يغيب من قده ويحضر ومـن قـده
الله يهنيه في حضوره وفي غيابـه
شكيت له من لهيب الشوق من مده
وعلمته ان التعب والسهر بأسبابه
وعلمته اكثر وأخذ علمـي ولا رده
مدري سكوته زعل والآ من أدابـه
أحيان أحس انه به شى ٍ من الشده
وأشوفها أجمل صفاته وأجمل القابه
وأحيان اعيد النظر وأقول من جده
هذا السلوب ايتعامل به مع أحبابـه
في نظرته حده وفي كلمتـه حـده
الله يامقرب مزوحـه مـن عتابـه
أحاول ابني جدار الوصـل ويهـده
بلاه مغرور فى وصوله وفى انسابه
وان كان مجده قديـم وافيـاً مـده
مايدرى انآ نقـود المجـد برقابـه
يعـد مجـده مـع الآيـام ونعـده
وانطاول الآ رموز الـدار وأقطابـه
للشاعر : زيد بن راجح البقمي
نقلتها لكم : خياله
رد مع اقتباس
المفضلات