فـــلاح بـــن شـــافــي

[مقلع الظروس]

السلام عليكم ورحمه الله وبركاته

مسائكم ورد ورياحين

أتمنى أن تكونوا في تمام الصحه والعافيه جميعا

شخص أكن له أحترامن وتقديرا شخص مهما تكلمت لن أوفيه حقه

صحيح من قال (( معرفه الرجال تجاره ))

أترككم مع القصيده .








الله يبيض وجه من يبعد العيب
عون الرفيق ومن نصاه وعناله


ستر وغطا باللازمه والمواجيب
جود وصخا وفعول طيب وجماله


فلاح بن شافي ولد كاسب الطيب
بالمرجله والمقدره والاصاله


ظل وذرا عن حاميات اللواهيب
سلايل الشجعان عز وشكاله


عز الخوي والاجنبي والاصاحيب
ماضاق من عند اللزوم التجاله


واليوم أنا ما بين مدح ومكاسب
صاحبك يكفي خوتك راس ماله


والا الردي ماله معانا مطاليب
واللاش نعرف معدنه من خواله


نطاحه العايل وربعه مخاضيب
رجالهم يفزع لو انه لحاله


وصغيرهم ما يدعس الشك والريب
تلقاه فوق النار مركي دلاله


ومنزالهم في عاليات المراقيب
من يوم عاد الذيب ياكل عياله


روس الهواجر مرويين المغاليب
كسابت الناموس في كل طاله


تامن بهم ذيدانهم مل لجانيب
يوم الجزيره ما عليها سهاله


وصل لابو راس الرساله على أيب
لمحزمن ماهي تراخى حباله


أما أنت ذيب وخوتك خوه الذيب
اللي يكفينا فخر في وصاله


أقبل يبن ظافر سلام ومكاتيب
من صاحبك نواف هذا مجاله


مشكور يا قاضي جميع المطاليب
لو كان ما يكفي شعوري رساله














أتمنى لكم الصحه والعافيه دوما

فمان الكريم .

[العبد العزيز]

الله يبيض وجهك

والف نعم بالهواجر قبيلة لها التاريخ ويسطر لها المجد عنوان .


وفلاح بن شافي يستاهل المدح والثناء



تحياتي العطرة

[قصير خليوي الشمري]

أما أنت ذيب وخوتك خوه الذيب
اللي يكفينا فخر في وصاله



البيت هذا يكفي
.
.
.
صح لسااانك

[بشير اللويش]

صح لسانك يالذيب

ونعم بك / وبالهواجر

وياليت اخي نواف ان لا تحرمنا المزيد من عذوبة اشعارك

وعلى هالقصيده الجزله .. ليت لو كان اسمك الصريح موجودا

لنتشرف بك اكثر وبمعرفتك وبتواجدك معنا

دمت بخير

ابوسلطان

[بتول آل علي]

عز الخوي والاجنبي والاصاحيب
ماضاق من عند اللزوم التجاله

واليوم أنا ما بين مدح ومكاسيب
صاحبك يكفي خوتك راس ماله

والا الردي ماله معانا مطاليب
واللاش نعرف معدنه من خواله

،


صح لسااانك شاعرنا نواف

قصيدة جزلة من شاعر جزل


لا تحرمنا مزيدا من اطلالاتك علينا


دمت بخير



أختك

الدهور

[الحنشل]

ما شاء الله لا قوة الا بالله


قصيدة جميله .. صح لسانك


و معرفة الأجواد مكسب

[شمالـي]

صح السانك
ولاهنت ياخوي
الذيب
الله اكبر
يالذيب