سفرة دآيمه ... << طبخاتي..
السلام عليكم ورحمة الله وبركآته ..
مسيتوا \ صبحتوا .. بالرضا والسرور ..
قبل فتره كان عندنا عشاء ... يعني عشاء عادي ..
وصلحت بعض الطبخات والحمد لله كانت لذيذه كلها ..
بمساعدة اختي التختوره ..
مشكلتي اني اتعاجز اكتب وارفع الصور .. بس الطبخ عادي احبوه ..
وهذي الصوره ..
وابشرح طريقة عمل كل طبق ان شاء الله بالتفصيل ..
السفره كانت تحتوي على ...
1- ساندوتشات تورتيلا الدجاج .. بر وَ أبيض..
2- مشوي دجاج .. افخاذ وَ صدور ..
3- متبل بطاطس وَ متبل باذنجان وَ حمص ..
4- سلطه روسيه ..
5- فتة خضار ..
6- قوارب كوسا بالباشميل << ادمآآن ..
7- رز ابيض ..
8- ماكرونه فوتشيني ..
9- ساندوتشات التونآ بالصامولي ..
\\
نبدآ بمقادير كل صنف مع الطريقه ..
\\
1- تورتيلآ الدجاج ..
هذي الصوره .. ويظهر فيها التورتيلا بالنص .. وعلى الجوانب المشوي والرز ..
المقادير : ..
1-خبز تورتيلا جاهز بر وَ ابيض ..
2- صدور دجاج منزوعة الجلد والعظم .. ( تغسل .. وتوضع بـ طحين+ ليمون .. عشان تروح الريحه .. بعدين نغسلها ونسلقها بماء وملح وبهار ) ..
3- بصل+ ثوم مهروس + فليفله (فلفل رومي) + بقدونس+ طماطم .. ( نقطع كل هذه الخضروات على شكل حرف C شرائح رفيعه جداَ..)
4- زيت زيتون + ملح + بهار + صلصة الباربكيو ( أهم شي ) ..
5- جبن سائل ..
الطريقة :..
نكشن مقادير (3) + (4) .. على نار هادئه في مقلاة كبيره .. ثم نضيف عليها الدجاج بعد ان نقوم بتنتيفه باستخدام الشوكه والسكين .. ثم نضيف عليه الجبن السائل ونخلطهم جميعاً..
ثم نقوم بحشي خبز الترتيلا .. وبالهناء والعافيه ..
* تعليق .. هذه لحالها وجبه .. مفيده وطعمها لذيذ واذا كان الخبز بر والزيت زيت زيتون تنفع للرجيم ..
\\
2- مشوي الدجاج ..
المقادير:..
1- صدور و أفخاذ دجاج .. تنظف وتنقّع بـ ( طحين + ليمون ) .. ثم تغسل وترفع على جنب ..
2- فليفله + بصل + راس ثوم << اهم شي ..+ زبادي + طحينه سائله + ملح + بهار + كاتشب + صلصة الباربكيو ..
الطريقة :..
نخلط مقادير (2) بالخلاط الكأس والكميه على حسب كمية الدجاج ..ثم نضيفه على الدجاج بعد ان يتبل .. ثم نشويه على الفحم او على الشوّاية الكهربائيه ..
* ملآحظه ..: ياحبذا وضع الدجاج وهو متبل بالثلاجه وتتبيله قبله بيومين ويطلع طعمه جناااااااان ..
وبالهنا والعافيه ..
\\
3- متبل البطاطس .. متبل الباذنجان .. الحمص..
*متبل البطاطس ..
المقادير..:
1- بطاطس مقطع مكعبات صغيره .. يُقلى بزيت حتى يشقّر ..
2- طحينة سائله + زبادي + ثوم ( الكثير من الثوم حتآ يصبح مثل متبل الثوم اللذي في المطاعم ..) + ليمون + ملح + لبنة
الطريقة :
نحضر خلّاط الكأس ونضع فيه المقادير السائله ثم المقادير الجامده ونخلطه ..
* ملآحظه .. متبل البطاطس يجمد بسرعه يعني ياحبذا لو يكون شبه سائل بعد الخلط ..
-------
متبل الباذنجان ..
المقادير:
1- باذنجان مغسول ومشوي على الفرن ..
2- طحينة سائله + لبنه + ملح + ليمون + ثوم ..
الطريقة :
نخلط جميع المقادير بعد ان نقوم بتقشير الباذنجان بخلآط الكأس ..
ويقدم ..
------
الحمص..
المقادير:
1- حمص حب معلب .. أحب استخدمه افضل من الحمص المعلب المعد مسبقاً..
2- لبنه+ طحينة سائله + ملح + ليمون + ثوم ..
نفس مطريقة المتبل ..
* ملاحظه : نتخلص من ماء الحمص ونغسله قبل الاستخدام ..
\\
5- فتة الخضار ..
المقادير :..
1- بطاطس + باذنجان + كوسا + زهره ( قرنبيط ) .. تقطع على شكل مربعات صغيره وتُقلى بزيت حتآ تشقر ..
2- خبز مقطع مربعات ومقلي ..
3- ملح + طحينة سائله + زبادي
4- ذرة حب معلبه .. حمص حب معلب..
الطريقة : ..
نخلط مقادير (3) جيداً حتى تتجانس .. ونضيفها الى باقي المقادير ونضعها في زبدية التقديم
* ملاحظه .. أكلها وهي حارة افضل .
\\
6- قوارب الكوسا بالباشميل ..>> عشقي يمممممممي ..
المقادير :
1- كوسآ ..<< يبي له شغل.. نجيب الكوسا بعد مانغسلها نقطعها بالنص .. وبالملعقه نحفرها بالنص شوي عشان تصير مجوفه ... لآننا بنحشيها بعدين ..( نصف القوارب بصينيه مثل بالصوره .. ونحط فيها ماء + ماجي وندخلها بالفرن لين ماتستوي الكوسآ )
2- لحمة مفرومه + بصل ( مقطع مكعبات ) + ثوم مهروس + صلصة طماطم + ملح + بهار ..
3- باشميل .. على حسب اللي تبين تصلحينها .. بس طريقتي هي ..
4 ملاعق زبده
4 ملاعق دقيق
2/1 3 كوب حليب سائل
مكعب ماجي
فلفل
بيضه
جبنة الموزريلا
ثم نقوم بعمل البشاميل وذلك بوضع الزبدة على النار ومن ثم الدقيق مع التحريك المستمر ثم يضاف الحليب والبيضة والماجي والفلفل ويترك على النار حتى يثخن قوامه
4- جبن موزوريلا ..
الطريقة : ..
مقادير(2) .. نقوم بتكشينها في مقلاة بزيت زيتون .. وبعد ان تنضج الكوسا نصفها في صينيه بايركس او اي صينية تدخل الفرن .. ونضع على كل قارب من حشوة (2) .. ثم نسكب عليه الباشميل .. ونزينه بالموزوريلا ..
ويدخل الفرن من الاعلى حتى يشقر قليلاً .. ويقدم بالهنا والشفا ..
* ملآحظه .. لذيذ .. لذيذ .. لذيذ ..\\
8- ماكرونه فوتشيني ..
المقادير :..
1- ماكرونه خواتم او قواقع .. مسلوقة بماء وماجي .. ( ياحبذا بعد الاستواء اننا مانصفيها من الماء عشان ماتنشف ..
2- صدور دجاج منزوعة الجلد والعظم مقطعة مكعبات ..ومنظفة جيداً بطحين وليمون ..
3- بصل شرائح + فليفله شرائح + بقدونس مفروم + فطر ( مشروم) ..
4- مايونيز + ملح + بهار + جبن موزوريلآ + زعتر بري ( أهم شي )..
الطريقة:..
نكشن مقادير(3 ) على النار ثم نضيف على مكعبات الدجاج ونقلبها حتى تنضج ..
وفي زبديه عميقه نصفي المكرونه ونخلطها مع مقادير الكشنه والدجاج ونضيف عليها مقادير (4) .. وتقدم ..\\
9- ساندوتشات التونا بالصامولي ..
المقادير :..
1- صامولي ..
2- تونآ + بصل + ثوم + بقدونس + مايونيز + ملح + بهار ..
3- زعتر بري + جبن موزوريلا ..
الطريقة :..
نخلط مقادير (2) بالعجّانة مولينكس .. ثم نقوم بحشي الصامولي ونقطع كل حبة سامولي الى 3 اقسام .. او على حسب الرغبه .. تصف في صينية بجوار بعض وتزين بالزعتر البري وجبن الموزيريلا تدخل الفرن لتحمّر من الاعلى ..
تقدم وهي ساخنه ..
\\
أفييييييييييييه تعبت ..
وبالهنا والعافيه..
على فكرة الطبخ لعبه وهوايه وفن ..
يعني اي شخص ممكن يخبص وتطلع طبخه حلوه ..
واغلب الطبخات اللي ازينها اخبص وتطلع شي حلو مايحتاج كتاب
واللي مو فاهم شي اشرح له ..
وتسلم ديات هلآ
رد مع اقتباس
المشاركة الأصلية كتبت بواسطة بعد ملي
المفضلات