الزبرجد
إذا هالقلب ما ينبض معاليقه على الميعــــاد
أنا وشلون روحي في دروب المــجد أصعدها
مشيت ولا معاي إلا جروح بالـــدروب جـــــداد
ومعاي شيمة ترقى على ضلوعي تهودهــــا
صحيح الروح مكسوره ولا تقوى تشيل شداد
ولا فكرت أحط روحي على روح تسندهـــــــا
رقيت جروح وخليت الصبر فوق الجروح ضماد
أنا لا قلت أضمدها أنا أعرف كيف أضمدهـــــا
تثور الخيل من قلبي وأقول إن الهـقاوي أجياد
وأشوف القلب من دم الجدود يفور يلكدهــــا
يا إما موت من سيف الشعر يحيني إلى الميلاد
يا إما النفس في صمت الشعور تموت وأغمدها
أنا البارح ينادني النعاس ولا يجــيــــــــــني رقاد
سهرت أنوم القمرا على عيوني وأقعدهــــــــــا
من بلاد قلايــدها النجم في جيدها وقـــــــــــاد
وعرفت إن السما تلبس من بلادي قلايدهـــــــا
وضوى هذا السهر يمشي على هذا الجفن بركاد
يموجـنـي الغلا ويطيح من جفـ ــني على يدها
وأشوف الليل يترامى تحت عمري ويصير رماد
وأشوف الضو يغتال الظلام اللي يسودهـــــــا
هي الفضه من اللولو على هذا الفضـــــا تزداد
أم إن هذي الرمال اللي ولدتها من زبرجدهـــــا
وكاد إنها ضوت عمر القصيد ورحلة القصــــــــاد
وأجيب أقمار من دمي على فمي وتقصدهــــا
وأصب النبـض فـــي قلب البلاد وينبض الإنشاد
ويطيب القلب يتنفس شعوري من قصايدهــــا
يودينــي غلاها وجيت من أقصى الغـــــلا وراد
عليها وجيت آخذها علي ورحت أوردهــــــــــــا
أحبك يا عطر عمري وطلعت عمري بالأعيــــــــاد
أنا همت تكسر ضلوعي فـي عيدك جيت موقدها
وأقول العيد فيك بخير لأنك خير كــل بــــــــــــلاد
وأجيب أيام خير سنين عيـــدي وفيك أعايـــــدها
لأنك دنية الدنيا ومنك ترتـــــــــــــــــــوي الأوراد
لأنك أرض كل الأرض ولا غيرك يوردهـــــــــــــــا
وحتى الغيمه من تلمح ايدينك تحضن الرعــــــاد
تـبـي تنزل عليك من الوله تروي تنهدهـــــــــــا
ألا يا دار يا بنت الهقاوي وهقوة الأجـــــــــــــداد
ألا يا بنت من روحه فدا عيونك يبددهــــــــــــــا
عفيفه لا قعد وجه الفجر من خشية العبــــــــاد
يطيح الليل لا ارتفعت بذكر الله مساجدهـــــــــا
هي الرفعه من شــموخ السجود وجبهة السجاد
أبوها لو يسجدها لوجه الله سجدهــــــــــــــــــا
يرتبها الفجر فـي فوضة طيوره ويبكي بعـــــــــاد
ويتنهد على شـمس تجي من إصبع تشهدهــــا
وتفوح الشمس إذا قلب المدارس يحضن الأولاد
وبنت ترمي تلويحة وداع بعين والدهـــــــــــــا
صباح الشمس يا أرض العزاوي وعزوة الأسياد
صباح الأرض يا نور الصلاة بروح ساجدهــــــــا
يهيلها الكرم من صدر أهلها طيبين أجـــــــواد
يشبون الهلا للي يمر الطيب يوقدهـــــــــــــا
تشوف العز بعيون النشاما يلتفت هــــــــــــداد
شلع لا رفرفت كلمة كفو يطلع ويضهدهــــــــا
ألا يا دار يا بنت الهقاوي وهقوة الأجــــــــــــداد
ألا يا بنت من روحه فدا عيونك يبددهــــــــــــا
عزيزه حره ما ترضى تلامس يدها الأصفــــــاد
تحط الموت فـي روح الكفوف اللي تقيدهــــــا
عنيده لا ركبت راس الحرايق تلتهب بعنــــــــاد
تمر مثل الحرايق فـي هشيم الحر ترمدهـــــا
أصيله مضمرا بالمـجـد تقود المــجـد ما تنقاد
تمر مثل الوميض ولا قدرت عينـي تجودهـــا
مثل ما مرت وشبت عيوني بداخل الميعــــاد
أنا قلت أشعل ضلوعي من عيوني وأعايدها
للشاعرسالم سيار
رد مع اقتباس
المفضلات