عندما أعشق 1
ياهلا والله ويامرحبا
وشلونكم
وش رايكم بالعنوان
<<قعد ثلاث أيام وهو يزين بهالعنوان بس<<
في يوم من الأيام
وفي شوارع النظيم كنت طفل بريء يلعب اللحقه والتغيب
وكان من اكبر همومي المحافظه على سروال الرياضه علشان ماينشق على ركبتي
وبعد كان من أكبر همومي كيف اقنع ابوي يشري لي شريط سوني تو كل خميس
وكان عندي سيكل رامبو مهجد كل عيال الحاره به<<انسرق السيكل يوم نقلنا لبيتنا الجديد<<
فجاء صباح يوم الخميس<<غريبه<<
فإذا بأبوي يقومن من النوم الساعه ثمان وهو يقول لي قم جب لنا فطور وقل له لا يحط فوق الفول والعدس مشكل وثلاث شكشوكه و جب 3 ريال خبز هاه
فإذا بي اذهب إلى البوفيه وأنا مغمض ومسوي زي الحبيب اللي بالصوره من كثر ماإني غرقان بالنوم
وأنا اروح لراعي البوفيه الباكستاني ابونواس اللي لابس لبس باكستاني وفوقه شماغ احمر غامق وفوق الشماغ عقاليعني وش هالخلط ياأبونواس ياشيخ حيرت علماء الطبيعه وعلماء الكيمياء والفيزياء والرسامين بلبسك هذا
ياشيخ يقولون ماسكين اللي رسم الموناليزا يضرب نفسه طراقات يوم دري بلبسك خخخخخخخ
واحط الفطور على السفره واروح انام على انغام مكيف الجنرال وأنا ابدا اعزف انواع السيمفونيات بشخيري العذب
وعقب اقعدن أبوي الساعه 12 وهو يقول (قم جب لنا لبن المراعي التسبير و4 روب وجب معك بعد طماط و حبحر حرارته وسط تسمع وألا لا )
وهو يطلع من الغرفه وأنا اقمز وبكل سرعه تقل بس مضروب بنعله تركيه مقاس 44 وإنتم بكرامه خخخخخخخخخخ
يعني زي هالصوره
واروح أرتسب سيكلي الرامبو اللي مركب له سلك وحاط بالسلك علم السعوديه وملون جنوط السيكل اسود يعني كشخه
واروح لراعي البقاله البنقالي اللي لابس سروال اسود بأزرق ولابس فنيله علاق تقل يبي يطب بله مسبح وبراطمه تقل براطم سمكه
واشري منه الطلبات
وأنا راجع
شفت لي باب فاتح<<سراحه سراحه هالخبر لازم ينشر بالجرايد<<
وشفت لي مره بوسط الحوش وجهه أبيض حتى إني يوم شفت وجهه من بعيد كنت احسبه فنيلة دروش مقاس 18 بس عقب استوعبت إنه وجه آدميه<<
وسمعته تصوت لأخوه وهي تقول(لك العمى بألبك شو عم بتلعب حتى بهالوئت لك والله هلكتنا العمى بألبك)
وأنا افتح افيمي واراعي للباب يعني معت يوم سمعت الصوت ونسيت إني قاعد اسوق مافطنت لروحي غير يوم دخلت ببرحه واقلعت عقب ما رقيت لي كومة تراب خخخخخخ
وأنا اقعد اجمع اللبن والروب والكيس انشررح والسيكل زل زنجيره
واروح للبيت وأنا افكر بهالبنت
طبعاً شوفوا فرق العمر أنا عمري 13 أكا الوقت وهي عمره بالعشرينات
وأروح للبيت ويقعدون أهلي يتغدون وأنا جالس بالصاله منسدتن نفسي
<<كان قبل العشق ثالث من يقلط وآخر من يقوم يعني يسوي رالي بالغدا ههههههههههههه<<
ويوم جا تالي الليل وأنا اركب السيكل وأروح لبيت هالبنت
وهو يطلع لي اخوه
طبعاً أخوه يبي له موضوع لحاله
سبحان اللي خلقه
هذا آدمي دبي وديوده تقل قواطي ببسي
يعني به ناس يقولون إنه أول ماانولد كان يرضع نفسه ههههههههه
ويلبس بدله ضيقه تشوف سره اللي تقل مضرب نيزك هههههه
ولابس سروال مطلع ركبه اللي تقل بردقان لبناني
ووجه احمر تقل غاطينه بفيمتو
وراسه إذا شفته من ورا تحسبه راس قير خخخخخخ
وهو يقول لي
السوري:شو بتعمل هون
أنا:وشو
السوري:شو وشو ماوشو شوو بتعمل هون
أنا:نجفتكم ترمش الظاهر البويبينه خربانه<<اقرب مخررج
وعقب ماابعدت سمعت اخته تصوت له <<اللي أنا عاشقه<<
ويوم جت الساعه ثنعش وأنا اجي عند باب بيتهم
مافطنت غير يوم طلعت بسه عاضتن فخذ دجاجه وتراعي لي
<<تخيله تقول شو بتعمل هون
قلت يا بسه وش شفتي بهالبيت<<يقلد اللي بالتمثيليات والافلام إذا عشقوا يقعدون يكلمون الشجر وهاللون فأنا لقيت هالبسه وحتسيت عليه
قالت البسه :مياو واو مياو
اتوقع ترجمته (مهو إنت اللي دعستن أكا اليوم؟؟)
وهي تروح هالبسه
وأنا اروح لبيتنا
وافرش فراشي بالحوش
<<تروه مهو لأن المكيف خربان<<
واقعد اراعي للسماء لعلي ألقى وجه الحبيبه بوسط هالنجوم<<يعني تبي تلقاه بوسط النعايم وألا بجنب الشعله مثلاً هههههههه<<
وهو يزين المكيف
وأنام داخل
يوم جا الصبح وهو يرسلن ابوي للدكان
وأنا اروح على طول<<العاده يطفون المكيف ويصبون عليه ماء وولا يقوم بعد<<
وأنا القى البيت بابه مفتوح
واراعي وألا هي بوسط البيت
وأنا اروح ادربي راسي وادخل بالسيكل
اول ماشافتن غطت وجهه وقالت شو بدك
قلت وش رايتس بجنوط سيكلي بالله مهن كشخه<<اقرب مخرج<<
وهي تراعي لنا البسه اللي عاضتن فخذ البارح من فوق الجدار<<الظاهر إنه مراسل لقناة الجزيره<<
قالت:مياوووووووو
اتوقع ترجمته(بعد هالكلمه استلم جايزتك للتصريف من زبالتي(وإنتم بكرامه) وهي عباره عن كرتون و ريموت مابه دقم ورسيفر ملتمس)
وإلى هنا يقضي هالجزء
إلى اللقاء بالجزء الجاي
<<مشغل اغنية ودعتك الله تسنه اغنية النهايه
لايكون أنا قاعد امقس
رد مع اقتباس
المشاركة الأصلية كتبت بواسطة ســـعود
المفضلات