ياسعود تكفى لايفكون الاطناب.......

[نديم المجره]

هذه القصيده موجهه للاستاذ / سعود بن عبدالرحمن الكردي قائد رحلتنا في اجازة الربيع1431هـ الى فياض شعيب الخشيبيه (50ك شرق لينه) ورغم التوسلات الا انه رفض تمديد الرحلـه.
آمـل ان تنـال استحسانكـم :

ياسـعـود تكـفى لايفـكـون الاطــنـــاب
ياسعـود تكـفى قـلهـم بـس لـيـلـــــــــه

نـفـسي تـشـلع كـل ماشـلع مـنـسـاب
طـواري الـفـرقا عـلـيـنا ثـقـيـلـــــــــه

يـومٍ طـويـتـوا فـرشـكــم خـافـقي ذاب
كـن الضماير وسط حـر الـمـلـيـلـــــه

ياسعـود شفي من هـوى البر ماطـاب
خلوا حـبـيـس الـدار يبرد غـلـيـلـــــه

يكفـيه من طـول السنه صكت الـبـاب
ويكـفـيه من طـول السنين الـمـحـيـلـه

خـلوه يسـلى عـن هـمـومه والاتـعـاب
ويـسـج رجـلـه بالـفـيـاض الظـلـيـلــه

والصبح يشرف له على راس مرقاب
ويـشـم ريح الشيح وسـط الـخـمـيـلــه

خـمـيـلةٍ خـضـرا تـقـل مابهــا تـراب
فيها الزبـيـدي مثل روس الـنـثـيــلـــه

وريح البختري والنفل وسط الاعـشاب
يــشــفـي قـلـوبٍ بالـحــنـايـا عـلـيـلـه

وباللـيـل حـول الـنار تلـتم الاصحـاب
وتـبـدا الـسـوالف والـعـلوم الجـمـيـلـه

وكـن الكـواكـب فوقـنا والقـمـر غــاب
جـمـرٍ تـنـثـر في مـهـب الـمــسـيـلـه

بالبـر نـسـلى عن هـوى تلع الارقـاب
اللي عـلى شـوفـه نـسـوق الـجـليلـه

ونسلى عن هـمـوم المدينه والانـشاب
ونرتاح من بعـض النـفـوس الرزيلـه

يالله طـلـبـتـك يالــولي رب الاربــاب
تـديـم انـعــامٍ عـلـيـنـا جـــزيـــلـــــــه

وتغفر ذنـوب اللي من الذنب قـد تـاب
يارب وفــقــنـا لــدرب الــفــضــيــلـه

والخاتمه صلوا عـلى سيد الاحـبــاب
رسول رب البيت راعـي الـوسـيـلــه

احمد بن عبدالرحمن العريفي
(نديم المجره)

[فارس الصحراء]

:

نديم المجره الله الله عليك ..

:


غصب عني اندمج معك .. دون احسآس .. ودون شعور ..

اقرا وارسم صوره ..

أنت فنآن تشكيلي ..

:

لا عدمتك ..

:

[هايس الشمري]

نديم المجره..



مبدع.. و شاعر حقيقي..




صح لساانك بلا عدد..




اخووك

[بعد ملي]

صح لسااااااانك اخي الكريم

وسلمت بناااااانك

ابيات قمه في الروووووعه

اشكرك

[الحنشل]

وباللـيـل حـول الـنار تلـتم الاصحـاب
وتـبـدا الـسـوالف والـعـلوم الجـمـيـلـه

نديم المجره


صح لسانك يا الغالي .. وهذي ثمرة البر


ذكرتن بمخيم النعيرية

[هلآ الآسلميهـ]

اللهم آمين .. اللهم آمين ..



\\


اللهم صلِ وسلم على الحبيب ..



لاهنت أخوي ..


صح السانك وطاب فالك ..

[الكاتم]

صح لسانك

[الحاصود]

صـح لسـانـك ..


مبـدع


نكتـة غيـر

[بتول آل علي]

صح لسانك أخي أحمد العريفي


رغم اني ماني راعية بر لكنك شوقتنا له !

جميلة هذه الحياة الفطريّة من غير دخان المدن !

،

ياسعـود شفي من هـوى البر ماطـاب
خلوا حـبـيـس الـدار يبرد غـلـيـلـــــه

يكفـيه من طـول السنه صكت الـبـاب
ويكـفـيه من طـول السنين الـمـحـيـلـه

خـلوه يسـلى عـن هـمـومه والاتـعـاب
ويـسـج رجـلـه بالـفـيـاض الظـلـيـلــه

،


الله عليك

والف صح لسااانك

والله يديم عليك راحة البال




أختك

الدهور

[نديم المجره]

اخواني واخواتي الاعزاء
شرفني مروركم الله يشرف مقداركم
واسعدني ثنائكم الله يسعدكم بالدنيا والاخره
دامت لكم المسرات
تحياتي للجميع