بالخير عليكم
يوسف ياعلك تعرس
الحنشل كنسل العرس
شي اسمه عرس ماداني احضره
مالي بهالامور ولاعرف بهالبروتوكولات
قدر الله علي وحضرت قبل اسبوع بالعاصمه السعوديه الرياض
ويوم اقبلت على القصر بلشت بالموقف ويالله احصل موقف باخر الشارع
واجي مشي ومعي خويي
مكانتي الاجتماعيه ماتسمح لي اجي مشي للقصر
المفروض اصفط على باب القصر
المهم عند باب القصر حصلت الجحلط يدخنون
يعني يقالهم خايفين على مشاعر الشيبان
ياخي اقبسه قدامهم ابيقطعون راسك
وشفت ثنين قاعدين بين السيارات
واتصلت على المكافحه وبلغت عليهم
لاني اعرف هالحركات
واستقبلوني بعبارات ترحيب مافهمتها
هذا مايسمى بالهياط << ياعمي روقونا
ولكم باك <<< يازينها مررره كيوووت
وسيدي للمعرس واصرف لوه بوستين وكان مرتبك
في لحظة البوس اكتشفت سر خطير
وسوف اعلنه حصريا لفلة الحجاج
ان ارتباك المعرس مو عشان البنت وانما عشان البشت
ياخي المفروض بدله مع القرفطه
وخلصنا بشت وزحمه والمعرس بلشان
مايدري يطلع يده اليمين والا اليسار
لان البشت له لبسه معينه
المهم جلست مع خويي وجابوا لنا قهوه وشاي<< لسني احبها مررررره
قلت لخويي ماعنهم عصير
قال اسكت لاتفضحنا
وطول جلستنا وحنا ناقف ونجلس
تعبت صراحه
سلام من بعيد وريحوناااااااا
وفيه شي ازعجني
الشيبان يركضون ورى الكاميرا يبونه يصورهم
من زين وجيهكم
ولازقين جنب المعرس على شان الكاميرا
انا صديقه ماقدرت اجلس جنبه
وهــ بس
وفجاءه
ينقز حدى الشيبان : اقلطوا على عشاكم يالله حيهم
بصراحه خفت منه اشررر شي لاجاك شايب وحاطن خطوط حمر على عيونه
مدري شسمه سعوط مدري لعوط
باقي يركب نابين ويصير دراكولا
سلامات وش يحس فيه
وتعشينا من الغنمه (الخروفه) او مره اكل خروفه
ارتبكت يوم شفتهم قاتلينها وحاطينها على الصحن مانمت اكا اليله
انواع الكوابيس
متعود مااكل الا ديك رومي ومرتديلا ونقانق
وقمت للشايب وقلت شكرن على الخروفه
وانتهت وجبة العشاء
وذهبنا للصاله
صراحه قاموا يصيحون بصوت عالي
وكلام ماعرفته ومعهم سيوف وطبول
قلت لخويي ايش الهرجه متى يرقصون سامبا
خويي تغير وجهه قال مشينا منت فيد لهالسوالف
ورحت لبيت ونزلت الجنز والبوكســـ.... وغسلت وجهي عن الميك اب
ونمت
المطلوب
استبدال البشت بالبدله والقرفطه
استبدال الخروفات بالديك الرومي والمرتديلا والوجبات السريعه <<< بوفيه مفتوح وخلصنا
استبدال العرضه والسامري بالسامبا والتانقو والهيب هوب
بس
رد مع اقتباس
المشاركة الأصلية كتبت بواسطة شنقل
المفضلات