يالله عسى ماجاك مني خبر شين
.................. ياشيخ ياشاعر يافارس يارجال
ميزاتك الاربع كفيله بثنتين
.................. بعد النظر والثانيه وسعة البال
وان عذربوني عندك المستفيدين
.................. فانا غني قبل اعرفك ولازال
بخير واخذ واعطي المستحقين
.................. لني اعبد الله مانيب اعبد المال
زعلان لني ما مدحتك ببيتين
.................. والا علشاني مدحت ابو الافعال
المدح للي يقشع الفقر والدين
.................. المدح للي يهوم هومات الابطال
المدح للي يلتفت للمساكين
.................. المدح للي كل وقفاته ثقال
وانا حسب ما شفت لاشين لازين
.................. عادي ولا يسند على العادي جزال
المدح ماياتيك بالهون واللين
.................. ياوردة ماتنبت الا على الجال
ماقول لي شي بليا براهين
.................. حتى اللي بيكذب يبي شي ينقال
قبلك سعى للمدح راعي ملايين
.................. وحاول وخليته يحاول ولا احتال
شرحت مافي خاطري لك وذالحين
.................. جعلك غني ولاهنت في كل الاحوال
.
.
.
.
أتمنى أن ترقى لذائقتكم ...
فتقبلوها ...
رد مع اقتباس
المشاركة الأصلية كتبت بواسطة شموخ شماليه
المفضلات