معلمة حائليه تزوج زوجها إثنتان من زميلاتها

**شموخ شمالية** · 26-03-2010 16:19

ام الرغفان

انا حاسه انك راح تزوجين زوجك بنفس الطريقه

ويمكن تكون احد المدرسات هي الشهبا

ياقلّة واليك لاصارت جارتك شرهوه

مرورك يشرح الصدر ياجدي

لاهنتِ

**شموخ شمالية** · 26-03-2010 16:23

هلابك أختي الارجوازيه

ويمكن يكون على قولك

بس يعني لاصرت عايفته أونسه .... معصي

والله هالقصه اشغلتنا ومالقينا سبب هالتجويزه

مرورك اسعدني يالغلا وشكرآ لتحليلك

**شموخ شمالية** · 26-03-2010 16:25

هلابك اخوي غالب

وفعلآ حالة نادره

مرورك اسعدني يااخوي

لاهنت

**هند القاضي** · 26-03-2010 17:35

اممممم

مو معقوله اعتقد الموضوع فيه شيء من الفبركه

إذا الخبر صج مع إحترامي الشديد لـ المعلمه فـ إنها ساذجه

**شموخ شمالية** · 26-03-2010 18:02

هلابك هنادي

لو تشوفين حريم الحارة هي سالفتهن

أشغلتنا الله يهداها

ولو زوّجت زوجها وحده يمكن الواحد يصدق بس 2 مصيبه

الله يصبر قلبها على البلوى اللي جابت لنفسها

مرورك أسعدني يالغلا

**بشير اللويش** · 26-03-2010 18:36

المشاركة الأصلية كتبت بواسطة ابو فارس

الا ماودكم نسوي لنا قطية( جمعية ) ونسدد بها قرض الزوجة ؟؟

-------------------
والله ماندري حنا نصدق او لا
فيه حريم ما نازينهن بعقلهم وفكرهم وتفكيرهن
الا بسالفة التعدد تروح العلوم كلها
---------------------
بصراحة جيت اقف مع اخي عبدالرحمن
اشوفكن تحاشكتنه--
-----------

شكرا شموخ
دمت بخير

انا جاي فزعه مع ابوفارس وعبدالرحمن

لكن تعليقا على الموضوع

ما هقيت انه صحيح ابدا

ومستغرب فعلا .. تصديقه

يعني لو رضت وحده تهقين ترضى الثانيه ؟

(على فكره رديت وانا ما قريت باقي الردود) .. لأني ما ادري لو ان الموضوع كاميرا خفيه

اخوك ابوسلطان

**الصميدع** · 26-03-2010 19:28

الله يوفقه ويسعده مع زوجاته
ويرزقهم الذرية الصالحة

**شموخ شمالية** · 26-03-2010 22:36

هلابك أخوي بشير اللويش

شرفتني والله بحضورك الطيب

ولامهي كاميرا خفيه الا قصه يقال انها حقيقيّه والله اعلم

حضورك انار المتصفح شاعرنا الراقي

لك احترامي

**شموخ شمالية** · 26-03-2010 22:39

هلابك أخوي الصميدع

شرفتنا بحضورك الطيب

لاهنت

ولك احترامي

**الجازي** · 27-03-2010 00:38

إلا مالاحظتوا شيء !!؟

ماتحسون هالزوجة الأولى كأنها مسيطرة على زوجها بقوة وتحركه بالريموت كنترول

الحين تبي تزوجه الثانية هذي ممكن نبلعها والله أعلم وش يدور خلف الكواليس من نوايا مبيتة

بس الحين على كيفها تتحكم في الزوجة الثانية وتوعده إنها تزوجه بالثالثة في الصيفية الجاية !!؟

طيب الثانية مالها راي والا وش قصتها !!؟

يعني هالرجال ومدبرته على كيفها قلنا مايخالف

بس عاد جارتها (( ضرتها )) لها حق الاعتراض على زواجه من صديقتهم الثالثة !!؟

تتوقعون ورا هالتزويج صفقة غير معلنة !!؟

أنا لازلت أؤمن إن الحريم كيدهم أعظم من العظيم

شوشو ,, الله يرضى عليك حاولي تعرفينها عشان أشبك معها وأحاول أجرجرها وأعرف وش أهدافها وتخطيطها الجهنمي

تصدقين حبيتها