مدخل /
مدّ لـي يمنـاك محـتاجـة دفـاك
الدروب قفار و كفوفك .. ضوى !
لاتظن أصبح علـى الدنيـا بـلاك
مثلما أصبح وانا وانتـه سـوى !
/
\
/
و خــاف ربّـك
خاف ربّك كيف تنساني بسهولـة ؟
.......... واحنا عشرتنا تكفّينا .. ( دهور ) ؟
واحنا عشنا بذرة الحب بـطفولـة
.......... وطحت في قلبي وانا بعمر الزهور
مو صحيح أدريبك اتزيد الحمولـة
.......... لجل أشرب من جفا غيابي بحـور
مو صحيح إحساسك أرخالي سدوله
.......... وعود ملقانا، ملا قلبـي بخـور !!
أمّا تنسانـي عسـى الله لا يقولـه
.......... وأمّا تتركني فـ رِحْ، وانت امعذور
ليش دايم خطوة الفرقـى عجولـة
.......... دام نرجع تقتفي ريـح العبـور ؟؟
وليش نجرح غيم ما نقوى هطوله ؟
.......... دام سقف الروح يملاها بـنـور !!
وليش أكثر نطلب اللي مـا نطولـه
.......... دام ندري .. ترجع الخطوات بور ؟
قول وش باقي بعد يمكن حصوله ؟
.......... ولاّ تدري .. يكفي الليله شعـور !
يكفي طعن بكلّ ما يمكـن تنولـه
.......... حتى قلبي قمت أخاف انّـه يجـور
روووح الله يجبر غيابك و طولـه
.......... مثل ما ربّي جِبلْ قلبـك .. صخور !
\
/
\
مخرج /
مدري يكسر خاطري شوقي إليـك
ولا يكسر لهفتك .. حظّي الرديّ ؟
الوكاد آبقلـب إحساسـي عليـك
ينقلب شوقي .. و ترجع في يديّ !
،
بقلمـ / الدهور
رد مع اقتباس
المفضلات