مندي دجاج حياكم
السلام عليكم ورحمة الله وبركاته
مساكم / صباحكم بخور وعود وورد
هذي مندي دجاج حفيف من صنع يدي طبعا على غاز
في الفرن الخاص للمندي والمرة الجاية
بإذن الله يصير تيس مشوا حالكم هالحين وبعدين يصير خير
الكشنة والحركات والبركات
( بصل طماط لومي عشب غار سمنة ملح بهارات قشر برتقال
قشر ليمون حبحر دارسين ) وكل واحد وطريقته وان بغيتوا ضيفوا ثوم
الرز مغسول وجاهز
نحط الرز في القدر ونظيف عليه الماء ونتأكد من ملحته ونصيد الرز ومقاسه
علشان مايصير حب ولا يصير عبيكة جريش
الدجاج متبّل وجاهز ( بهارات صلصة ملح ليمون زيت الزيتون ) وان بغيتوا ثوم
الفرن مشتعل وعقمناه بعدين نحط الدجاج والرز
نسكره وضوّه شابة ونخليه لمدة تقريبا 25 دقيقة أو أقل شوي
الآن بدا المؤشر يرتفع
خلاص الآن وصل لدرجة 180 ويكفي للدجاج وبعدين نطفّي نار الغاز
ونخليه 40 أو 45 دقيقة تقريبا وهو مغلق
بعدين نفتحه ونشوف بسم الله ماشاءالله تبارك الله
بعدين نشيل الطبقة اللي فوق الرز ونقول تفضلوا
وإلى اللقاء مع مندي قادم أو حركة قادمة بإذن الله تعالى
واستروا ماواجهتوا
أخوكم بحرالشوق (أبوعلي)
رد مع اقتباس
المشاركة الأصلية كتبت بواسطة الراميه
المفضلات