لغيز خفافي-يمنع دخول ريال فسحة وابوغازي-

**الكاتم** · 14-05-2010 01:17

انا بنشدك عن بنتين تشابه في مباديها
لهن نفس الاساس ومنقلب وضعه وترتيبه
رديتهن تجي عقب الطلب ياويل باغــيها
وعزيزتهن تجي دون الطلب من زينه وطيبه
رديتهن وليده ينزل ويسـبح بمــا فـيها
وعزيزتهن وليده يرتفع يسعد من يصيبه

الظاهر انه ما يجلس 5 دقايق الا وتحله الشهبا
نبي نشوف رمعاتكم

**شرهه** · 14-05-2010 20:15

يا هلا والله بالكاتم والغازوه ....

مدزدي يوم انك تمنع ريال و ابو غازي من الدخول ... فرقى وجيه ولا خلولنا شي نحله

ان دخلوا ما لهم الا المخالفات ...

ابروح ابجيب لي قهوه وامزمز على لغزك وان شاء الله ان ما يحله الا انا

>>>تمد للكاتم خمس ميه من تحت الطاوله

**الكاتم** · 14-05-2010 23:41

^
^
خذاهن ويتلفت يخاف احد يشوفه وهو يرسل الحل على الخاص

**شرهه** · 15-05-2010 22:37

الكاتم يا انا يا لغزك ... الليله غايلته غايلته

ان ماغالوه الربع

**يـــوسف** · 16-05-2010 14:59

الكآتم خل الكهرب بشتغل وانكس لك واحله من اول رمعه

<_ طافي الكهرب عليهم يقولون ان ممدوح داخل بحدا المكاين وغدا تقل بس بوسط مكينة سياره

**شرهه** · 16-05-2010 18:07

^

اشي وخر شوي او دندز ماشوف الرجال ... خشمك صار بيني وبينه

الكاتم لغزك ما فهمته .... ممكن تفهمنا

**الكاتم** · 16-05-2010 23:16

حيا الله يوسف >> افزعوا لممدوح اول وهين اللغز
وكان الكهرب رجع نتحرى رمعتك قبل ما يجي ابو غازي ويفضخ عينه>>احسبه هو يوم شفت صورته بمعرفك

**الكاتم** · 16-05-2010 23:30

هلا بمشرفتنا المصونة
انا مانا فاهمه وشلون اشرحه لك

المشاركة الأصلية كتبت بواسطة الكاتم

انا بنشدك عن بنتين تشابه في مباديها
لهن نفس الاساس ومنقلب وضعه وترتيبه

بنتين فكرة عملهن تتشابه لك يختلف طريقة وضع مكوناتهن يجن بالمقلوب

رديتهن تجي عقب الطلب ياويل باغــيها
وعزيزتهن تجي دون الطلب من زينه وطيبه

واحدة طيبة والثانية ردية
الطيبة تجي بدون ما تطلبه والردية لازم تقول هاتوه لي

رديتهن وليده ينزل ويسـبح بمــا فـيها
وعزيزتهن وليده يرتفع يسعد من يصيبه

لهن نفس الولد مع اختلاف قدره الردية ينزل ولده تحت بالبداية ويتلوى ببطنه والطيبه يرقى ولده سنود

وبه بيت رابع ان قلته فضختي عينه على ما تقرينه

**شموخ شمالية** · 17-05-2010 00:54

بوه احد حلــّوه او أخرب على ابوغازي وأحلــوّه

الكاتم راجعه لكم ومعي الحل بأذن الله

**الكاتم** · 17-05-2010 06:38

^
^
اهم شي لا يغششك مديرك ابو غازي>>اخبره مدير لك او لشموخ
وتريه سهل
الزينة منهن يكاد لا يخلو منه بيت
والردية نوب تدعى باسم رجل
اكثر من كذا توضيح مافيه

واول بطاقة شحن افوز به بالمضايف من نصيب اللي يحله
يالله الهمة