الصلآم علآكم
الله لايصبكم ولا يمسيكم الا بكل خآر
مــدخل ///
دقيت رقم البيت تررن تررن
ورد علـي هندي وقفل بوجهي
ومن وقتها ياخوك وأنا منعوي
ايوه
العيد الذي طاف وهو عيدن كويس بالنسبة لي
ورغم ماحصل من حذيربات مشاكل من غبل الحاغدين والاعداء عيدتو رغمن عن انوفهم
<- من الاسباب الرئيسية لفقدان اللغة العربية الفصحى جمآلها
اييييييييييييييييييه يالعيد بأي حال عدت ياعيد <- ياويطي
مابي اعلمكم بالتجهيزات ليلة العيد من تجهيز للغنادر وتجهيز الشرابات
وكوي الشماغ الجديد والاحتفاظ بكرتونه للهياط [ عشان اوريهم انه جديد
على الطاري
تخبرون اللي يطلع بكرتون الجزم والنعول الله يعزكم يجي على شكل كور ومسكر عليه بكيس
لعبنا بولد عمي مره وكلاه بغا يموت سوو له غسيل معده وبالعناية المركزة
المهم اني اصبحت صبح العيد مصخن وهو يبلشن اخوي الصغير كل شوي يصيح فوق راسي
ومن زين الحظ لحالي المكان اللي انا بوه مجلس قديم يعني مهجور برا البيت لحاله
وهم يتجمعون وغدان العطآ ويقوممون يولعون طرطعان ويغنون ومن العايدين اصم الله
وانا اقعد واتربع واحك شوشتي
ماادري وش اسوي ضاقت بي الوسيعه وهو يفتح الباب الا اخوي ووراه اربعين وغد
واللي قاهرني وغد لليوم هذا وانا ادوره ابي اعرفه
يصيح ويفتح فمه تقل فرس نهر وصوته حاد يلعب بطبلة الاذن تقل طقاقه مستنزل وقاطتن عليه ام العريس500 ريال
ويولعون طرطعان وينحاشون وانا اقمز وراهم وينحاشون موجهين لباب الشارع
ووراهم وعاضن لساني وفاتحن عين والثاني مغمض به ضربتن الشمس
وطلع وراهم للشارع
الا بوجهي حريم يمشن بالشارع <- لبيه ياحارتنا أصغر حرمه به عمره 40
وهو يقوم لهن صيآح وانا من الذله ابوقف وانكس
وهي تزل رجلي واجي ماشي مليون على ظهري
وانكس لمخبآ الذئب ظهري يرشق دم وعصعصي مااحس به
وقدر الله علي ورحت للشيبان بمجلس عمي
وأدخل كاشخ وامشي واتوجه لعمن لي شايب كبر القاع
وانا امشي بكل ماآوتيت من قوة
وآشيل كاسه معي وهي تنشب بجنب الشايب
دريت وقته ان القرآده صاحيه وتبي تعيد بي
وقدر الله علي واصير الوحيد من عيال العائلة الكريمة موجود بالمجلس <_ أووخص يالعائلة الملكية الاسبانية دن هنا بس
وأقوم وأقهوي وانا ياالله اشيل روحي
ويكرفوني هكالعيديه اللي مامثله
يوم جينا نبي نصلي الظهر وهو يصوت لي اخوي قال ثوبك من ورا وش جايه
قلت وش عليه تكفى قل تمر اي شي يروح
قال مدري الله العالم زيت
ومن القهر واعطيه هكالتفله الله يعزكم ولاتكلمت وارجع وانا بحوش المسجد
الصلاة ياولد قلت مسافر وماهو شغلك <- دابل تسبده الرجال اللي قاله الصلاة يبي هوشه معه
ويروح اول عيد وثاني عيد وثالث عيد وانا مصخن
مخرج //
الصدر ضآيق والمعآزيب قشرآن
والبوك فآضي والعرس ماهو حاصلن لي
بنآت المطآرس ليتني عندكم علي الحرآم لاأدخلكن بحفريآت
توسدو إحترامي
المشاركة الأصلية كتبت بواسطة شنقل
المفضلات