1- يا عيال ياللي مع هل الجيب ماشين **** ياللي توجهتوا لصوب الرياضي
2- أن كآنكم ناوين دار السلاطين **** دار السعود ملطمين الحياضي
3- ريضم لنا لعل يخطيكم الشين **** مادام قلبي بالطواريق هاضي
4- نبي نسجل داخل الظرف بيتين **** تعبير عن ما صار حاضر وماضي
5- موجه يم الرجال الحشيمين **** مزبنت من كان حاظيه حاظي
6-اللي لهم ساس المراجل عناوين **** فزعاتهم ما صار فيها انتقاضي
7- لا واعدم باللعلم ما ينقضة شين **** بوقت الزمل وألا بوقت التراضي
8- سليمان بن بدران طلق الحجاجين **** عز الرفيق لا نشفن اللواظي
9- ليا طلبته ما يواعدك بعدين **** كن الوفا يفرض عليه افتراضي
10- ما يقول هذا فلان وفلان من وين **** شفة ومقصودة تجي منه راضي
11- لعل تفداه الرجال الرديين **** اللي عن الواجب يجيها تغاضي
12- يا سعود ليته من ربوعي قريبين **** الين ربعه يا بن سالم حظاظي
13- كن المعرفه مع بعضنا زمانين **** وشلون لو نه خوياً محاظي
14- أكيد معروفه بعده كما الدين **** محفوظ عندي بالخطوط العراضي
15- نرفع له البيضاء بروس الظلاعين **** مني على وجهه يلوح البياضي
الشاعر
مساعد بن صنت الرشيدي
وتقبلو تحياتي وتقديري
أبو ممدوح
رد مع اقتباس
المفضلات