خثاريدز على طلوق الريدز
ماستفعل عندما تتعوكس معك
؟
خربت معي امس
وأنا ادخل المضايف الا الجو ماقس
وادخل منتداي الثاني الا امقس وامقس
وأنا اطفي الكمبيوتر واتمشى بالبيت
تخبرون اتفقد احوال الرعيه
الا عمتي الصنوت جالستن عند التلفزون و تمزمز على الغليون يا ربي والله ان غليص تقل توأمه فيهم شبه عجيب
المهم
وأنا اجي و اتكي جنبه
واخذ الريموت ابي غديني اسفهل شوين
وأحطه على فواصل
الا الهديفه نهى نبيل تقصد
هذاك المار قدامي وله نظرات قتاله
وله سكسوكتن حلوه بأقصى الوجه مرتسمه
استغفرالله وش هالمعوق اللي سكسوكته بأقصى وجهه هههههههههههههه
الحين يقال له تغزل بنت الحلال
الشرهة مهو عليه الشرهةعلى
هاللي يطبلون له
هههههههه
و هي تندغن عمتي بالعصا
وقالت وشي هالهديفه غيريه لأفرم وجهتس وأنا ابلع العافيه و اغيره
وأحطه على البي بي سي
الا قبسه
بين العلمانيه والمتشددين
وانا انغث
الى متى بالله والعالم هلون ...
و اغيره
وأحطه ع الام بي سي
الا بوه مسلسلن ناكسن للمرح
وأحطه على غنوه وتخانقن عمتي>> صددز انه تتتن بس الحق يقال مدينه
واحطه ع الام بي سي تو الا
الفيلم اللي عليه شايفته يوم أنا
بالزمال
..
وأنا اقط الريموت على عمتي
و اخذ جوالي اطقطق به ادور لي احدن مبطي علمي بوه >>انقطع علي الوصل امس
ودقيت على شموخ شماليه واشغلته بوجهي وهي ترسل هكا الرساله
تقول اندزلعي لاتدقين مشغوله انا ادق عليتس العصر
انا بنت ابوي هين يالماقسه والله ما اسير عليتس نوبتن اخرى .. >>مريت عليه بحايل هكا اليوم ههههههه و قلت ابنزل موضوع عن لقاءنا قالت لا انا اللي ابنزله .. باتسر والا عقبوه
متى ما فضيت وفات ثلاث اسابيع على هالسالفه تحروه عاد هههههههههه
اوف اوف طلعت من الموضوع
حدوني يالربع .. لا اطلع
يوم فطنت الا الهدوء يعم المكان وانا اتهول وارفع راسي
اخبر مشوين اصوات الوغادين
وازعاجهم واصلن الشارع
واراعي يمار العالم متبطحه
الا عمتي تقول
ايا بعد حيي يا هذا والله لو نحج له ما نلحق جزاه
وأنا اقمز ابراعي من تعني
الا تراعي لتوم و جيري
قلت منهو
قالت هالفار
هاللي ما يقضب وغيداننا الارض الا هو
ما اسقطت فرضه وتبي تحج لها الفار
هههههههههه
اويطي بس
وأنا اجلس اراعي معهم يما خلص
وأقوم من مكاني
وأروح
وانا افكر بسماجة التي في ... والاعلام
وبس
رد مع اقتباس
المفضلات