ياقلب لاتحزن ولو صار ماصار
كم لك تقاوم حالة الجزر والمد
إلياقصدنا نذهل صغار وكبار
وإلياسكتنا حكمة(ن) مالها حد
أحيان ألوم النفس في نظم الأشعار
وأحيان أقول لهاجسي:طالبك زد
أهرب من الواقع وأشيد لي أسوار
ضايق من الحاضر وخايف من الغد
هل ياترى نمضي من النار للغار؟
أو ياترى نهرب من الضد للضد؟
نقرى مآسينا بنشرات الأخبار
لاكن وهن وعجز مانقدر الرد
قرآننا دنس ولاطاير(ن) طار
ونبينا ألعوبة الغرب باليد
وبناتنا صاحن من الظلم والعار
حتى لبسن حزام ناسف على القد
تصدعت أحجار يافا لما صار
وحنا بالإستنكار نصرخ ونخمد
هو باقي(ن) شي(ن) يسوى ولاصار
هو باقي(ن) شي(ن) يخرب ولاهد
المشكله إنا على بعضنا نار
ولانفتكر يا غير بالنفط والحد
نقول:كنا من يقودون الأحرار
وكنـا وكنـا لين مانقدر العد
نسترجع الماضي إذا الحاضر إنهار
ولايبني الماضي على ماحصل سد
إكتب ياتاريخ الأمم وصمة العار
وأنا لماتكتب دليل(ن) ومرشد
وش صار يوم الغرب تجتاح الأنبار؟
لابد تذكر كل ماصار لابد
أبو غريب وقايد الشعب الأحرار
إكتب فضايحنا من الحد للحد
إغتيل صبح العيد مغوار الأنبار
والثار من صهيون ياصاح بالود
ومن كثر مانستنكر إعتدنا الإنكار
ماكن ربي خالق(ن) للعرب يد
ياكبرنا بالكذب وألحان الأشعار
أعزة(ن) دربه عظيم(ن) ممجد
نقول: درع إسلام ورجال الأخطار
وفعولنا تورث من الجد للجد
لاوالله ألا الذل والجبن والعار
وحقايق(ن) ماتقبل الزيف والصد
نسمر على عود(ن) ونسمر على طار
وأحلامنا غيم(ن) تقطع تبدد
يجيك لك يوم(ن) وتسأل وتحتار
عن وقتك اللي فات يالشايب الجد
ياتي حفيدك باغي(ن) صدق الأخبار
من بعد مايسمع عن القتل والهد
من بعد مايسمع عن الذل والعار
وعن دمعة العذرى ومجراه بالخد
يقول: وين إسلامنا؟ وين الأحرار؟
يالجد وينك وقتها؟ طالبك رد
وينك عن الأطفال بيدين كفار؟
وينك عن الدره وطفله محمد؟
وقته تذكر كلمتي بين الأشعار
وقته تذكر كلمتي زين يالجد
تاريخنا مخزي ولو طال الإنكار
ماجفـت الأقلام والكل يشهـد
أما نموت وروسنا فوق الأقمار
ولاتبعنا لابس الشال الأسود
رد مع اقتباس
المشاركة الأصلية كتبت بواسطة ام الرغفان
المفضلات