(( هـــنـــا .. اكتب ! اجمل ! واروع ! بيت شعر مر عليك ))

[al-shmaly]

هلا وسهلا بالجميع

ومشكورين كلكم حضور ومشاهدين

واتمنى لكم التوفيق والنجاح

نقول بســــــــــــــم الله

وابيات عزيزه عندي ولاتهونون

ان حكوا فيني بوجهي او حكوا بي من وراي
مالقوا غير البياض اللي قهر سود الظنون
هيبتي حتى ف غيابي تحشم النفس بقفاي
والله اني مزهلتهم يزعلون ويقعدوووون
نبشوا..مامن خطيه..بس انا ..أدرى بخطاي
عيبي اني ماعرفت اساير الغير وكلمة(((أخون)))

اخوكم الشمالي

[al-shmaly]

من عاش ينظر للسنين المقابيـل
يذوق من بعد البـروده حـراره

والطيب يخلق مع قلوب الرجاجيل
ماهوب في بنك التجاره تجـاره

والرزق من عند الولي بالتساهيل
ماهوب بالقـوه ولا بالشطـاره

من عاش في كذب وحيله وتهويل
ياسرع من بعد الطلوع انحـداره

والحنظله لوهي على شاطي النيل
زادت مرارتها القديمه مـراره

شعر مثـل يافاهميـن التماثيـل
كل يجي شعره بحسـب اقتـداره

[al-shmaly]

وليهـ لاضــاق الفـضـا في عين من خانهـ دخيلـهـ
مالقيت الا ( الملامهـ ) انتهييها وتبديني؟!



ياهمومي ياجروحــي ياصدى الروح العليلهـ..
واللهـ ان الظلم قهرهـ قيد لساني ويديني !!



يــوم قيل ناظر حسودكـ زاد قوله وقيلهـ ..
ماطرالــي غير قول آآخ يادنيا ارحمينــي..



ان تكلمت وحكيت وجبت برهاني ودليلهـ ..
ماتضرر كود منهو قد لفاني منتخيني !!


وان سكــت وقــلت هانت هم وسنيني تزيلهـ..
اكتشفت ان ( السنين ) تزول والهــم محتويني !!


بس لجل اللي انتخى في جد جدي والقبيلهـ ..
والله لشرب المر واتحمل مايجيني ..



دام ما بالكون ( صــدراَ ) ارتمي به واشتكيلهـ ..
ودام مافيه عين تقرى حزني اللي مبتليني !!



مالي الا بيت شعراَ اذمره كل ليلهـ ..
لاانتهـى جدال المتاعب بين قلبي و عيني

وسلامتــــــــــــــكم

[al-shmaly]

السبت .. لآمن .. راح .. جاء بعده .. السبت ...!!
بس أنت .. لآمن ... رحت ... مالك .... بدايـــــــل ........!!

ما أقول .. ذبت بـ داخلي .. ( سالفة .. ذبت ) ...!!
صارت قديمة .. وأنت ... بــ القلب .... ســـــايل ..........!!

من قال إنك غبت ..؟؟ .. يكذب .. فــــ لا غبت..!!
يـ اللي .. رصيدك .. وسط هـ القلب ... هـايــــــــل .......!!

جتني حروفك .. طابت حروفك ... وطبت .......!!
يــ اللي .. مع البـــاقين ... مالك .... مثـــــــايل ..........!!

أبشـّـرك .. دامك نصحتن .. أنا .. تبت .........!!
تايب لـ ربي ... من ... ( عظيم ... الفعايـــــــل ) ........!!

كبتّ روحي .. عن هوى دنيتي .. كبت .........!!
من فضل ربي .. ما لـ غيره .... " جمـــايل " ...........!!


يمكن بـ حرفي .. صبت .. ويمكن .. فـ لا صبت
لكن .. أحاول .. فيك ... كتب ... الجزايــــــــــل ..........!!

ماهبت غيرك .. بس .. في حضرتك .. هبت ...!!
هبت .. أكتب حروفي .. لو ... الشكّ ... زايـــــل ........!!

[al-shmaly]

يارب تسهـل الامـر وتزيـن الاحـوال
ترانـا بـلا رحمتـك هلكـا ومتهاويـن
**
ولا عندنا غيرك ليا صك جـال(ن) جـال
ضعـوف الاوادم ياقـوي فيـك متقويـن
**
ابي رحمتك حي وفـي القبـر والاهـوال
نهار الحسـاب مشيـب الرضـع الولديـن
**
لنا حقوق وعلينا حقـوق وماحـط يشـال
زمـان يخلـي ضاحكينـه مـن الباكيـن
**
ماينزل به الراحـل ويرحـل بـه النـزال
ومواعيدنـا واجالنـا كـل شـي بحـيـن
**
فياحـظ مـن طابـت فعايلـه والاعمـال
وياشين حـظ اللـي لاوحـده ولا ثنتيـن
**
هبوب الزمـان وكنتـه والبـراد اشكـال
تقلب بـه الدنيـا واهلهـا علـى الجنبيـن
**
ولا اقسى على الصاحيين من كثرة الجهال
ولا اصعب على الجهال من سطوة الصاحيين
**
عسى الله يصيب مـدور الشـر بالسـلال
وعسانـا لاظـلّام ولاحـن بمظلومـيـن
**
ولانطـرد المقفـي ولانـكـره الاقـبـال
ولانخطي اليـا صـار مانقبـل المخطيـن
**
لو انهـم تناسـوا فعلنـا مانقـص مثقـال
من اللي تناسوا جعلهـم دايـم(ن) ناسييـن
**
ولا تذكرونـا غيـر فـي حـزة الانكـال
ليا اشتدت الازمة وخالط صفا الماء طيـن
**
نطب الخطر والخوف والموت طب هبـال
تقـول اننـا بمقابـل المـوت مستـريـن
**
بنفنـى وتفنـى عيالنـا بـس لانــزال
عزاز النفوس اللـي علـى حقنـا عييـن
**
على الراس طاقيه ومـن فوقهـا دسمـال
ومـن فوق دسمالـي عقـال(ن) يميـل يميـن
**
ولـو ماتحـوش ايماننـا مـال مانهتـال
لو الوقت عاري وجه عشنـاه مستوريـن
**
ابو خمسة لاقـل مـن قيمـة ابـو ريـال
فآبـو نص يقدر يقتل احلام ابـو قرشيـن
**
مايوجعك يالسائـل سـوا جفـوة السـؤال
ليا صرت تقضي دين ظهرك بمثلـه ديـن
**
ولا فيه بيت(ن) سالم(ن) من بعض الاشكال
وهدامـتـه قـلـه وبنايـتـه كثيـريـن
**
لنا ماضي وحاظر مانبكي علـى الاطـلال
مايبكي على الاطـلال ياكـود محروميـن
**
لهم ماضي(ن) حلوى لكن حاظر(ن) بطّـال
وذولا عرب موتـى ولآعادهـم حييـن
**
تقـل العوايـد يـوم تتعاقـب الاجـيـال
وسلوم الرجـال الاولـه تتعـب التالييـن
**
ولو نذكر اللـي راح ياويـل حـال وال
والبعـد روحـوا شيباننـا الزحـل الوافييـن
**
موصيننا بالصدق فـي القـول والافعـال
وفي جمعة تهتاب مـن قوهـا الطامعيـن
**
غدينا شتات وحن عيال(ن) علـى رجـال
رخصنا والاجناب اصبحوا عندنا غالييـن
**
نحب الجمل والحمـل ونعـذرب الجمـال
وهو اللي يقود الزمل من ويـن اليـا ليـن
**
مـن اول يـوم القـل والمـال ماينطـال
قبل شركة الكهرب تنـور بيـوت الطيـن
**
يوم ان الرفيق اغلى من الـروح والمنـزال
ويوم ان الرفيق ان غاب نفقده فقد(ن) شيـن
**
وذلحين الاخ يقاطع اخـوه حيـل وحـال
ولا حسّتـه الايـام ولا غـراب البـيـن
**
اخوي ابن ابوي ان كان مايـردع العيـّال
اليا عال فيني رحت به في ( سند الاثنيـن)
**
ابيعه كـذا واشـرب ورا بيعتـه فنجـال
وانا دون عمري قبل يولـد الـى ذلحيـن
**
جروح العرب تبرى وجرح الاخـو قتـال
وجرح العرب واحد وجرح الاخو جرحيـن
**
ولـو يبتلـى والله ماخليـه ليـن يـهـال
علي القبر ولا انتصف لـه مـن الغاوييـن
**
يقولـون جيبـك اكبـر اخوانـك العقـال
وانا اقول وقفة الاخ تسوى كنوز الصيـن
**
عطاني الزمن كل شي الا مـره واطفـال
عسى الله يكمل زينتي فـي الحيـاة اميـن
**
لاتحزن ولا تزعل تماسـك وهـد البـال
ترى العاقل اللي يحسب حساب وقته زيـن
**
رفيقك تحمـل لـه ثـلاث لاشـك ثقـال
لكن رابعته افطن لها واخـذ حـق وديـن
**
والاولاد وهبـه لاعمـام(ن) ولا بخـوال
عسى الله يصلح ماعطانـا مـن ال***يـن
**
ياكم بنت خامل جا ولدها بطـل الابطـال
وكم بنت شيخ(ن) جا ولدها قصيـر ايديـن
**
زكـاة العـوال معاكستهـا زكـاة المـال
لاطاب الك واحد فادفـن عوالـك الباقييـن



***

[ام الرغفان]

فتق الصدر من همي وانا ازرّه
..... في معمعة ناس شماته وهراجه
من ذوّق الوقت طعم ايامنا المُرّه
..... واللي عجزنا نطيقه كيف نحتاجه

[ام الرغفان]

لا تسئليني وش بقى لك من الشوق
ولا تسئليني عن غلاك امس .. وينه ؟
:
ما لك سوى جرحين في قلب مرزوق
جرح الفررراق ... وجرح ما تعرفينه !

[ام الرغفان]

كلما عصّبت قالت: ياخي تبغى تروح.. روح
وكلما روّقت قالت: أعتذر وانسـى الزعـل

مدري هي اللي تبادل جدي بضحك ومزوح
والاّ انا من زود حرصي ما اجيب الا الملل

لا بغت تبدي ثقلها صارت الخـلّ النصـوح
ولا بغت تبدي الجنون تقـول: بطلنـا ثقـل

ولا اشتهت حبي وحناني اطلقت وجه صبوح
تصبح الطفله اليتميه.. وانا اب بـلا طفـل

[قمر اللــيل]

ما خسـرت ولا تسمّيهـا خسـاره
......................الخساره ربح في بعض المواقف !!
أبك انا من طيب راسي والنعـاره
......................استحق اموت لامن مت واقـف !!

لـــــــ شــاعر المتــألق والمختلــف دائمـــاً

مـــحمد جــار الله السهلــي


،

،

[قمر اللــيل]

،
،
انا ملك بلا مُـلك .. وانت السبب ..

انا استاذ بلا طلاّب وانت السبب ..


،
،