بالخير عليكم >>شنقل كيف الحال
يالربع افزعوا لي صار لي شي غريب
ماني مصدقه
تقل حلم
تستدير بي الدنيا من هول المفاجعه
ابدأ لكم من البداية
يوم حنا وغدان انا كنت مثل زول هذا -> تأشر على سلندر الغاز
كنا نروح لعمامي بحايل وكان بحارتهم عجوز ساكنه ببيت شعبي تبيع عسكريمات وعلوك للوغدان وكنا نشري منه عسكريم فيمتو مثلج بباغات
والعالم الله انه تحط به بلا هالوغادين مهم وحيلهم بس سردادي مردادي له
عاد هي محشومه من الكل لامشت بالشارع بددسنة ام هنقلين تشوف الشارع ياقف على رجل وكل يدق له تحيه
اذكر ذاك اليوم ضاقت الدنيا بولد عمي ماهنا واسطة مامشوها له يبونة يتوظف مار حظه عاثر اخر شي فزعنا ام هدس ومن باكر وهو مباشر شغله
له علاقات اجتماعية على نطاق واسع جداً
مثلا تعرف كل المسؤلين بالاداراة الحكومية وتعرف كل مكينيكيين الصناعية وتعرف كل اصحاب مكاتب الاستقدام يعني له واسطة بكل جحر حتى انهم
يقولون ان تمون على الديبان والعقارب
والاهم من كذا واللي مسبب كل هالشهره لام الهدس والسر في هالشعبية هو مبسطه بسوق برزان
مبسط متواضع متر بمتر به من كل ابو لون وكل ابو شكل
غداف
بيدزه
بقل
حبحر
خلطات
اجهزة
ذهب
مشطه
عقارات
لعابيب وغدان
سفايف
ادوية
فسفس
وهي من تشوفه تحس بالمهابه عجايز تقل زول مصارع اول ماتشوفه يطري عليك الاندرتيكر عليه له زنود تقل بعاير
ويدايواته تقل كماشات وتلبس له عبايات تقل مشمع شهبا مقصبه عالجته له عنز مع طرفه وماتعدا تحط له غصون ريحان بعصابته
وماتغشى تلطم تلطم وعيونه تقل عيون قبون ليا شفته تهول تقول وشلون تشوف هالادميه وسع وجاهه وكبر صوابره وعويناته صغار تقل شخطه قلم
وبشقه الايسر مسطى ليور يقولون انه متخانقتن مع هتلر بالحرب العالميه وابراي لله
وماتعدى تعلج من هالقات عنده حزم حزم صار شقه تقل طالوع
وتروه تبيع بيدزه محشية هالبيدزة مشبوهه من حدر الطاوله بيز الحشـ... بهكاالحسبه
عاد البيدزه انواع واشكال وكلن وسعره فيه بيدز ملكي وفيه البيدز الذهبي والفضي والالماسي والبرونزي والنحاس والخب هههه
يعني كلن وميزانيته
ويقولون ان امه وخواته يشرن منه بالسوق قدام الناس عشان يشوفونهن الناس ويجون يشرون منه
وعنده خدمة توصيل الطلبات والبركة بوغدانه عاد وغدان محد يشك بهم
هالحكي قبل ايلول الاسود بحول السنه
المهم كبرنا وراحت الدنيا وجت
وانا اغدي جذعه وادخل الانترنت واشارك بالمضايف وهو يبزغ نجمي ويصير لي معجبين ومعجبات وبس ينقلون تجرافاتهم اوقع لهم وانا بس اشخط ماتعوق معي
وغديت هولتن شهرتي وتعرفون المشاهير يحبون يتعرفون على بعض ومن هالمنطلق
جتن رسالة خاصه بهاكاليوم مكتوب اضيفيني الايميل ام هدس آت هوت ميل دوت كم
الاسم مهو غريب علي بس قلت عادي هم الناس دايم يحبون يتقمصون شخصيات المشاهير حتى بالمارية يقولون ان فيه بمنتدى برازيلي به وحده اسمه شرهه الساوباوليه
الوكاد وانا اضيفه ونتعلل واخذ رقمه واكلمه الا الصوت مهو غريب وتلغا عاد انا مشيت الموضوع بما اننا كلنا اخوه عرب
وهي تبلشن تقول نبي نتشاوف قلت لا ياخيتي وش نتشاوف متشفقتن هالحلايا خليه مستوره اللي يستر عليك قالت الله يطعني عنش ابا اشوفش
قلت افاا ابد خلاص انتي حددي المكان والزمان وانا اجيك وهي تواعدن ببرزان قلت اوكي
وانا برزان وادق عليه قلت انتي وينك قالت امشي بوجهك الى ماتجيك بسطه قلت انا ايه اعرفه بسطة ام الهدس قالت اييييييييييييييييييييييييييوه وصلتي خير
وانا اروح واقف قدام البسطه واتلفت تقل سروق ومعي قطعة كرتون مكتوب عليه شرهه يوم فطنت الا البلاياة يوم عنطت بي وانا اعضه
وهي تقوم له جعير وانا اقول فكي وافك وحنا نغدي لنا عفسي ويفرقوننا الناس قلت هذي تبي تخطفن قالت لاااا انا شموخ خويتك اللي بالمضايف
وهو ينشف حلقي من الخرعه حسيت ان بلعومي ماصورة محليه وانا اخذ اتجاه الشمال وانا اطلق ساقيني للريح واصيح طول حسي رفحا يارفحا وماردن الا خط التابلاين الله حق شفته بس عجزت لا اوقف جايه بسرعه هائله تسبق سرعة الصوت وانا انشقل به وهالحين يديني مشالخ وركبي متزلطاي كله من هالسالفه
مايستفاد من القصه
1- كل شي بهالدنيا جايز
2- اتبرأ من شموخ وكل ماله علاقه مباشره او غير مباشره بها
3- اذا شموخ استمرت بالمضايف فـ يوزري سيقام عليه مزاد علني في تاريخ يحدد لاحقاً
وشكرا
رد مع اقتباس
المشاركة الأصلية كتبت بواسطة عبدالله الجعيثن
المفضلات