إقتباس
مسا الخير
وش وقعك
والله يابو الليد تحسفت اني ارسلت لك ذليت خخخخ
الموضوع تقدر تسميه لقافه وتقدر تسميه ملاحظة
انا اتابع مواضيعك من اول ,, عليك جمل تسوى له مواضيع من الفله
*لكن تنسيق الجمل داخل الموضوع لك عليه اذا الواحد شاف الموضوع اسطر طويله وتحت بعض مايتحمس يقرا
تابع اغلب المواضيع بالمنتديات خصوصا المواضيع الساخره يكون سطر او نص سطر وتحته سطرين او ثلاث فاضيات
*واحيانا يكون في جمل زايده
والله اني اضحك ياما اعجز على بعض كلامك بس المشكله ماتبرزه
وهذا اللي عندي ومابيك تشيل بخاطرك علي والله لو ماني شايف انك تستاهل كان وش علي منك
اشوف فيك كاتب من طراز فاخر بس المشكله بالتنسيق والفلتره
(( اتمنى اني قدرت اوصل المعلومه لك ))<< ماظنيت
وادري انك اكبر مني عمرا ومقاما السموحه منك لكنها كليمات وطلعن ,, من منطلق ( رحم الله امرء اهدى الي عيوبي )
تيك كيرِ
----------------------------------------------
آآآآآآآآآآآآآآآآآآآه لو أعرف صاحب هذه الرسالة كان لفخته بالمحماسة وخليته عند فضيلة الشيخ في قسم ال VIP لكن وين يروح من قبضتي مايتجراء يقول لأبا ناب مثل هذا الكلام إلا أبو حسن.
ياجماعه الي فيني كافيني أبي رأيكم في صاحب هذه النصيحة التي جتني بالبريد الخاص هل هو محق بماقال وهل هذه الملاحظات التي أدرجها في رسالته أعلاه صحية أم لا؟ ألا يعلم أخينا بالله بأنني خريج مدرسة خالد بن الوليد الإبتدائية الليلية عام 1972 وشلون يطلب مني التنسيق والتنميق علمونن قبل أن أتهور وأعض روحي من القهر بس خايف أن يطيح حبيبي الوحيد نابي من شدة العضه.
بالرغم من إعلاني ملاحقته قانونياً وبالرغم من بعض جمل المجاملة الواضحة من خلال الإطراء نتيجة خوفه من ردة فعلي سمع سالفة يد النجر ، حقيقة أقول قد أصاب كبد الحقيقة فيما ذهب إليه وياليتنا نتناصح حتى بالعام والخاص دون مجاملة مع علمي ويقيني بأن النصح مع كبير السن مايفيد.
ماتعرفونه ؟
كلما أستطيع قوله له يازل المزح الف شكر له على صراحته ومناصحته لي وحلولات لو أعرفه أبي أغزي عليه في جيش أبو ناب بقيادة الضاري وشرهه ولايهون أبوطروق.
هاه ويش تقولون لايكون بعد إنكم توافقونه الرأي على بعض ماجاء في كلامه الموجه لأبو ناب؟
رد مع اقتباس
<<<
المفضلات