سلام الله عليكم ورحمة وبركاتة ,,
موضوعي ,,
ممكن يصنف ,,في الديني ,,والاستشارات النفسية و,,,العام
,,لكن ,,حبيت اطرحة في العاام ,,لانة عااام ,,
مدخــــل ,,,
بشرهـ وخيــرهـ بشرهـ وخيرهـ اما اكون انا لة والا مابي غيرهـ ,,
قالو ترا مالك امل في قربها لو يوم ابعد وجنب دربها وهذا هو المقسوووم ,,
موضوووع ممكن ينظر لهاا من جانب العيب وممكن ينظر لة من جانب الحرام ,,
وممكن يتعرض للرفض ,,
الحـــب اسمى شيء في هذا الوجوود والحب موجود في عهد اشرف الخلق وعهد اجدادناا ولاهو شي ينكر وجودة ,,,
لكن نترك العيب ونترك سلوم وعاداتنا ع جنب ونترك التقاليد ع جنب ,,
ماقول مالهن خص لكن ابي انظر لهالموضوع بمنظوور ثاني ابي اعرف الاسباب او اسباب غير اللي ذكرتها ,,
وقبل ابداء موضوعي ,,
اتمنى منكم ,,ابداء الراي بدون استعجال او بدون زعل >تلمح لاحد يهاوشهاا
بذكر لكم السالفة ومنها طلع لي هالموضوع ,,
سولفت لي صديقة ,,,
دقيت عليهاا مرة من ظمن السوالف قالت لي بطلع بيت عمي
هي لها عمان ثنين واحد من عمامهاا عنده ولد يحبهاا وخطبهاا وبينهم قصة حب من صغر والشاهد الله غير حب نظيف مابينهم شي
لكن بين اهلهم خلاف شوي يعني بين ابوها وابوة ,,لكن الزيارات مفتوحة لكن بحدود
قالت بروح بيت عمي ,,قلت لهاا عند ,,الحبايب ,,
قالت ,,لا بيت عمي الثاني ,,
وقالت عارفة انة بيت عمي الثاني كل يوم وانا فية ولاحد يمنعني اروح لة
لكن بيت الحبايب ماجية الا بمناسبة كبيرة ,,وهذا اللي يذبحنا اللي نبيهم الحظ مايودينا لهم واللي مانبيهم كل شوي وحنا عندهم ,,
يعني ,,اللي فهمتة منهاا واالي يفهمة الكل ويعرفة لكن يجهل ليش ..
ليش اللي نبيهم البخت مايجيبهم ,,؟؟
ليش الحباايب في كل مكاان وفي كل زمان من اياام قيس وعنتر وليلى ولبنى ,,,
ماتجمعواا
ياتراا هو عقااب من الله ؟؟؟
والا الحياااة ارزااق ؟؟
والا القدر لة دووووووووووور؟؟؟
والا وش الساالفة بالضبط ؟؟
دايم كنت اقول انة عقااب من الله يوم انهم يحبوون
لكن ربي ماهو ظالم عشان يظلم عبيدة ؟؟؟
وفي عبادة كثير الصالحين ويحبون حب شريف ,,ماربي معاقبهم بفراق عشان الحب
وفــي قصص تستمر بالحب ويبقوون ؟؟وش اسبابهاا ذي بعد
هل الظرووف لها دوووور؟؟؟
هل الحسد والعين له دوووور؟؟
ياما سمعناا مظاليم في الحب عاشوا سنين وتفرقوا من االظروف
لية الزمن يسووي كذاا من اللي لة تأثير؟؟
وهالشيء بس في دول العرب عامة والخليج خاصة
؟؟؟
والا في كل مكااان ؟؟
حتى الافلام الهندية تحكي عن الحب والحبيب ويفرقهم اهلهم والظروف وهم ماعندهم تقاليد مثل تقاليدنا ولاهم مسلمين وسنة كلهم فيهم فئاات
حتى الافلام الاجنبية
في قصص حب تفشل عندهم بسبة الاهل والزمان والظرووف؟؟
من المسوؤل في تفريييييق المحبين ؟؟؟
في محاكمناا ومحاكم الغير
ابو يطلق بنتة من زوجهاا لانة دراا انة كان يحبهاا زممان قبل يتزوجهاا
ابو يرفض خطيب بنتة لانة يعرف انة يحب بنتة ..؟؟
طب الرجل جااك طق بابك وش فيهاا ماتزوجة وش فية عيب الحب بالعكس مفروض يفرح ان زوج بنتة يحبها وان بنته عندها زوج يحافظ عليهاا ؟؟
ياما رجاال دروا عن رجال يحبون بنات وراحوا يخطبونهن قبلهم
والله العظيم ,,
هذا ولد بجمعتناا يحب لة بنت من صغرها ولدرجة انة خطبها وهي بثاني متوسط وابوها قال ابشر بس اكبر انت طبعا هو ولد خالتهاا
ويوم جا الجامعة راح يخطبها ,,ودرا ولد عمها منة انة يحبهاا
وراح هو لعانة وحسد فية راح خطب البنت وطبعا ول
الاخو ولا ولد الاخت
البنت رفضت الولد انجن وكلمة مليوون مرة قالة يارجل انت ماتحبهاا وينك عنها توك تشوفها تو تحلى بعينك يوم انا جيت اخطبهاا
قالة ,,بس حسد وخبااثة ,,ماهو لزوم ان الحبيب ياخذ حببية
تهاوشوا تذابحوا البنت رفضت وابوها غير موقفة وصار مع ولد اخووة
وقال لبنتة مالك الا ولد عمك
صاحت طاحت دخلت المستشفى دخلت واسطات بينهم لين اللحين الامر معقد ,,والله يرزقهاا فية ,,
ولد عمها الحقير يقوول اتزوجها وبعدين اطلقها واخليك تاخذهاا
يبي يكسرة ويذلة حسبي الله علية مع انة كانوا اصدقاء وكان يحكي لة عنهاا
..........................................................................
اللي نبي نفهمة ,,,
العقوبة من الله,,الاهل ,,الزمن ,,,الحسد ,,الكرة ,,,
منهو السبب في هذا الشيء من المسؤول الحقيقي لفراق الخلان >طبعا الحب الشريف العفيف اللي مادنسة ذنب
وليش وش اسبابهم ؟؟
الموضوع ممكن تفرع وممكن طال وممكن دخل فية ناس كثاار ؟؟
لكن نبي اجووبة ع هالاسئلة ؟؟؟
وقبل الاجووبة ,,,
انا اتكلم عن الحب النظيف ماهو اللي فية مصالح فهذا اكيد انة عقاب من الله ,,
ويااريت اذا فية نقد ع موضوعي يكوون بشوويش علي ترااي مانيب احب حد يعاتبن بقووة ,,,
وعسااا ربي يديم السعد ويجمع كل حبيب بحبيبة ,,,
وعذرا ع الاطألهـ واتمنى ماكون فتحت موضوع غير جيد بغض النظر انة هذا مكانة او لا ,, تعبناا من المحضور في الكلام في كل مكان ومالنا الا النت نحكي فيـهـ
مخــرج ــــ آهـ ياحبيبي للأاسف مابيدنا حيــلهـ هذا نصيب قلوبنا ويعلهاا خيــرهــ ,,
رد مع اقتباس
المفضلات