ياجماعة الخير وردنا خبر عاجل مفاده أن أبو ناب إنهبل من صدق
ههههههههههههههه منهو هالي يقول مار من أول وهو مهبول لايكون خالي ريال الفسحه ، وأنت الصادز بس بناخيك ماهو على خبرك تضاعف هباله خمس مرات عقب ماحط تحويشة العمر فليسات التقاعد في سرواله وجت الشغالة وحطتهن بالغسالة وطلعن مريسة الله يقطع هالشغالة وليه تعمل هاتس؟
بعد هالحادثة صار أبو ناب يحتاج إلى من يراقبه ويهتم فيه لايضيع مرة أرسلته أم عارف للسوبرماركة يجيب لهم لبن ويوم وصل هناك نسي ويش يبون فقام و سأل البائع ويش عندكم هنا قال كل شيء عندنا قال إيه أدري بس ويش الشيء الذي كنت أشتريه دائماً للبيت قال كنت تشتري بريد وصمولي وجريدة والبان أكثر شيء فتدارك الأمر وقال عطني كلماذكرت.
ويوم حاسب الكاشير شال غريضاته على كتفه ورجع للبيت سيراً على الأقدام تاركاً سيارته أمام المحل لا وزود على ذلك يوم وصل إشارة المرور وهي حمراء وقف حتى بدلت خضراء يفكره بالسيارة ويوم وصل للبيت يمار فايحة ريحه تقل ريح قماري من التعب .
نام ويوم قمز يبي يجيب العيال من المدرسة لم يجد سيارته في محلها أمام البيت فقام بإبلاغ الشرطة بأن سيارته مفقودة أي مسروقة من أمام منزله قالو متى علمك بها فقال البارح موقفها قدام المنزل ولم إنتبه لها إلا الآن فسمعت أم عارف كلامه مع الشرطة على الهاتف فقالت له واغربالي ألي غربلن وهرافيل قلبي ويش بلاك تقول للشرطة آخر علمي بالسيارة البارح وأنت رايح عليها للبقالة عاد هي تسمي السوبرماكة البقالة ياوالله تقل تقعده من النوم تذكر إنه أوقفها أمام السوبرماركة وجا حفادي.
المهم زهم على الشرطة مرة أخرى وقال لهم السيارة لقيتها مع خويي أبو حسن وكفوا عن البحث عنها جزاكم الله خير وراح للسوبرماركة ولم يجد السيارة عنده وسألهم ماشفتو سيارة سوبر قدام السوبرمارلة قالوا له هي لك قال نعم فقالوا أبطت هنا وخفنا إنها مفخخة وكلمنا الشرطة وسحبوها وزهم على الشرطة مرة ثانية أو ثالثة وقال لهم ماشفتو سيارة سويربان كانت أمام السبر ماركة فقالو جابك الله تعال سيارتك حولناها لقسم المتفجرات لفحصها وتفتيشها كانت مشتبه فيها والآن تعال لنا نعطيك خطاب لإستلامها.
المهم يوم جاهم حققو معه وحطوه بأبو زعبل بعضكم مايعرف أبو زعبل ولايفرق بين أبو زعبل وأبو حسن لابينهم فرق بسيط أبو زعبل جماد وأبو حسن حيوان ناطق ابو زعبل الله يسلمكم هو دار ضيافة المشبوهين والمجرمين متر في مترين سجن مؤقت والمتهم بريء حتى تثبت إدانته أقصد متهم حتى تثبت براءته.
المستفاد من هذه الحكاية إنه لاتشرهون علي إذا أبطيت عنكم يا أيها الفلاويين والفلاويات الغيارى ياراء
والسلام عليكم ورحمة الله.
رد مع اقتباس
المشاركة الأصلية كتبت بواسطة عطرشمر
المفضلات