صبحكم / مساكم الله بالخير جميعا
ماني على خبرك تراني تغيرت ..!
القصيده :
اقفت بك الدنيا بعد ماتخيرت
درب(ن)مشيته بالخيانه ولاجيت
مشيت من عندي ولا في فكرت
مدري نسيت الود ولا تناسيت
خابرك لامن غبت عني وسافرت
يومين وتعود تقول انك ابطيت
لكن هالمره بغيبتك انااحترت
كنك تعمدت الغياب وتماديت
مرت ثمانن سود من يوم مانكرت
قلب(ن)على فرقاك ليله تناهيت
جرحتني وانااللي بحبك ابحرت
وكتبت فيك بيوت شعري وغنيت
ويومن دربك تهت فيه وتعثرت
رجعت لي تضحك ولاكنك اخطيت
توك رجعت اليوم توك تذكرت
قلب(ن)عطاك من الغلا لين مليت
ماني على خبرك تراني تغيرت
ماعاد لك قيمه ولا القلب لك بيت
بير الغلا جفت بعد ماتيسرت
وماتت عروق الشوق يومنك اقفيت
والحين توك جيت جيت وتعذرت
مالك عذر ليتك لي اليوم ماجيت
للشاعر / عبدالرحمن سويلم الرشيدي
رد مع اقتباس
المفضلات