بالخير عليكم جميع .. و مساكم عسل مغشوش
اليوم جايب لكم قصيدة تهول العقل من زينه << حاطه اصبعه على خده
وهي إهداء لمشرفة المنقول .. و لزوار المنقول عموم
وذلك بمناسبة حصولي على وسام فلاوي نشيط << عاينوه على يمين الشاشه و إنتم نازلين تقرون القصيده
و مثل ما إتفقنا .. اذا ما اعجبتكم القصيدة ما يحتاج تعذربونه و تفشلوني قدام الناس
حطوا رقم 2 و أنا أفهم إن القصيدة ناكسه للمرح
مشكور يا قلبي على الجور مشكور // انت الوحيد الي تعرف الخفايا
و تقولي معـذور.. بقول معـذور // بيحت سـدك .. للضـلوع الحنايــا
خليتني وحدي .. و انا صرت محشور // مثل المريض الي تلوا لوايا
من فعلتك .. يا قلبي الدمع منثـور // شفها علـى خدي و سوت سوايـا
شفني و انا ميت من الحزن .. منحور // من سبتك جتني سهوم المنايا
يا حزن لو روحت مع فجت النور // بلعب من الفرحه واسوق الهدايا
لنك مـع الايـام .. تحفـر لـي قبـور // قطعتنـي .. و قطيتنـي بالـزوايـا
ليتك مع الايام .. منهي و ما مور // عشان اسوقك .. مثل سوق المطايا
يا حزن لو تدري من اليوم مكسور // الكسر في ساقي و فيدي عصايا
والـي سواتي قلتله خـير .. ماجـور // اصبر على حظك .. لونها بدايـا
تبي صراحه .. كلها ايام و شهور // و اشوفك تسولف و تعطي عطايا
و ان فارقك حزنك ترا الوقت مخبور // اصبر على اللوعه لو انها كوايا
بس انت لا تزعل من الفقر و الجور // اشكر مليك الناس رب البرايا
و يالله لا جينـا للحسـاب طابـور // جينـا بليـا لبس .. و حنـا عـرايــا
تغفر لنا ذنب .. على الناس مكبور // سبحانك انته .. يا جزيل العطايا
رد مع اقتباس
المشاركة الأصلية كتبت بواسطة الحنشل
المفضلات