ياعيشة الشر والشرير!
سلام عليكم
أنا كتبت هالموضوع
واللي يعجبه الموضوع يرد رد زين
واللي مهو معجبه يشوف أقرب جدار ويرضخ به راسه<<ياقوي<<
تخبرون أنا شخصيه مهمه
وباليالله نظمت وقتي وقدرت أكتب موضوع<<هياااط<<
أمس
دق علي أوباما الساعه 9
يعزم على الغدا
ويوم جيته ليا والله معلقن الحااشي
ويهلي ويرحب
ونقعد نسولف
واكتشفت إنه من عبيد حايل
يقول يوم سقطت امارة آل رشيد انحاش جده مع اللي انحاشو للعراق
ويوم وصل العراق درس أبو أوباما و ابتعث بأمريكا
ويوم قعد بأمريكا أعجبه الوضع بأمريكا وقعد بأمريكا إلى إن مات أبو أوباما
ويقول إنه أطلق الاشاعه إللي تقول إنه من أصل أثيوبي علشان لا يشتهر ومايبحثون عن تاريخه
ويوم تغدينا عنده
مافطنت ألا يوم إنه قال بنتي تبيك ياغالب على سنة الله ورسوله
هههههههههه
قلت تسيف ياأوباما إنت تخطب لبنتك
هذا عيب عندنا وفهمته
أثريه متعود على أمريكا وعندهم هنا تخبرون كله واحد
المهم قلت له ماباقي ألا أنا آخذ لي عبده ياهالكويحه
وأنا أطلع وأنا زعلان
ويوم مشيت كان يبتسي لأني عييت
هاذي تروه كله مقدمه
عندنا ياطويلين العمر مدرسه
مروحه
مهو بس مروحه
لو به شي أقشر من المروح تسان قلته
أكثر الشهايد اللي يعطونا إياه به أخطاء مطبعيه
والمدير كل ماجيته
قام يمغط لسانه ويقوول لاااا الشهاده مابه خطأ مطبعي
وبالأخير يطلع بالشهاده خطأ مطبعي
ويقعد يصرّف ويعتذر
بس وش عقبه
وبالتطرق إلى موضوع آخر
ألا وهو موضوع الجيران
تخيل إنك شريت أرض
ورحت قدمت على البنك العقاري
وعقب 20 سنه
ينزل اسمك
وتروح تخطط وتبني
ويشيب راسك
وتقضي فلوسك
المهم
ويخلللللللللص بيتك
وتسكن
وعقب ماتسكن
تكتشف إن جيرانك تسـلاب
مثل أكثر جيراننا
جيراننا سلمكم الله
ضربوا أروع الأمثله بسرقة النجفات
بل ضربوا أروع وأجمل الأمثله بالشخبطه على الجدران
دايم نقعد الصباح نلقا النجفات أما مسروقات أو مكسرات
وألا يجيك ويكتب على جدار بيتك
أبوفلاااان
فلانه أحبك مووووووت
ويكتب شعر
ويلاه ضاق الصدر ومدري وشوو
خخخخخخخخخخخخخخخ
وألا يكتب
وينك ياأبوفلان
أو
راحت أيامك يافلان
أو
والله إنك شنب ياأبوفلان
مثلا ً
لو ولدك أخطى على جارك
أكيد إنك تبي تدب ولدك
وتهجده
لكن عند جيراننا النظام يخلف
عندنا جيراننا بزعمهم عيالهم مايخطووون أبد أبد
هليام وغد من وغدان جيراننا
يتقرطنا ويكسر نجفاتنا
المهم وأطلع لي يوم ولقيته عند البقاله
وأنا ألمخه
وألعن جدفه
مافطنت ألا يوم طب علينا واحد حاط الشماغ على متنه
وشنبه تقل جناح غراب
وصلجته تلمع
ويدن به زقاره ويدن به مفتاح السياره
يعني من تشوفه تجزم إنه مهستر وبايع الدنيا بقشر بصله
وهو يقول لي
وليه تضرب ولدي
ووليه ووليه
وولدي مايذي
بعدين دريت إنه أبو هالولد
طيب ولدك الله ياخذك إنت وولدك ماتشوفه مذينا
وفوق هذا كل ماشفته يقوم يتقرطن
ياخي للصبر آخر مثل مايقولون
هو معذور الصراحه الأبو هذا
لأنه طول النهار يشتغل
وطول الليل يسير عند خوياه
و تلقا مرته تستر على وغدانه
وتقول العيال مايطلعون
وهي تدري إنهم يطلعون بس ذالتن إنه يضربهم!
يعني يا هالمره
يهمتس إن أبوهم مايضربهم
وولا يهمتس إنه كل يوم يصفقه له واحد بحق وبغير حق بهالشارع؟
على طاري الشارع
بعض الناس ماأدري وشلون يفكرون
شكل راسهم مابوسطه مخ
الظاهر محطوط داخل راسه ورقه مكتوب به(مابه مخ)
يعني الحمدلله اليوم الجو زين عندنا
وتمطر من شوين
وهالشباب كلن رتسب سيارته وراح يفحط بهالشوراع
هاللون تشكر ربك على نعمته؟!
وألا اللي أقشر من هذا
هو إنه ليا فاز النادي الفلاني على النادي الفلاني
هذاك عاد هو البلشه
يجيك الواحد يمشي 220 ويموح بالسياره يمين ويسار
كله لعيون هالنادي!
والنادي أصلن ماطق له خبر!!
وكل يوم يموت من هالعالم والسبه هالتفحيط الله لا يبلانا
بس
رد مع اقتباس
المشاركة الأصلية كتبت بواسطة هلآ الآسلميهـ
المفضلات