:
لكم ولقلوبكم كل الحب والتقدير ..
:
تدري وش الغبنه ..!! اذا احتجت لأنجاس
................. كانوا تحت مآطآك .. واليوم هم فوق
تـمـوت مـا تـطـلب ..!! ولا تــرخي الــراس
................. طبعك كذا من .. طــيـنة العـــز مـخلوق
وتدري وش الضيقه ..!! اذا فرحة الناس
................. انك لـحالك تــشكي الهـم .. بــك عـــوق
محـروم وتكـابر ..!! عليـك الـزمـن داس
................. حلم(ن) حلمته ضاع .. والجـوف مفتوق
/
\
وتدري وش اللي حابس(ن) فيك الانفاس ..!!
................. طيفه اليـا مـن مـر .. والـدمــع بالمــوق
يفز فيك الشوق ..!! مـع كـل نسـنـاس
................. حر(ن) وحش .. ما برقع ولا بـه سبوق
وتدري وش أجمل كذب ..!! لا جاك هوجاس
................. ضحكتك لـ(اللي) .. يقابلك وأنت مخـنوق
كأنك قوي..!! والا انت ما عاد بك باس
................. واقف ولكن .. من عنا الوقـت محـروق
/
خذها خلاصة جرح..!! قد صابه الياس
................. ينزف قهر .. منه اشتكى قلب وعـروق
تدري وش اصعب فقد / هو فقد الاحساس
................. وتدري وش اصعب موت / لا مات بك شوق
:
حتى الطيف يكذب علي .. !!
:
جيت آرسمك طيفٍ على صفحة الليل
.......................... بهق سوآد الليل من طهر طيفك
وجيت آستطيبك هيف فنجآل وآميل
.......................... يم الحلآ لكن تكآثرت هيفك
ما آنت بشحيح الوصل آكرم من السيل
.......................... لامن درج بايديك لايدين ضيفك
/
\
بالامس لآجل الشوق لعيوني تخيل
.......................... واليوم بايدين الجفآ تسل سيفك
كسرة ظهر هديتني ما بقآ حيل
.......................... ما غير آتمتم حيف يا حيف حيفك
صمت الآلم آقسى من آمْعَآرَكْ الخيل
.......................... بذيقآر صدري بآن للقلب زيفك
رسمت طيفك طهر في صفحة الليل
.......................... وضحك علي الليل من كذب طيفك
:
لا حول ولا قوة الا بالله .. !!
:
محبكم
:
عبدالعزيز الوآدي ..
رد مع اقتباس
المفضلات