مشاركات ( الأسبوع الثاني ) للمسابقة

[بتول آل علي]

السلام عليكم و رحمة الله و بركاته


هنا سأضع بين أيديكم مشاركات الأسبوع الثاني من المسابقة

مع الأخذ بعين الاعتبار أن كل شاعر سيأخذ الترتيب السابق له في الأسبوع الأول

حتى يسهل التصويت لاحقا

و الرجاء ممن لم يجد مشاركاته في الأسبوع الثاني معروضة هنا أن يقوم بمراسلتي فهذه هي المشاركات التي استلمتها فقط

و العذر من كل من لم يتمكن من الاستمرار معنا

،

لقراءة تفاصيل المسابقة كاملة هنــا

http://www.shmmr.net/vb/showthread.php?t=71717

[بتول آل علي]

للتذكير

اللوحة الأولى بريشة الفنان / خالد الملوقي



،

و الصورة الثانية بعدسة المصور / بسام المحيميد



،

( المشاركة الأولى )

- 1 -

يا دنيتي وش بقى من سكرة أحزانــي
مع ذروة الظلم عاش الويل بسنينــــي
يا وحدتي ما يصير الحزن وحدانـــي
يسكن بقلبي وفي دربي يخاوينـــــــي
مقتول لكن أحب تراب هالجانــــــــي
في نيتي شي-ن- أعظــم من عناويني

- 2 -

قصيرة-ن- رجليك ولا طويلــــــــــــة
فوقك سما عندك جناحين وتحــــــوم
لو البشر هقواتها مستحيلــــــــــــــة
ما بارت الأشناب في شح مقــــسوم
ولو ان جناحك ما يجيب الهزيــــــــلة
ما صرت فوق القاع والهقوة غــيوم

،


( المشاركة الثانية )

- 1 -

على بحر الغرام اللي جمع مابيني وبينه = وقفت ولا لقيت أحد وقف جنبي يواسيني
أمانة يابحر خذني ووصلني عناوينه = أمانه يابحر قله بأنه ساكن بعيني
وأكّدله إذا عقبي حبيبي ضاعت سنينه = فأنا مثله بعد والله عقبه ضاعت سنيني
وإذا مرة سأل عنّي وقال صويحبي وينه = فأنا بنفس المكان اللي جمع مابينه وبيني

- 2 -

ياصغير شلون ماعندك أمل؟! = والله أعطالك جناحين وتطير
قوم حلق لايقعّدك الكسل = قوم حاول ... قوم حددلك مصير
ياتعيش بقمة العليا بطل = أو تموت بأسفل الحفرة حقير
كم صغير(ن) كبره حسن العمل = وكم كبير بماجنت ايده صغير


،

( المشاركة الثالثة )

- 1 -

الفرح غرقان في بحر الهموم .. وان لفى يوم الفرح لاتهمله
غض طرفك عن عواصيف السموم .. وابتسم ورد الخزامى ما أجمله
ابتسم لأن المصايب ماتدوم .. خل نفسك للفرح متأمله


- 2 -

ارتفع عن كل مايزريك فوق .. وارتفع بالجو كان الصدر ضاق
همي اللي ساقني للموت سوق .. ليت مثلك لي جناحين وساق
كان أعانق بالسما مزنٍ حقوق .. وارتفع عن من يبيع اغلى الرفاق


،


( المشاركة الرابعة )

- 1 -

خيال رسام جمع كل الألوان
كأنها تصوير كيف جابه الزي؟
الوان طيف بعد هتان الأمزان
سفح الجبل وزهور والظل والمي
وحورية تأخذ من الشكل عنوان
ماشفت مثله في حياتي ولاشيء
الفن واضح للملا شوف الأعيان
كل شيء باللوحة يعبر عن الحي

- 2 -

صوص بوادي الخوف خايف وحاير
الحجم عصفور وقوايم نعامه
لاهو قريب القاع ولاهو بطاير
فرخ مهجن ماخواله عمامه
هذي نتيجة من تخون الضماير
الي مع العادي تخون بمنامه
يظهر ولدها مادري كيف صاير
يظهر مشوه ماتشيله عظامه


،


( المشاركة السادسة )

- 1 -

الحياة الوانها الوان وفنون
حذرا تتبع منها اللون الفتوني
في عسلها سم ما يسم البطون
يسم القلب لا من شربته العيوني
واسلك درب من بالقبر مدفون
نبي الله وسنته حصن الحصوني

- 2 -

والرزق عند من قوله كن فيكون
سبحانه يرزق خلقه بلايا منوني
ما يعرف الكريم داين ومديون
يرزق من كفر و بعقله جنوني
الذيب يلاقى رزقه بسن السنون
والطير يلاقاه بلايا سنوني


،


( المشاركة السابعة )


- 1 -

جلسه بوسط الماء على غير ميعاد
حتى خبر مافيه وسط الجريده
خالد رسم في لوحته عيد ميلاد
كل عام والبنت الجميله سعيده
صحيح ان العيد خالف للاعياد
لاكيك لاشمعات حاله فريده

- 2 -

اعطوني الصوره وقالو لك اسبوع
ولاني بقايل مددو لي بالايام
الصوص هذا يالربع ميت(ن)جوع
يمشي على الرمضا وهو جلد وعظام
تايه ولاله بالفضا صوت مسموع
يناظر بعينه ينتظر وقت الاعدام


،


( المشاركة الثامنة )

- 1 -

يابحر بشكي لك همومي و الاحزان
اجيك لا ضاقت علي الوسيعه
فيك السعد لا صرت ضايق و هيمان
و فيك اتسلى في جمال الطبيعه
بـ اعيش انا وياك ربعاً و خلان
وصل المحبه بيننا لا تبيعه
و عهداً علي ما انساك لو كان ما كان
و ارجي من الله لا يجيب القطيعه
لقيت في غبتك لولو و مرجان
سبحان من سواه و ابدع صنيعه

- 2 -

اخطوا عليك اللي على القنص ضارين
اللي على رووس الحباري تحومي
هدوا على جولك طيور الشياهين
طيور تسابق تنتف الريش كومي
من بعدهم ياطير وش شافت العين
شافت عجاج ثاير بالهمومي
وش حيلتك دينً تراكم على دين
تبي تقاضى و انت ما انت بجزومي
خلك بعيد و كف عنك المعادين
لا تقرب اللي على القنص به عزومي


،


( المشاركة العاشرة )


- 1 -

تصنع قوارب من ورق
========تبحر ولا تنقذ غريق
ملّ الفرح قلبٍ غرق
========في بحر الاحزان العميق
وش تحتفل به انسرق
========طعم الفرح امست بضيق
وش عاد لو خلفه برق
========للإحتفالات البريق
وحيدة ٍصابه أرق
========صمته نهايات الطريق

- 2 -

فقّس تلفت ثم قام//عقبه وقع ثم استوى
========بدا يصفر تيت تيت //متهولٍ مما نظر
واقف يناظر للامام/ضعيف هزهزه الهوا
========في بيضته طال المبيت// بدايته فيها عبر
بدا يدور للطعام//حاول يطير ولا قوى
========حاول بجهدٍ مستميت//ثم اتجه صوب البحر
بدايته زبدة كلام// درسٍ عظيم المحتوى
========اللي يبي مجد ٍوصيت//ياطى على دروب الخطر


،


( المشاركة الإثنا عشر )

- 1 -

يا طفلة الحلم لا ترجين معوادي !
قولي لخضر الاماني حيلتي شابت !

لا تحسبين الحزن في غيبتك عادي
دمعه تحاشا تذوب ودمعة ٍ ذابت

ما شلت همّ الوداع وحزني البادي!
خايف على هقوتك بالحب لا خابت!

مرّت سحابة هواي وعدّت الوادي
والوان الاحلام مثل الشمس لاغابت

ضايع بدونك ولا لـبّيت لمنادي !
وش يجذب النفس للاحباب لا طابت !

- 2 -

طاروا وخلوني وانا توي صْغير
طاروا بعيد لحلمهم وتركوني ..!

عطشان بس الروح ما حولها بير
يا ليتهم قبل القطاعـه سقوني !

النفس له عزه ولو ماهي بْخير
والدمع يغسل نظرة ٍ في عيوني!


،


( المشاركة الرابعة عشر )

- 1 -

وتعبت اجلس مع الذكرى واصبر خافقي واطريك
وانا من غيبة عيونك وقلبي (حالته حاله ) ..!!

تعال وابعد الضيقه عن اللي دايم ٍ تبكــيك ..
لساني مابقى شين عن غيابك ولآ ... قاااله ..!!

وحيده ..اجلس لحالي ..كأني في لقاك ارجيك..
اسوق الغيم من عيني .. عسى يسقيك هماله

- 2 -

ان كان ذنبي شموخ وللسما.. اقرب
عسا حياتي حديثن للسن الساحه

لاتقول شكلي غريب وانت مستغرب !!
بعض الخلايق لسانه (صدز مذباحه)

ان ضاقت القاع عندي السماء (مهرب )
ما يمنعن بالسماء (غيمه) ولا رياحه..


،

( المشاركة الخامسة عشر )

- 1 -

هنا على ميناء حزني لقيتك
وهنا توادعنا والأبواب ظلما
وهنا أبرجي طلّتك يافديتك
وهنا أبكتب لك رساله على الماء
ميّ البحر من كثر مانا بكيتك
هاج وخطف منّي نداءات بلما
في كل لحظه للغروب إحتريتك
واقول ماحن لسواليف سلمى؟!!!

- 2 -

يمّه انا بين البشر لاتروحين
ماتعرفين إن البشر قاسية قلب؟ّ
ماهمّهم يمّه ظروف المساكين
وانا هنا مسكين ..لا أُم لا أب
في سلمهم ماعاش غير القويين
أموت عادي..كيف لو أقترف ذنب؟!
لاصار توّي ماطلع لي جناحين
وزني خفيف ولكن أثقلني الحُب
إن كان ماجيتي وشلتيني الحين
مالي سوى رحمه تجيني من الرب


،

( المشاركة السادسة عشر )

- 1 -

أرسم على شــاطئ بحــرحبك احـلام
متى على الـلـه نحـتـفـل فـي قــدومـك
رسمت قلبك فوق صدري من العام
مبطي ولاجتني طـارائـف عـلـومـك
شـوف الـمـحـل بـلـون زيـنـه لـه أيـام
ارم الـحــزن تـعـال ونـسـى هـمـومـك
لجلك رســمـت الـوان يـجل ٍ الأوهـام
ودي احــقــق لـك بـقــايــا حـلـومــك

- 2 -

تــوه صـغـيـّر يـنـتـفـظ حــيــل بــردان
قافيه عاصوف المطر من سحـابه
طيرالـكـرك مـاهو مثل طير حـــوران
الـفـرق واضـح بـيـنـها مـاتـشـابه
طيرآ مهاجرعاش في بعض الأوطان
ومـسـمـيـاتـه بـالجــزيره غـرابه
قالوا رهـو حبرو كـرك بعض الأحيان
مـعـروف يـم افــريّقيا ويش جــابه


،


( المشاركة السابعة عشر )

- 1 -

حتى ولو من حولي العالم أضواء
مايعني اني بالنهاية سعيده

مارحت للواقع من ارضاي هو : جاء !
واحترت في نفسي وش اللي تريده

رضخت مجبوره لقانون الإرضاء
على مشارف حزن .. على صعيده

‏- 2 -
‏
انا انوجدت بزمن ماهو زماني أبد
ولا مكاني هنا لو كنت كلي هنا
‏
حظي تركني وانا مالي جناحن يهد
والحظ مايعترف بالعمر : أو.. من انا ؟
‏
بحاول أصبر ويفرجها إلاهي بعد
ماعند خلاقنا خافي مهو عندنا
‏
،

( المشاركة الثامنة عشر )

- 1 -

أنا ومعـــــاند الفكرة ..// تنـــــاقض كلــــــنا لجلك
...... أجي بكتب لك حروفي ..// تجي وتبعثر اللـي راح
وكلن لايم الثاني ..// تعــــــــــــــــال شلون نوصلك
...... نبي كلك .. نبي بعضك ..// كفانا عطــرك الفواح
خلاص شلون يامهلك ..// تعبت أقول لي مهـــــلك
...... أبي واقع من الواقع ..// دخيلك قول لي أرتــــــاح
إذا هذا القـــمر قبلي ..// يغــــازل رفعك وطــــلك
...... وإذا هذا النهر قبلك ..// بكا من غصة الأمـــــلاح
أمانة كيف أنا بنسج ..// خيوط الفكر من غـــزلك
...... وأنا فكري معك ضايع ..// أمانه رتب المســـــباح

- 2 -

لا حــشا ..// منت بصــــغير
.....رفرف جناحك ..// تطــــــــير
حالك أحسن ..// من بعضنا
.....أحرق رجـــــــوله ..// هجــير
أنت ..// مخــــــــلوق لـ سما
.....لا هـــــــــموم ..// ولا غـــــما
ماكتم صدرك ..// زفــــــــير
.... ومانزف قـــــــــــلبك ..// دما

،


( المشاركة التاسعة عشر )

- 1 -

أزمة مشاعر وغربة روح
تسكن معاليق غرنوقه
رغم الفرح قلبها مجروح
وأحلام الايام مسروقه
فيها ملل جاوز المسموح
يوم الامل ميتٍ سوقه

- 2 -

قل التجارب ولين العود
ما تقتل العزم والهمه
واللي يهاب الليالي السود
بيموت ما لامس القمه
وانا طموحي بدون حدود
دربٍ مشيته وابى اتمه


،


( المشاركة العشرين )

- 1 -

طفلة ..والايام ترسم ضحكتي حولي ..
..................... وأنا أدور معاها ( من مع جرحي ) ..!
الأرض أرضي وفيها تجمح .. خيولي ..
...................... والبحر بحري وذا مرجاني وملحي !
يادمعة الروح لوّي طحت من طولي ..
....................... أصحي تطيح الكرامة من يدك اصحي !

- 2 -

دوّر لـ عينك ضي ...
............... لا من جفاك النور ...
أو شوف لك اي شي
................ يجبر بك الـ مكسور ..
اللي تخبره ... حي !
................. ماأنصفته ... قبور ..!
ماأشبهك ... ياخي !
................ بس اشبه العصفور !


،


( المشاركة الحادية و العشرين )

- 1 -

البر لو به وسعتي وابتهاجي === خليت ديانه على شان الامواج
جيته غموض وعلي القى علاجي ===وقعدت اعدد ويش انا كنت محتاج
محتاج اطفي من هبوبه سراجي === مليت من نور الفرح والتبهاج

- 2 -

يمه تركتيني وانا ماتقويت *** توي صغيره والمقابيل وعره
امنول اليا خفت تحتك تذريت ***وعقبك ترى حتى العصافير جسره
اصبر واجاهد واتعذب ليا اوحيت***صوت يروعن واقضى اليوم حذره
لكن عقب ماطحت قمت وتساويت ***قو الزمن خلاني اصير عسره


،


( المشاركة الثانية و العشرين )

- 1 -

شفني من كثر الفرح مليت
والفرح مل من كثر فرحتي
مليت من جلسة البيت
قلت يمكن البستان يزيل ظيقتي
لقيت الظيقه ملازمتني ماحييت
عسئ ربي يفرج كربتي

- 2 -

لا تناظرني يا أنسان بعطف وحنان
وتكسر خاطرك بدايت مولدي
قبل مولدي ادري انك سبب الاحزان
وانا ادري ان علي يدك نهايتي
تسافر وتشقى تدورني بكل مكان
لجل تسلا بصيدي ومقتلي