(( هـــنـــا .. اكتب ! اجمل ! واروع ! بيت شعر مر عليك ))

[بلا عنوان]

الحب كبر صورتك في خيالي
ولا انت مابك زود عن باقي الناس

[al-shmaly]

ياطيب النيات في هذا الزمـان المختلـف//لاترتجي رد الجميل ان كنت ناوي تفعلـه
اسئل مجرب شاف ماعافه وعَود منصرف//يضرب بكفٍ كف من هذا الزمان ومن هله
الطيب من الناس يصبح عملة ماتنصـرف//ماله قبول وخايـب النيـات كـلٍ يقبلـه
ماينجح الا اللي يسير مع الطريق المنحرف//اللي تقوده غايتـه لاي طريـق يوصلـه
وقت تغير واختلف له وجهـةٍ ماتنعـرف//الله اعلم وش يخبـي فالليالـي المقبلـه

[al-shmaly]

خيّل خّيال الخير والعالم من الساحل تراه
تبهر بروقه قلب من شافه وشبت به شبوب
والوقت قاسي واليالي فعلها يبحث خفاه
والقلب مثل الشمعه اللي من حرارتها تذوب
يا قلب لا يخدعك نوض البرق في عالي سماه
نوره كشح فالشرق والامطار هلت فالجنوب

[al-shmaly]

حبيبي لاتكبرها ترى الضيقـه تجـي وتـروح
واناطالـبـك تكـفـى ياحبيـبـي لاتكبـرهـا

ترى الدعوى بسيطه لاتزوّد فالجـروح جـروح
وانا بكتب قصيـده فالمحبـه وأنـت شاعرهـا

أنا لولاك ماشيدت لي وسط القصيـد اصـروح
تراك أجمل قصيده حـب أكسرهـا وأجبرهـا

تراك أنت الوحيد اللي سكن وسط الجسد والروح
وتراك أحـلا عبـاره دايـم أكتبهـا وأعبرهـا

تراك أنت البدر لامن طلع زاد الوضوح وضوح
تراك أحلام توقضني ولا ادري كيـف افسرهـا

عطيتك من عروق القلب شيكٍ بالغـلا مفتـوح
وعطيتك كل كلمه من صميم القلـب مظهرهـا

وتخطي ثم تخطي بس أقول بخاطري مسمـوح
أنا وشلون أطالـع غلطتـك ياكيـف أناظرهـا

غيابك طال لين اصبح خبرنا بالعشق مفضـوح
وكلٍ عـارف القصـه مـن اولهـا لياخرهـا

وطعونك خلت اعروق المحبه دمهـا مسفـوح
تعال وبشر اطعونك تـرى فـازت خناجرهـا

ترى مقدر على صدك ومهما تروح أنا بـاروح
اليـن القـاك واجـدد محبتـنـا واطـورهـا

وكلمه من ضميري قلتها لك تشفـي المجـروح
لجل عينك باكررهـا ولجـل حبـك باكررهـا

نصيحه:نترك الماضي ترى الضيقه تجي وتروح
وترى الدعـوى بسيطـه ياحبيبـي لاتكبرهـا

[بعد ملي]

لا يصيبك شك لو مقدار ذره
.. .. ولا تظن انساك لو مهما يصير
كيف ماحبك ... وانا قلبي تبرى
.. .. من جميع الناس واختارك عشير
قلتلك اكثر من مليون مره
.. .. انت الاول واللي بعده والاخير

[صلفيق]

ياصاحبي تفدا عيونك قبايل @@ ياللي مكانك ماقد أحدن وصل له

[صعوة فسفورية]

مسائكم خير

» (1685) احساس
تسقيني "احساس "على شربة أدمنت
ولو كل حي تاب ماتبت عنّه
أشد و أنزل وفي رحابك توطنت
عمري بقربك ينحسب وسط "جنة"
ان رحت والإ جيت تبقى كما أنت
الله فرضك وصرت بالعمر "سنة"

[صعوة فسفورية]

ليه احرق اعصابي وافتح للتعب بابي
انا ادري ومتأكد حضوري يشبه غيابي

[al-shmaly]

بعض العرب ينسا زمانه ولا دّر
مدري جهل والا تعالي علينا


ون كان نفسه اغوته مابها شّر
بيتين ذكرى تنفع الغافلينا


الطيب مايختّصْ به حد يذكّر
ومزارقه نوماس لطيبينا


ون كان صدره من عنا الغيظ يزفّر
هفة مهف الي مضى من سنينا


حنا مع اهل الطيب ناقف ونظفّر
ومن صد عنا عنه حنا سلينا


والي نوانا بالقشر يبشر بشّر
حنا صعوط أهل القشر لابغينا


ماظاع حق (ن) لو بعد حين يذكّر
لامن نوينا ويل من هو نوينا

[صعوة فسفورية]

ايه احبك وأضمك بين الأهداب ضم
والجوارح على جرحة شعورك تهاب