انترنت اكسبلورر 9 - IE 9 - Preview

[ملامح شمري]

السلام عليكم و رحمة الله و بركاته

مايكروسوفت , اتاحت نسخة مبكرة للعرض و غير مكتملة من
متصفحها الواعد انترنت اكسبلورر 9 للتنزيل و اختباره من قبل
المطورين ..

الجديد اللي تم الكشف عنه بهالاصدارة و اللي يهمنا كمستخدمين - غير دعمها لاخر التقنيات
في مجال تصميم المواقع مثل CSS3 , HTML5 - هو استفادتها واستغلالها
بالكامل لكرت الشاشة بعمليات التصيير (رسم و إظهار الاشكال على الشاشة كـ خرائط قوقل مثلاً )
سابقًا كانت تعتمد على قوة المعالج أما حاليًا جميع الصفحات , عمليات
تصييرها او اظهارها بتعتمد على قدرات كرت الشاشة ..

طبعًا مضايف شمر ما فتحت معي فيه , اما الصفحة الرئيسية لشبكة
شمر ظهرت بدون مشاكل ..

ملف مرفق 4398

وفيه صفحة عرض لقدرات المتصفح , اضعط على أي رابط للتجربة و الرؤية ..

لتحميل نسخة العرض

المصدر


Ciao

[غالب]

ثانك يو


الله يخلي لي ثمانيه

[لوليتا]

*
*


دائم احب التجربة
وعلى ضمانتك ملامح


شكرا لك ملامح على كل جديد تأتينا به

تقديرى لك اخى

*
*

[هند القاضي]

بنجرب والله يعينك



ترا مردنا لك هووون اذا واجهتنا مشكله


شكراً ملامح

[ملامح شمري]

ثانك يو

الله يخلي لي ثمانيه

يو ار ويلكم ..

وترى نسيت اذكر انه مهيب راكبة الا على فسيتا و ويندوز 7 ..

اكس بي .. لا يعني اصحاب هالنظام لازم يرقونه اذا نزل الاكسبلور 9 باصدارة نهائية ..

*

*

دائم احب التجربة

وعلى ضمانتك ملامح

شكرا لك ملامح على كل جديد تأتينا به

تقديرى لك اخى

*

*

أهلا و سهلا باختي لولا

التجارب و المغامرات مثيرة و دوم كاسرة للروتين

حتي لو جبتي فيها العيد و بوزطت <(يا رب اكون كاتبها صح ) عليك كرت

ولا معالج و احترق < تجاربي بكسر سرعة الجهاز

بنجرب والله يعينك

ترا مردنا لك هووون اذا واجهتنا مشكله

شكراً ملامح

وش تجربين هند ..

تراها نسخة محدودة مررررررررررة

ولا هي بيتا ولا الفا حتى ..

يعني غير صالحة للاستخدام الادمي

و الشكر إلك هـنـد ... < تخيلي اني حاط لك ايقونة وردة بدل النقط مثل حقت لولا

تشاااووو

[ابو فارس]

نسخة للمطورين-- بالله شايفنا مطورين؟

اصلا حنا (نحن) غلط يسمونا مستخدمين

لاننا مانعرف شئ


بس تصدق
الى الان انا بدوي وفي بيت شعر اقصد xp
ولانيب (الباء زائدة) ناوي اتطور
مكاني عاجبني


شكرا ملامح ولاخلا ولاعدم

دمت بخير

[رحيل الوهبي]

شكرا اخونا ملامح

[المشرف العام]

/

تسلم والله ياملامح

متابعه للمستجدات بشكل رائع

/

/

بشأن المضايف ، اعتقد ان المشكله في اللغه ، او في مشكله RTL العرض من يمين لليسار ، لاني جربتها على اليسار لليمين شغاله على 9

http://www.shmmr.net/vb/forum.php?langid=1


تسلم

[جمران]

يعطيك العافيه اخوي




لاهنت

[ملامح شمري]

نسخة للمطورين-- بالله شايفنا مطورين؟[/

اصلا حنا (نحن) غلط يسمونا مستخدمين

لاننا مانعرف شئ

مهوب ذا اللي مربح محلات الكمبيوتر من وراكم ..

و حياك الله يا بو فارس ..

الا تعال

ابيك بخدمة لو تكرمت ..

دامك صرت من كبار الشخصيات بالمضايف , ما تكلم لي ابو سلطان
يزود لي راتبي التقاعدي , الدنيا غالية

و وغدان خواتي يبون اشتري لهم العاب و بفرحهم , ايتام مساكين
< فال الله ولا فالك ,وش ايتامه يالسفيه ..!!

شكرا اخونا ملامح

العفو و حياك الله اخوي رحيل شرفت الموضوع وراعيه بهالحضور ..

تسلم والله ياملامح

متابعه للمستجدات بشكل رائع

/

/

بشأن المضايف ، اعتقد ان المشكله في اللغه ، او في مشكله RTL العرض من يمين لليسار ، لاني جربتها على اليسار لليمين شغاله على 9

http://www.shmmr.net/vb/forum.php?langid=1

تسلم

هلا بالريس ..

والله مدري وش السبب بالضبط , لاني جربتها LTR و RTL و بكل الحالات ما

تفتح معي , بس لاحظت انها بالاولى طولت وظهرت قبل تقفل وتصير

الصفحه بيضاء ..

يمكن لانها Platform Preview و بعدها ما نزلت بيتا ..

يعطيك العافيه اخوي

لاهنت

الله يعافيك و شاكر لك هالرد و التواجد .