قصيدة للشاعر/ثامر راضي الشلاقي _رحمه الله_
السلام عليكم ورحمة الله وبركاته ,,
مسيتو / صبحتو بالخير ,,
هذي قصيدهـ جايبه لكم للشاعر الكبير/ثامر بن راضي بن غريب الشلاقي الشمري _رحمه الله_ حينما كان في السجن ..
التي يشكي فيها لصديقه الأخ / فواز بن غمور الويباري الشمري حيث أن فواز من اقرب الأصدقاء لـ ثامر _رحمه الله _ وفواز شاعر ايضاً وسوف احاول ان انقل لكم بعضاً من قصائده لاحقاً ..
اليكم القصيده :
قم يـانـديـبي وارتـحـل فـوق مـامـون ,, عـبـارتين ووارد البـهـبهـانـي
ليادست بنصه جاوب الجمس بلحون ,, منوة مهيم(ن)يم الاصحاب عاني
نصه لمنهو بالمهمات مضمون ,, فواز عـون الي جفاه الزماني
ودو سلامي يا هل الجمس تكفون,, للنـادر الي باـلـملازيم باني
ماريته قولة هلا حين تلفون ,, صـريـح ماهـوبالـحـكي مروغـاني
له عادت(ن)تقليطة الحيل بصحون ,, ومن لاذ به يصير بأمن واماني
ومقدار يقرا الخط وانتم تقهوون ,, فنجال بن(ن) خالطه زعفراني
فواز يامشكاي حالي غدة دون ,, وربعي نسوني يوم وقتي وطاني
متبايسين(ن)لعنبوهم يزورون ,, مدري نسو ولا لهم قصـد ثاني
لا شك صدقان الرخا مايفيدون ,, يا قـلـهم يوم ان اُن الاواني
وانت الوحيد الي عن الحيف مصيون ,,الكامل الله وانت كامل معاني
يا أعز ماعزيته بعالم الكون ,, يا أصدق صديق(ن) في وفاك متفاني
جوارحي لك يالسنافي يهتفون ,, وجوا سويدا القلب تر لك مكاني
الشاعر غني عن التعريف حيث انه من سلالة ذوي مكارم اخلاق وشعراء ..
والممدوح يستاهل ابو غمور ..
رحم الله ثامر رحمة واسعه واسكنه اللهم فسيح جناتك ..
رد مع اقتباس
المشاركة الأصلية كتبت بواسطة ابوهجرالويباري
المفضلات