همس الليل
يبين لون الليـل لا غابـت الشمـس
لاذابت عيون الشفـق فـي بحرهـا
اصير همس الليل ويصير لي همس
اصبح رفيق لي وروحـي اسرهـا
اشكي هموم اليوم والبارحة وامـس
احكـي عنايـه للنجـوم وقمـرهـا
وارقى على متن القمر والمسه لمس
واسامره والنفـس يذهـب كدرهـا
اشكي عليه اللي حمس مهجتي حمس
هذي حـروق القلـب بيـن اثرهـا
واليا نعس جفن القمر صابني عمس
ماعـاد اميـز ليلهـا مـن سفرهـا
ارقب غيابه واصفق الخمس بالخمس
حيثه نديـم النفـس حـزة سهرهـا
حتى النجوم بغيبته صابهـا طمـس
كنـه تكلـم بالسكـوت وأمـرهـا
واليا اختفى نور القمر وارمس رمس
لملمتها جروحـن تزايـد خطرهـا
قصة فؤاد(ن) بالهوى انغمس غمـس
لاجا سـواد الليـل يـروي خبرهـا
رااااااااااااااااقت لي
رد مع اقتباس
المفضلات