددددددددددددددددددديت الشله اللي هجي قسمن انهم وناسه ياهيك التفكير يابلا

إطعج يآهوه

لآهنتي يافلانه

**عبدالله الجعيثن** · 22-05-2010 11:36

فيه طلاب بأول يوم دراسه

ويسألهم المدرس...وش يشتغل ابوك:

قال الاول مهندس
قال الثاني عسكري
قال الثالث بالبلديه

سكت الرابع شوووين وقال ابوي يشتغل طبّال بفندق بالبحرين

ويوم انتهت الحصه مسكه المدّرس قال ياولدي صحيح ابوك كذا يشتغل

قال الطالب لا

بس استحيت اقول للطلاب ابوي لاعب بنادي النصر