لاتثقي بمفسرين الاحلام ..
من العنوان يمكن تعتقدون أني أقصد جميع المفسرين ... بس انا اقصد انه مو اي رقم يتناقله الناس وبالذات ( البنات ) هو لمفسر ثقه ..
من قصص عايشتها مع صديقات تعرضوا لمضايقات من شباب ادعوا علم التفسير ..
او يمكن يكون ضعيف عندما يحادث بنت على الخط وهي تطلب منه يفسر لها وتدق في كل وقت وتعطي تفاصيل وتجاوب عشان يفسر لها (تفسير غير شكل )
مشكله والله لأني شايفه تعلق البنات بجنون بتفسير الاحلام وحتى أنا كنت منهم بس ولله الحمد ماكلمت الا مفسرين موثوقين ومعروفين وكان لي الشرف أني كلمت الشيخ المسند رحمه الله وكان جدا واسع الصدر معاي وتقبل
تطفلي عليه مع العلم أنه لم يكن معروف أنه يفسر ولكن كان من حظي الحلو وعن طريق الصدفه عرفت وتقبلني وقدر صغر سني وجهلي ببعض الامور .
تقول لي صديقه وهي تتحسب على المفسر: أنه لعب باحلامها او الرؤى التي شافتها, قلت :كيف
قالت : شفت الرسول عليه الصلاة والسلام في رؤيه احسبها عند الله صالحه ,, وقال لي : أنت تغازلين .. قلت : ايش قال : تكلمين شباب
تقول قلت : أتق الله لأنك ظلمتني .......وانا أعرفها زين هي فتاة من كانت صغيره كانت محترمه وخجوله واول مراهقتها انخطبت وملكت واصبح كلامها كله مع خطيبها وفي الحلال
فهي محصنه وواثقه من نفسها .. قال المفسر المزعوم : لا يمكن تغازلين وبعدين تتوبين
البنت هذي على نيتها مع العلم أنا قلت لها : أنتي خبله وساذجه لأنها تقول : أستفزني وقمت أخذ وأعطي معاه وابي اقنعه اني مااغازل وتقول في الاخر حسيت أني أنزلقت وانحدرت معاه
قام يدق عليها في كل وقت ,, ويشكي لها ! ويبكي لها ! وأنه هو وسيم وجميل وأنه شاب جدا جذاب وعليه زحمه !! زحمة بنات
وأرسل صورته وسائط .. مااطول عليكم طفش عيشتها الين غيرت رقمها
وثانيه تقول: من كثر مااكلم مفسر الاحلام وافسر حقي وحق أمي وحق أخوي ويسألني وياخذ تفاصيل الين قام يرسل لي رسائل وقام يتحمل مكالماتي اللي ادق فيها ويفسر لي .. وغير كذا قام يتخيلها!! لان على قولته: أني تبينين
من احلام أنك جدا جميله ... والادهى قام يقول اتركي زوجك وتطلقيأنا أتزوجك واقدم لك كل شي عندي اموال واسكنك في اجمل الفلل
بل وصل الامر به بعد أن عرف منها وين تسكن انه كان في زيارة عمل للمنطقه اللي تسكن فيها وقام يدق عليها ويقول : ابي اعرف انتي في اي حي تسكنين قالت : في الحي الفلاني ...قال: اي شارع
قالت ليه : قال ابي امر من جنب بيتكم وانتي طلي من الشباك عشان تشوفين سيارتي !!
تقول :هنا خفت وقفلت جوالي << توها تخاف
عالعموم نفس هذا المفسر الاخير اذى بنتين وكلهم متزوجات وعرف تفاصيل كثيره عنهم وعن حياتهم وانا عرفت هذا الشي من اخت وحده تقول : استقل زعلها هي وزوجها لما كانت تفسر احلامها
والثانيه كانت مطلقه طلقه رجعيه وعيالها مو عندها وتحلم وتدق عشان تفسر وحاول يستقل ضعفها لكن الله ستر عليهم كلهم ..انا اتوقع لأنهم كانوا صافيات النيه والله أعلم
.
أنا تكلمت كثير .. بس بغيتكم تعرفون أنه مو كل شخص تثقون فيه لانه قال أنا شيخ او مفسر ..تحروا وابحثوا عن الثقه المعروف المشهود له بالصلاح ..
.
وكـفى
رد مع اقتباس
المشاركة الأصلية كتبت بواسطة عطرشمر
المفضلات