العربجي
هو انسان ذو شجون
بس ياهي شجوووون
وذو ريحه كريهه
وذو ثوب ملعوبن بحسبتوه
ويستحسن يكون عليه شوشه
مخلوق غااايه بالادب
اليف وياكل القواطي
واهم معلومه عنه انه ما يتعامل بالريال السعودي
ولا الدولار
ولا اليورو
وحتى الين ما يعطيه وجه
الرجال ما عندوه الا جطل
على قولة حدى الشعار العرابجه
قدام بقاله
سياره شغاله
يلعن ابو الحاله
خذها ترى لقطه
المصيبه ان العربجه في وقتنا الحالي ما تعتمد على جنس الرجال
وبدت تنتشر عند البنات النعوماات
انا سمعت عن هالعربجيات
لكن ما شفتهن
او ما حصلي الشرف اخاف تطلع عندنا عربجيه وتبقسن وانا ماني ناقص
وقبل كم يوم تشرفت بأني اكون اول مخلوق اشاهد مواجهه بين هالفريقين
بين عرابجتنا يالرجال
وبين عرابجة البنات
فيه حديقه به ملاهي اروح له بين فتره وفتره اودي ماجد بناخيكم
عاد ماجد ابلشني كل شوي بابا محالي ( اعذروه ثقافتوه بنقاليه )
المهم وصلت للملاهي
واستغربت من شي
كانوا الرجال كل واحد ماسكن ولدوه وواقف ينتظر
فيه شي غريب بالملاهي
انا بغيت اهرب ذليت يكون فيه وحش ( اثرت عليه افلام كرتون )
>> حاشروه ماجد على سبيس تون
يوم قربت
ولا فيه حوالي ست ستات
ست بنات واقفات بالملاهي ويستهبلن
طبعاً الملاهي بس مراجيح وزحليقات والعاب بسيطه للاطفال
يوم شفت الدعوى كذا قلت تساهيل
واجلس تحت شجره واتفرج
والبنات يستهبلن
واراعي لواحدن بجنبي ولا مسوي فيها عاقل
وصاد يراعي لجدار
قلت يالحبيب
وهو يلتفت لي
قال نعم
قلت وش تراعيلوه
معجبك زين هالجدار
لا يكون ناوي تكتب ذكرياتك عليه
راع لهالمزين
الوكاد انهن قامن يتمرجحن
ويستهبلن
ويولعن زقااايرهن
شوي
ويجون اثنين
مهو اي اثنين
واحد منهم شوشتوه تقل كفره مولعينن به ولا باقي الا الاسيام
عليهم وصخ ياااااربي سترك
لو يبلعهم حوت يزووع ( يطرش )
لو تربط واحدن منهم بحبل وتغطوه بالبحر يصير تقل لبتن
المهم يوم شافوا البنات وهو يخشون بالملاهي
ويجلسون مقابل للمراجيح
خباث يبون يقزون
وهي تراعيلهم وحده
قالت خييييير شتبي انت وياه
قال واحد منهم نبي نتفرج ليه حرااام
ياااعمري يعرف الحلال والحرام
قالت ضف وجهك لا يصير شي موب طيب
قال خويوه اخو فلاااانه تبي تضربك الحرمه يا رخمه
قال هه هه يمكن تضربني
بس وش يصير عقبها >> اموت بالثقه يا قرانديزر
وهن يجتمعون ويجنهم
على طووول وبدون نقاااش وهي تنط حديهن بشوشتوه
وهي تقبس الله يجيركم
صحيح انهم حرمدوهن
يعني لعنوا جدفهن
بس
فيه خربشه للوجه كادت تطير بعض جمال الاخوان
وفيه بعد واحد منهم وارمن راسوه الله العالم عجننوه بالزحليقه
بس
يالربع
انتم منتم معي ان العربجه ممكن تكون مقبوله للرجال
لكن مستحيل تكون مقبوله للنساء
(( لعن الله المتشبهات من النساء بالرجال ))
وفي احصائيه مبكيه ان 30% من طالبات الرياض مدخنات
والغريب ان الاعلام لم يتكلم عن هالنقطه كما يتكلم ويطالب بقيادة المرأه
وحقوق المرأه وحرية المرأه ...الخ
وتقلدوا تحيتي
رد مع اقتباس
المفضلات