تقبلوها ... من مقل ...
ماهو صحيح اللي تقول وكل ما قلته خطا
........................... وأنا أدري إنك تنطر الزلة وتفرح في خطاي
أنا الذي مع شدة الحاجة أسابق بالعطا
........................... ولاهمني لو كان بعض الناس تجحدلي عطاي
فقير!! أدري بس شفني ماتعاسرت الخطى
............................ أمشي على درب الكرم لوإنها تعبت خطاي
أضيق!! أدري بس مؤمن .. دايم(ن) عقب البطا
............................ لابد ماياتي فرج ربي ويتركني عناي
حزين!! أدري بس أخيط من ابتساماتي غطا
............................ لاجل اكتم أحزاني بصدري وما يلاحظها عداي
وحيد!! أدري بس جالس أنتظر طير القطا
............................يعطيني جناحه وأطير لديرة فيها دواي
حتى أعالج وحدتي وأزيح هم(ن) قد سطا
............................في داخل أعماقي وعذبني وبيح في خفاي
محد(ن) درى في علتي والنار تحرق من وطا
...........................واللي ضحك ماهمني واللي حكى جعله فداي
ياالله ياللي ماتبي خلقك لدعوتك وسطا
............................طالبك تغفر زلتي وتشيل حزني من حشاي
وياللي تقول اللي تقوله كل ما قلته خطا
...........................أبي أتركك خلف ظهري ولا عاد أنا مطالع وراي
وسلامتكم ....
رد مع اقتباس
المشاركة الأصلية كتبت بواسطة ابو فارس
المفضلات