حياك الله دكتورنا
ربما!
لا أدري!
يعني نسوي عليه دراسة؟
المشكلة انه يبدو كتاب مفتوح بس يمكن ياما تحت السواهي دواهي!
إمام المسجد الي يصلي فيه والله فكرة!
وهي الأهم عندي
المشكلة أن استمرار هذا الشعور ربما يدفع لأفعال غير محموده ..
غريبة!!
لا نستطيع!!
كنت أظن أن أجد عندك وعند الأخوة هنا بعض الطرق للتحكم بالمشاعر لأنها هي الأساس ..
هنا مربط الفرس!
لم أستطع تمييز مشاعري هنا!
ثنينهن!
شكراً لك دكتورنا ولا نستغني عن توجيهاتك
تحياتي
أكيد بتصيرين ضحية العيد عقب هالراي
فزعتك الأولى منا حليلة وش غيرك؟
بالنسبة للوالد فكلامي كما ذهبتي له بردك الأول بعيد عن الوالدين ولكنه مَثل لمقام الشخص فقط..
والإنسان لا شك حر بأمواله ولكن الأقارب حتى ولو كانوا عقارب "كما يقول كل من بسط الله له بنعمة فابتعد بها عنهم" فلهم حق القربه وحق صدق الولاء والمحبة فالبعيد ربما يتخذ سياسة (يالأخو قلبك رخو قضينا بك لوازمنا) بينما القريب ودهُ أصدق وبالملمات ألصق..
تحياتي
فكر أكثر في السؤال اللي ما لقيت له جواب ليمن تلاقي له جواب تقتنع أنت به
وبالنسبة للمشاعر أخي الكريم مثل ما قلت احنا ما نملك التحكم فيها بس نملك التحكم في ما يصدر مننا من أفعال أو ردود أفعال نتيجة هذه المشاعر اللي بداخلنا.
ومن الطرق المفيدة في ضبط هذه الأفعال أن نتعلم التروي (نبرد) ومن ثم نسأل حالنا:
وش اللي أغضبني في السالفة؟
الشي اللي سواه
الشي اللي قاله
إن تصرفاته خالفت الصورة اللي في بالي عنه
إن تصرفاته خالفت الصورة اللي أنا أتمنى يبقى فيها على طول
إن تصرفاته بتخسرني (وقت / فلوس / مجهود / أو أي شي ثاني)
..... الخ
كنت ناوية أفزع معك بس بما إن رايي صار مفضول وأنت الأفضل ,, فالأفضل لي إني أفزع لقريبك وولد عمك ,, خربانه خربانه على قولتهم
وخل السفن ينفعك
وينك ياجونجر تشوف ربعنا
الناس يقولون بيحبني مايحبنيش![]()
وحنا يالله أذبح ما أذبح .. جريمة لا مهي جريمة
ياويح تسبدي
خخخخخخخخخخخخخخخخخخخخخخخخخ
معليش ضحكه خارجة عن النص بس غصب علي طلعت
عموما أنا ميولي للذبح <<<< سفاحة
وما لوه إدبح ياعم إدبح ,,
إئطع عرء وسيّح دم
<<<<<<<<<<<< ريا وسكينة
إلا وش معنى غاوي ,, معليش ثقافتي جونجرية
نجي للجد ,,
وبما إني نويت أفزع مع قريبك وولد عمك بناء على إن رأيي مفضول<<<<< تبي تحسسك بالذنب
فأنا راح أحط نفسي مكان قريبك وأشوف هل ممكن أتصرف هالتصرف اللي تقول عنه وهل تصرفي هذا فيه ظلم لأقاربي المقربين ,, مع إنك أنت بنفسك أكدت على سالفة إنه ماسوى جريمة ولا ظلمكم ,, ,,
وما دام إنه ماتعدى على حقوقكم ولا تطاول عليكم ,, كل اللي سواه إنه تصرف بحرّ ماله زي مايحب ويمكن يكون صرفه على الأباعد بس برضو حر وما يلحقه ملامة ولا عيب ,, لأن له أسبابه اللي نجهلها ,, وحتى لو ماكان له أسباب ,, مادام إنه ما غلط عليكم فليه تلومونه وتزعلون عليه ,,
الحين أنتم اللي ظلمتوه
وعلى قولة الشاعر :
وظلم ذوي القربى أشد مضاضة **** على المرء من وقع الحسام المهند
يعني المسكين كافيكم خيره شره وهو ماسلم من اتهاماتكم وظنونكم
هذي نقطة ,,
النقطة الثانية ,,
خلونا نشوف ونلتمس له أعذار على تصرفه اللي تشوفون إنه جانب الصواب
أنا لو كنت مكانك يا أبو رغد ماراح أرضى إنه يعاملني مثل معاملته للأباعد ويساويني بهم ,,
إذا ماكنت مثل أهله وأحبابه ونفسه بعدفما يعني لي شيء ولا راح أعتب عليه !!
ولو كنت مكانه بعد ما أرضى لنفسي إني أعامل أقاربي المقربين بمثل معاملتي للبعيدين لأن قدرهم ماتعدله الفلوس والعطايا ,, قدرهم في القلب <<<< والملاّس بعد
وأحس لو أعطيتهم كأني أجرحهم وأهينهم ,, لأن عطاياي لهم ماراح توازي معزتهم ولو كنت مكانهم راح أنجرح وأزعل !!
يمكن قريبك يمون عليك ويعتبرك بمكانته وهو وإياك واحد ,,
وعشان تكون الصورة واضحة ,, خلني أضرب لك مثل بأفضل البشر <<<< على طاري المفضول والأفضل<<< حاقدة عليك
الرسول صلى الله عليه وسلم ,,كان أقرب الناس له فاطمة رضي الله عنها ,,
ومع ذلك فاطمة بنته أغلى بناته وأحب الناس لقلبه ,, لما جت تطلب منه خادم ,, أعطاها كلمات معنوية رأى أنها خير لها من خادم ,, مع إنها في نظر البعيدين القاصر واللي تهمهم المادة ,, إن الخادم أفضل ,, خصوصا إنه عليه الصلاة والسلام مانصح غيرها من الأباعد بهالنصيحة وكان اللي يجي يطلب منه يعطيه بكل كرم وأريحية ,,
فحاشاه عليه الصلاة والسلام أن يكون قصده الصيت والذكر الحسن أو إنه يبحث عن شيء ناقصه في الأقارب !!
لكن هو يرى ورأيه عليه الصلاة والسلام هو الحق إن وصيته هذي أفضل لها من خادم ,,
أهل بيته أقرب الناس له وأحبهم ومع ذلك كانوا أقل حظوة ونصيب في الأمور الدنيوية من غيرهم عنده عليه الصلاة والسلام ,,
الهدف من هالمثال ,, إن غلا ومحبة الأقارب لايمكن ترجمتها بالمادة والأشياء الظاهرة ,,
لكن المشكلة لما يسيئون الظن ويفهمونها عكس المراد ,, ويصرون على أن ينزلوا إلى مستوى المساواة بالأباعد ,, ولو عرفوا الفرق بين المنزلتين كان عضوا أصابع الندم
يعني إذا كنت يابو رغد محتاج لاقدر الله ,, فما أظنك ترضى أن يقضي حاجتك أقرب الناس لك <<<< هذي وجهة نظري الخاصة
لأنها معروف والمعروف يصنع حواجز بين المقربين ,,
بينما لو كان من بعيد فراح أعتبره بمثابة الدين متى ماسددته طاح عن ظهري حمله ,,
بالنسبة لأسئلتك
ما أعتقد إنها من باب الأنانية ولا الحسد ,, بس مجرد تنفيس يدل على حرصك على قريبك ومعزته عندك
<<<<<<< وش رايك فيني أنفع مصلحة اجتماعية
على فكرة ,,
كلامي فوق وجهة نظر خاصة جدا جدا جدا ,, يعني ما ألزمك فيها ولك حرية قبولها أو رفضها ,,
بس حبيت أشرح لك رؤيتي الفضلىوالناس يختلفون وللناس فيما يعشقون مذاهب
لذلك ,,
قل لقريبك إني دافعت عنه وما قصرت كوده يوصلني من هالشيكات شيكين أو ثلاثة![]()
هلا أخوي عبدالله
بالنسبة للسؤال اللي ما لقيت له جواب محدد لا زال على ما هو عليه لأن المشاعر صعب فرزها بشكل دقيق من وجهة نظري خاصة وهي متقلبه تبع لمزاج الشخص واستحضاره لمثل معينه أو تداخلها مع تصورات ثانية وكل ذلك يصعي مسئلة التحديد التي طلبت مني الذهاب لها ..
أما التبريد من خلال طرح الأسئلة والبحث عن أجوبة فهو علاج ناجع وقد استفدت منه ولو أنه لا يعالج المسألة بل يبقيني فقط في حالة ما دون الخط الأحمر
أشكر لك تجاوبك وتفاعلك وأطمع بمزيد من التقنيات أو التجارب التي ترى أنها تساعد على عودة مؤشري الضغط والحرارة لمعدلهما الطبيعي
تحياتي
الذين يشاهدون الموضوع الآن: 2 (0 من الأعضاء و 2 زائر)
المفضلات