يالله ياكاتب المقسوم=نفسي من الهم تبريها
يالله ياناصر المظلوم=بعض المخاليق تمحيها
الطيب مايلحقك باللوم=ياللي على العز بانيها
ياسعيد انا ممتلي بهموم=ومن عزة النفس مخفيها
الاد بيشه على المضيوم=احن من قطعت ايديها
والحين ابعرض عليك اعلوم=يمكن قبل ما أنت موحيها
صادفة في دربي المزعوم=ناس ٍ تحكحك علابيها
اللي تركها صلاه وصوم=ونفسه على الخنز حاديها
والله مايهتني بالنوم=واعيونه الخبل معميها
ليت الرداء ينعرف بوسوم=ان كان مابار شاريها
الصقر ماهو شبيه البوم=لوكان في الجو قافيها
مايدري انه يقابل قوم=الخبل ماينقبل فيها
الله وكيلك بقر ملجوم=اخير من خيل معطيها
قدمت لك كوم باقي كوم=والاوله عن تواليها
والحين عندي طلب واقوم=وطلبتك ماني مخليها
ياصاحبي في العلوم اعلوم=النقل حلحل مبانيها
وختامها ياعساك ادوم=والقدس يالله تحميها
الشاعر القدير مصلح الحارثي
رد مع اقتباس
المفضلات