(( هـــنـــا .. اكتب ! اجمل ! واروع ! بيت شعر مر عليك ))

[al-shmaly]

.
.
.




.
.
.


اعتزلت المدينه عن حياة الحضـر ...
في صحاح الفلا والعين ذا بصرهـا
خيمتي والنسايـم بالنسايـم تمـر ...
والثريا على جفنـي غفـى بدرهـا
يسري الليل يسريبي وضوي سمـر ...
تنجذب له بنات الجن من سدرهـا
كان يطحن براسي حب صوت النجر ...
ويتمايل بروس ابلي صدى نجرهـا
ترزم النوق من حولي بضيقة صدر ...
وانا مع فوحة الدله على جمرهـا
وآتقهـواه فنجالـي بحالـة سكـر ...
واسأل الليل هالنجمات كم عمرهـا
شفت سر الوجود بسر حب التمـر ...
واكتشفت اكبر الأشياء من صغرها
والنجوم القريبه في سماي شكثـر ...
لكـن بقلبـي الجـوزا وياحرّهـا
لي تلوح المدينه بالليـوت الصفـر ...
من بعيدن سفينه والدجـى بحرهـا
كنها في غياهـب ليلهـا تحتضـر ...
تغرق ويغرق الإنسان في قعرهـا
كل بيتن سكنته فـي ثناهـا قبـر ...
كل حلـون تذوقتـه بهـا مرّهـا

[al-shmaly]

اخذها نصيحة لا حصل عندك الباس،،
واحذر زمانك لا زمانك لعبك..

أبيك تعرف ان هالناس أجناس،،
ولا كل من ينطق"أعزك" ~يعزك~

بعض البشر يغرونك بصدق الإحساس،،
وبعض البشر ساكت وقلبه يعزك

[شام]

طير مهما طرت في جو السمـا لا بد ما تنزل رضـى ولا صميـل
من وين با تشرب اذا جاك الضمـاوان قلت ريشك يخزن الما مستحيل

//

الطير اذا علا يعجز من رمـى عالي على الهامات صياده ذليل
قطر الندى يرويه اذا جاه الضماوان مد ريشه يعبر الخط الطويل

[al-shmaly]

الاستاذه القديره شام

نورتي قسم الشعر المنقول
واتمنى لك التوفيق انتي ومن قرأ!!



:




لاتقول فــ [ رميتك ] ماكنت رامي !
أشهد إنك . . .
راميٍ أحسن صنيعه !!

من عشقتك وإنت في جرحي عصامي !
ومن عرفتك . . .
وإنت لك [ ذمّه وسيعه ] !!

شايف وساكت ومتراكم ملامي
في حياتي شفت شغلاتٍ فضيعه

علمتني دنيتي { أكتِم } - غرامي
وإن لقيت - إنسان بايعني , أبيعه !!




وعلمتني كيف . . أحوّل / إنهزامي
لأنتصاري . . . وآتحايل عـ الخديعه !

مهما أعطي للـ زَهَر كل إهتمامي
ما يفتِّح , غير . . . في موسم ربيعه

علمتني كيف " تتساقط " أسامي ,
وعلمتني كيف أبقى بـ..الطليعه

علمتني أمشي و آطالع . . . أمامي ،
طيحة الشاطر . . تجي دايم سريعه !

علمتني كيف أفرِضْه إحترامي ,
ولي كرامه , يهمّني تبقى رفيعه


ليه أشيلك ذنب دام القلب سامي ؟
وليه أحمّل نفسي . . . ما لا أستطيعه !

ليه أتمتم وإنت ما تسمع كلامي ؟!
ولو يحرضني لساني ليه أطيعه !؟

صمت عنّك . . .
لا تجي وتجرح صيامي
عندي الفرقى , ترى صارت [ طبيعه ] !

:

ما أعاني ,
والحزن أصلاً نساني
رحت عنّي
تكفى [ لا ترجع ] . . . عشاني !
الأماني تحققت لحظة غيابك /
مات حبي ,
وقمت ما أسمع أغاني !
كنت ذنبي
وأحمد الله إنّه هداني

[εïз خزامى εïз]

.

•

.

يآللهَ عسى مآذۈق حزنڪَ ۈلآ آبڪَيڪَ ..
يلي بعيــــــــد ۈدآخــل آلقـلب مــۈـۈجۈد ..

.

•

.

[al-shmaly]

كل ما قيل حايل دمـع عينـي يفيـض
واشتياقـي لحايـل مـن دلايـل غـلاه

والبيوت الجديده من ضميـري تهيـض
واسم حايل بيوت القيـل عنـدي زهـاه

يوم اشاهد جباله ضامـري يستريـض
الجبال ونفـوده والسهـل مـع حصـاه

من غلا الدار عندي كل موطـن بغيـض
غير مكـه وطيبـه مـا بغينـا سـواه

هي عروس الشمال ومن سكنها حضيض
ديرةٍ حاتـم المشهـور عـاش بوطـاه

الكرم لـه شعـار وبالمكـارم تفيـض
بالكـرم مـن قديـم ٍ عاليـا ً مستـواه

ديرة احفاد حاتم مـا سكنهـا خفيـض
ساكنه والبدو واللي سكـن فـي قـراه

الله اللي وهـب للـدار مجـداً عريـض
مجدهـا حاتـم المشهـور شيـد بنـاه

الكـرم بـه طبيعـي والتطبـع نقيـض
والمراجل صعيبه تتعـب اللـي مشـاه

والنفوس الرضيـه دائمـاً مـا تغيـض
وميزه اهل المراجل ما خسر من نصـاه

والمزون الثقيلـه مـا تشابـه نفيـض
أرض حايل وجـوه غاليـه مـن حـلاه

ما حلا جوهـا ياحـل وقـت المقيـض
عد سودة عسيـر تنافسـه فـي هـواه

ومن يفارق دياره مثل حـال المريـض
لـو تغـرب حياتـه مستحيـل ٍ نسـاه

[εïз خزامى εïз]

{

.

يمكن كسير العظم يبرا بتجبير
ويمكن علاج العين بآيات تقرا

ويمكن صياح الالم يبرا بتخدير
ويمكن قلوب الناس بفلوس تشرا

كل العلل تبرا بسبه وتدبير
لكن مريض الشوق وشلون يبرا ؟!

.


!!

[صدر الشمال]

ياحي ياقيوم ياذات الانافه والكبر

ما نافسك في عظمتك مكر العباد وهولها

ولا نافسك من عمر بيوته علي سطح القمر

ولا اللي ترسي فوق محيطات البحر اسطولها

[بالمختصر..]

يآ كثرهم يوم اغرّد بـ َ الفضآ . . لكن !
...... هم , وينهم يوم أوآجه حزني لحآلي . . ؟!




.
.

[بعد ملي]

كنت أظن الحب في وسط القلوب
........أثر حبك مالي الدنيا على

دايم مشرق ولا يعرف غروب
.......منور ونورة تعدى كل ضي