معلمة حائليه تزوج زوجها إثنتان من زميلاتها

**شموخ شمالية** · 22-03-2010 07:25

كتبت هااااااالموضوع بالخط الاحمــــــــــــــــــــر

صدق او لال تصدق ...

بعدما شعرت إحدى المعلمات المقيمات بإحدى القرى التابعة لحائل

بمعاناة إثنتان من زميلاتها اللتان تتكبدان يومياً مسافة 300 كلم ذهاباً إلى مدرسة القرية بواسطة إخوتهن إحياناً وأحياناً يضطرن للغياب بسبب إنشغلاهما وعدم توفر سائق بديل لهن ،

إلى التدخل في إنهاء معاناتهن وإيجاد حل لهن حينما عرضت عليهن الزواج من زوجها للإستقرار معها في القرية .

وقد وافقت كلا المعلمتان بعد إتمام الخطبة ، فاقترضت حينها تلك الزوجة المعلمة من البنك لتسهيل عملية الزواج من زوجها والذي سوف يتم أحدهما بالإجازة القريبة المقبلة والآخر بالإجازة الصيفية .

**اللـ هـ ـب** · 22-03-2010 13:10

والله شي وين هذي وهل هو صحيح اف وين نلقاء مثله هههههه
مشكور على الخبر

**عبدالرحمن** · 22-03-2010 14:21

اغلب المسلمين سيستغربون قبل غيرهم حدوث هذا الحدث!
لكن هذه هي حقيقة الاسلام وشريعته الحقيقية!
عندما تقاسم الانصار مع المهاجرين البيوت ومابها!.

لك التقدير اختنا المفيدة شموخ.*

**الجازي** · 22-03-2010 16:08

المشاركة الأصلية كتبت بواسطة عبدالرحمن

اغلب المسلمين سيستغربون قبل غيرهم حدوث هذا الحدث!
لكن هذه هي حقيقة الاسلام وشريعته الحقيقية!
عندما تقاسم الانصار مع المهاجرين البيوت ومابها!.

لك التقدير اختنا المفيدة شموخ.*

ماشاء الله عليك

أجل هذي هي حقيقة الإسلام وشريعته الحقيقية

لاتقول أغلب المسلمين سيستغربون قبل غيرهم حدوث هذا الحدث ,, قل كل المسلمات

أما المسلمين سيبتهجون بهذا الحدث

تركضون على مثل هالسوالف

شموخة ,, الحين هالخبر موثق والا مفبركه واحد من أصحاب الصناديق

يسلمو شوشو

**عبدالرحمن** · 22-03-2010 22:10

^
^
وانتي ليه يومنك تركضين يمي وتركتي الخبر!
ليه ماتشجعين الايثار وهذا العمل الجبار!
هين يم قرن يجي يوم على حفيدتك تبيله زول ما تلقى!

**الجازي** · 22-03-2010 23:34

وأنت ليه جيت ركض يم الموضوع وتركت باقي مواضيع الإعلامي مارديت عليها

أنا تركت التعليق على الخبر لأن شموخ تقول (( صدق أو لاتصدق ))

فاخترت عدم التصديق ,, عشان كذا مارديت

وحفيدتي تعنس ولا تعرس بهالطريقة

**شموخ شمالية** · 22-03-2010 23:50

حيـّاك الله أخوب اللهب

هذي اكيد مجنونة ولاأنت لاقي مثله أبد

شكرآ لحضورك

لك احترامي

**فوووز** · 22-03-2010 23:53

أنا ما أصدق

وش هالخبال

ياعيني على الايثار اللي عندها ...

شموخ ... أنا أشوف انه شيء مستحيل ..

,

,

**شموخ شمالية** · 22-03-2010 23:58

هلابك أخوي عبدالرحمن

انت تهقى ان هالحرمة بعقلها او لا ...

حنا نتضايق لاأعرس واحد من أقصى العائله على مرته وانت تبينا
نجيب وحده علينا ..........ان شاءالله انه مايفرح به

أسعدني حضورك

ولك احترامي

**ابو فارس** · 23-03-2010 00:05

الا ماودكم نسوي لنا قطية( جمعية ) ونسدد بها قرض الزوجة ؟؟

-------------------
والله ماندري حنا نصدق او لا
فيه حريم ما نازينهن بعقلهم وفكرهم وتفكيرهن
الا بسالفة التعدد تروح العلوم كلها
---------------------
بصراحة جيت اقف مع اخي عبدالرحمن
اشوفكن تحاشكتنه--
-----------

شكرا شموخ
دمت بخير