شخآط
السلآم عليكم
ياهلا والله بالعيال ويامرحبا بالبنات
يالربع صم الله علي تف تف تف عين الحسود فيها عود
تخبرون حظي ماشاء الله مافيه ازين منه الا ثلاثه العريف دحام وابو كنعان وجون ترافولتا
اليوم كانت عندي فحوصات وقالو تعال صايم
واجي وادفع الفلوس وبيني وبينكم ولاتفهمونه بخل بس الحق حق
اني كل ماطلعت 100 احس ان وراي واحد معه مغآط ويصفقن بعلابيي
المهم اني عطيتهم وبقى لي فلوس قلت برجع لكم اخلص فحوصات واجي <_ ماهو بخيل بس حقآني
وأروح واجلس على الكرسي اتحرا يسحبون دمي وشوي الا اللي دخلو علي خمس شباب وثلاث بنات وانا اسكه من الذله قلت امرو وش بغيتو <_ يحسبه هوشه
قالو انت جاي تسوي فحوصات وحنا الموظفين قلت كلكم يعني والله لو اربعين يد ماجيتو كلكم
طلعو متدربين وقالو نبيك تتساعد معنا ومدري وشو
قلت طيب توكلنا على الله عيالنا واذا ماوقفت معكم محد يوقف معكم
ومامداني قلته الا كلهم فوقي اللي ياخذ حرارة واللي يشوف نبض قلبي واللي يقيس الضغط
وانا اتبوسم حسيت اني وزير الأوقاف ماني حيا الله <_ يراعي لسناعيسو
المهم المهمات وحنا ناصل لسحب الدم وهم يوقفون كلهم قلت وش بلاكم يا الله اخلصو وراي شغل وقتي محسوب علي
<_ تخبرون خشيت جو وزير
ياحليلهم بالعين العافية مايبي يسحبون دم خايفين يجيبون العيد وهم جابوه فعلآ
وهو يجي واحد منهم ماشاء الله الله يعطيه الصحة والعافيه قصير ودب يعني يبيلهم ابرة خاصه للفيلة يا الله توصل لعروق يده
ويوم جا يبي يحط الابره بيدي وانا آلتفت له الا ماشاء الله طويلة حيل
قلت لحظه يالدختور وش السالفه متآكد ان هالابره اللي طولك لي ولا لا ؟؟
وانا وياهم آخر شي قلت يا الله عيالنا ولازم ندعمكم
ويوم دخلت الابره بيدي اول ماحسيت الا الدنيا صارت زرقاء شوي قلبت خضرا وانا ادوخ واسحب يدي من الوجع وهي تنشب الابره بيدي وانا اقوم اوون ابي الحياة وهم لهم صيآح يصوتون للمرض والبنات خمن بعض ويصيحين ههههههههه
انا اللي قاهرن ان فخذي انشد يعني كل هذي نذاله
والحمد لله جت سليمه وطلعه الممرض وانا مابين عيوني الا الفلوس الباقية عند الاستقبال قهر اموت ويروحن كذا
وهم يقومون يعتذرون مني قلت اقول الله يلـــعن ابو السعوده على ابو من يدعم شبابنا سقها انت وياه لاوالله العظيم اقفل الباب الحين ولايلقون الا ريشكم انززززززلع عن وجهي ياجازورآ
واروح اجلس بالاستقبال وحالتي حاله وادق على ولد عمي ويوم سمع صوتي اون قال وينك وش بلاك قلت تعال ذبحوني الدوااسر قال انا ولد فلان وينك الحين قلت بمستشفى محمد الدوسري تعال جاني ومعه واحد من العيال سبيعي مسبك يقال انه يوم انولد ماحطوه حاضنه حطوه بعلبة فيوزات
وهم يهدون وينهم وينهم قلت منهم ؟؟
قالو الدواسر وينهم قلت اللهابوكم اقصد المستشفى الدوسري والموظفين الدواسر <_ مخ نظيف وصافي وخالي من الشوائب
قلت لهم انا بالسياره واحد يجي يسوق بي والثاني يروح ياخذ الباقي من الفلوس عند الاستقبال
يوم التفتو الا موظفات الاستقبال تخبرون براقع ولثم ومكيآج وهم يفقدون ويسحبون علي راحو يبي يجيبون الفلوس ههههههههه
وابد بس بغيت امقس عليكم شوين لأني ابي ابروح اشكي للدكتور ابن دهيم صديقي لبى قلبوه
توسدو إحترامي
رد مع اقتباس
المفضلات