ثنائية الشيبان &والعدنيه ..
السلام عليكم ..
صبحتو / مسيتو بالخير ..
يالربع اليوم جايبن لكم سالفة شايب حارتي الموقرهـ وعدنيةمنصووور
من ناحية الاولى استلموهـ .
ابيكم تعذروني تروها طويله بالحيل لاكن شسوي من الفضاوهـ كتبتها ~~^~~
هذا طول الله اعماركم بوهـ شايبن من شيبان حارتنا تاركن العالم والخلق ومايعرف الا انا لدرجة انه لو سمع صوت ازعاج سياره قال بس هذا هالمكروهـ الله يتسفينا شروهـ المهم حدى الايام بالتحديد ايام الثانوي معي الزقرت وعلى الددسن ونفرفر وطفشنا قلت ياعيال تمسككو ترا طخت براسي التفحيطة رحت باخر حارتنا وانا اقوووم افحط وافحط انا اخبر نفسي بمقعد السواق مدري وش جابن للمقعد اللي جنبي الظاهر من هالفتلات اللي فتلتهن وقفت ورجعت مكاني وعشقت الددسن يوم فطنت الا هذا شايب الفقر بوجهي قال وقف وقف اوذيت المسلمين ترا عرفتك انت ولد فلان وانا احط رجلي (بعذري معه له باكورتن عساهـ ماتمر علابيك يامنصووور ههههههههههه ولايهونون الربع )
المهم انا شايبي شبته الضحى وبكرا غبت عن الخفارهـ (ترو الخفاره القعده على الدلال لاننا نمسك خفاره عليهن انا واخواني )
وانا اخليه براس اخووي وتسرخ نوم لين الظهر قعدت من النوم الا ابوي يقووول لاخوي خل خالد يجي بالمقلط (الله يجيركم ماتغديت قال اخوي تغد ورح له قلت ويني ووين الغدا عاد معروفه ابوي اذا قال لي او اخواني تعال بالمقلط معناته تعال ابي اكفر بك )
قلت وش تهقى الزبنه ولا لا ؟
قال رح ونجزهـ دامه بك بك ..
قلت الشكوى لله مشينا .
دخلت وسلمت مارد وعرفت اني ابي اروح بخرايطها .
قلت هلا يبه تبيني ..
قال اي ادخل وسكر الباب (يبي يطبق علي فلم اكشن بس الاسلحه [شوحط +عقال +بقوووس +طراقات ]
وانا ادخل قال صاير راعي تفحيط قلت لاوالله قال اعقب ابوفلان يقول انك مفحط المهم علمي بروحي عند اخر كلمه قلتها )
واطلع بالليل واتجمع مع العيال قلت يالربع بلاني هالشايب مايعرف الا انا وش اسوي به الي قال نسطر عياله واللي قال نروح له واللي قال شايب خلووهـ كم من يوم ويفطس (هذا خبيث ههههههههههههه)
قلت عندي فكررهـ قالو وش هي قلت خلونا نواصل لين صلاة الفجر واقول لكم ..
واصلنا وقالو هاه وش خطتك قلت اخليه لين يطلع يبي يصلي ونخرعوهـ ونتهوداهـ بهالرضم ونهرب >>
طلع الحبيب من بيتهم دخل السيب اللي بينه وبين المسجد على ما خش صحت وانا احط رجلي ركضت تقريبا 30 متر قلت بوقف اشوف هو وراي ولا لا ..
التفت له ؟؟؟؟؟؟ وطلعت عالعلامات بوجهي ؟؟؟؟؟
اخبر البشر يا وقف الراس فوق واراعي للرجال الا رجلينه اللي فوق وراسه تحت ..
اثريه من الخرعه منسدح تشقلب هههههههههههههههه
واكمل لين وصلت البيت ونمت ..
قعدن ابوي على الشبه قال قم ضبط الشاي والقهوه واجلس على الدلال .
واقوم واشب ويجون الرجال ..
خذيت شووي الا الشايب جاء وانا لك اسلت العافيه جاني شك قلت يمكن عرفن ..
قهويته من غير نفس لاني وقتها اكرهه كره اعمى
قال ياجماعه هالشباب الموذين قالو الشيبان ليه ؟
قال البارح صار كذا وكذا ..
ويناضر بي ويتكلم ..
قال والله اضنه هالولد (يقصدن) قلت انا من خلقت وانا ما اطيقك بعيشة الله وش تبي بي تراك شايب ان صحت عليك انصفرت وان لمستك انجلطت طر ياعم من راسي لا اكسر ضلوعك كرشن ابوي وقال خل التسلب يجي يجلس مكانك وانا ادز له ..
(الله يغفر لنا من هالافعال اللي نسويه اول ويشفي هالشايب)..
اما سالفة العدنيه ..
بعد ماطلع منصور الله يتممه بعافيته من المستشفى ابلشن ضبط العدنيه ضبط فحم اعصر معسل المهم دلعته يومين وبعدها صوت لي قال ضبط العدنيه
>>الحين بدت اللعانه تلعب دوره
قلت تامر امر ..
واروح اشب له الفحم واظبط الراس واجيب له العدنيه بس سويت له تنسيم من عند الهوز(اللي) ويمخمخ منصوروهـ وخذيت شووي اخبر خويي متركي وفالها يامر وينطاع واسمع القرشه اثري خويي دايخ صاكوهـ راسوه وانا احط رجلي وما جيت الا بعد ساعتين للاستراحه هذا بعد مانخيت واحد عليه ودخلت بوجهه ..
لكم التقدير اخواني وياطوله طولاهـ والله ان الي يقراه انه صبووور على هالمقسات (بس انا من باب الفرفشه قلت بونسكم )
.. مراسلكم ابو هجر الويباري >مضايف شمر >روضة الهباس
رد مع اقتباس
المشاركة الأصلية كتبت بواسطة سلطااان السويري
المفضلات