,,,,,,,
نويت مشواري لسيد الغنادير= الصاحب اللي بيني وبينة إديار
هزتني الذكرى لها حزة إعصير= وعلى لقاء المحبوب ساقتني أقدار
بشوفها قدام ترحل مع الغير= قدام عنها تنقطع كل الأخبار
ومن فرحتي في شوفها ودي أطير=وأضمها وأرحل بها فوق الأقطار
ماجيتهاوأناء محسب وش يصير= قابلتها بالحي قدام الأنظار
ودار الحديث وعطر الجوء تعطير=وكن الشوارع حولنا تنثر أزهار
فجأة بدون أشعر بدون أي تفكير= أعطيتها الصورة هدية وتذكار
وقالت قبل لأرحل أشوفك على خير= وفي عينها دمعة بجوفي كما النار
ودعتها وأناء أكسر الحرف تكسير= لاتنزل الدمعة ترى قلوبنا أصغار
هي ملهمة شعري هي أشياء وتقدير= هي شيء لاجيت أوصفة شيء ماصار
هي داخلي نبض ومشاعر وتعبير= وأناء بداخلها متاهات وأسرار
أحب فيها العطف مع أنها غير= وأحب فيها الحب مع أنها تغار
بجنون أناء أغليها ولا أشوفة كثير=ولاغبت عنها صرت مشلول الأفكار
ماني مراهق بس هذي مقادير= ساقتني القسمة على درب الأخطار
لأزعلتها جتني تسوق التباشير= وليا زعلتني جيتها كلي أعذار
هي علمتني كيف كسر المعاذير=وحتى ولو نخطي عن أعذارنا أكبار
تراني بسجن الهوى مثلك أسير= ومتى على الله يازمن نصبح أحرار
من قبل لأعرفها وأناء عايش بخير=واليوم حتى الدار ضاقت بي الدار
وشلون بنساها مع الوقت يامنير= وأناء تذكرني بها كل الأشعار
الشاعر خويلد الذيابي
رد مع اقتباس
المفضلات