من هي لطيفة الشمري لا أعلم ...!!
ولكن وجدت لها هذه الرائعة ... في أحد منتديات الشعر المعروفة ...
ومن ردود زملائها ...
استنبطت ... أنها قامة .. في ذلك المنتدى ...
إليكم رائعتها ...
يامل قلـبً طـاري الهوجـاس عذبّـه
...............طيبة مغاتيره تـوارت عـن مجاهيمـه
يـاويّ ياليـل المفـارق والغـلا تبّـه
...............تبت يدين اللي عصى باطهـر تعاليمـه
طاحت مواري صاحبً لو بالخفا سبّـه
...............طاحت من مزون الوفا هتانـه وديمـه
ياللي تقول ان العطـى مايقـدر يجبّـه
...............فنجال عفنً ماقـوى شرهـة معازيمـه
ماجاز لي قولك وعلـمً ماصـدق كبّـه
...............كبة غنـيً ماحسـب لانعامـه القيمـه
حرفين ماتسلب من اردى هالزمن لبّـه
...............شف تاءه المسكين ماعيـن دفـا ميمـه
شح الزلال اللي [ طنا ] .. ماكمل الصبّه
...............والقاع ضميانـه تحـرى بلـة الغيمـه
ماراح من ليل التقـى مافادنـي طبّـه
...............ضيعتهـا مابيـن تكبيـره وتسليـمـه
شفهـا عناقيـد الغـلا ماترحـم عنبّـه
...............مالت حزن يوم الجفـا غنـت ترانيمـه
اقصى معاليق الهوى لرضـاه مشربّـه
...............لامن طلب يصبح امـر ويتـم تعميمـه
احلف ولا منـه سمـع حلفانـي بربّـه
...............كذّب كتابً ماقـوى فـي يـوم تعليمـه
لاحل بي طاري توجّـد عـرقً ونبّـه
...............رمشً حضن طيفً عجز في يوم تكليمه
شاعر من ابداعه غـدت قيفانـه لعبّـه
...............موهوب في شعرً بدع اجمل تصاميمـه
ليله حطبني والجفا باقصى الحشا شبّـه
...............اسهر ولو نامت عيـونً ماهـي بنيمـه
يملا دلو خافق غرامـي واملـي قربّـه
...............دلوه طعـون وقربتـي مليانـةً شيمـه
غصن الوجع لامن دله جرح البطى هبّه
...............هبت تباريـحً دعـا نسناسهـا ضيمـه
صرحً بنيته ما كسـر مفتاحـه الضبّـه
...............ومن البطا متهالـكً ياصعـب ترميمـه
حبر الضما لاخان سيل الحرف اكتبّـه
...............بوحً عجز لاياصلـه ابسـط مفاهيمـه
جوع الفراق اللي ذبـح اشـواق منكبّـه
...............ماتنفع الميـت عقـب مـاراح تلقيمـه
يمنى السهر ماطاوعت شلفاي واضربّـه
...............صبحً ذبح عشـاق ليـلً هـم مناديمـه
بيـن المحانـي حـرةً للحيـن مشتبّـه
...............تاهت ملامح ضيعتي بااعذب تقاسيمـه
اللي سأل انثى عن بحـورً لهـا غبّـه
...............سينه يـدور ابجديـه تحتضـن جيمـه
اواه ياحـرفً تعـب بلسـان مـاذبّـه
...............عيت شفايف هالطغـى تعلـن مقاديمـه
اواه ياصـدرً ولـه مـن زود ماحبّـه
...............عندي تساوت [ شمغهم ] لو زان ترسيمه
يقسم محلً بالحشـا ذكـراه لـو طبّـه
...............يلقـى وفـا رجـال ماخـلا ملازيمـه
املى شليلك من جفا رمـل الثرى/عبّـه
...............دف الجفا بتراب زيفً صعـب تذميمـه
ولامن تهايق لك حنيـنً ظاهـرً خبّـه
...............لايسمعه بوحً تعـب مـن زود تكميمـه
لو شوقك المذنـب يكبـر يـومً لربّـه
...............عيا شموخً مارضى فـي يـوم تاميمـه
اتلى صميل اليعربي دهـنً خلـط رُبّـه
...............عزاه من عقب الرخا طلبـة مغاريمـه
ولو ييأس الوقت الردي ويطـاول القبّـه
...............ظفر [ الرجا ] لاتبرده لـو تـم تقليمـه
وصح لسان الشاعرة ...
رد مع اقتباس
المشاركة الأصلية كتبت بواسطة عبدالله المهيني
المفضلات