عهد الطفوله

**واحد شقردي** · 26-03-2010 02:45

جالس وسارح داخل الدار واذكر
عهد ٍ من أيام الطفولة عقدتـه
عهد ٍ صغير ٍ كل مالـه ويكبـ
رمن فارقتني حافظه ما نقضتـه
كنا صغار ٍ والسمـا دوم تمطـر
نلعب ونفرح والحزن ما عرفته
واحيان نجلس بآخر الحي نفطر
سبحان زرّاع الطهر ما زرعتـه
حتى الصراحة ما توقعت يخطر
تعشق وأعشق خافق ٍ ما عشقته
ثم ٍ كبرنا واللقـا صـار ينـدر
حتى تغطت والأمل بـه قطعتـه
يا صبر قلبي كل ماله ويصبـر
صبر ٍ تكسّر عاني ٍ ما كسرتـه
تجبر كسورٍ ما هقينـا بتجبـر
إلا المشاعر جبرها مـا خبرتـه
يا ليتنا لحظة عمر بس نصغـر
أو إني أنسى وعدي اللي وعدته
وإن قلت أبنسى دايم الدوم أذكر
عهد ٍ من أيام الطفولة عقدتـه

و هذا رابط الفيديو

http://www.youtube.com/watch?v=j_3W0KCsTcM

**شموخ شمالية** · 26-03-2010 02:49

مشكور أخوي الشقردي

ولاهنت على النقل المميّز والرائع

لاعدمناك والله يالطيب

وننتظر منك الجديد

لك احترامي وتقديري

**ام الرغفان** · 26-03-2010 08:57

يا صبر قلبي كل ماله ويصبـر
صبر ٍ تكسّر عاني ٍ ما كسرتـه
تجبر كسورٍ ما هقينـا بتجبـر
إلا المشاعر جبرها مـا خبرتـه

واحد شقردي لاهنت ع النقل الطييب تسلم يمينك وصح لسانك