(( هـــنـــا .. اكتب ! اجمل ! واروع ! بيت شعر مر عليك ))

[al-shmaly]

لو تضحكين لخاطري مره بعد جمر الجفا
ماظل في بالي قصيد الا وعانق هـ الورق

متوغلة مثل الحنين ، ومبهــجة مثل الدفا
متفرعنه مثل النخـيل ومُــتعبة مثـل الأرق

جيت اعترف بلساني من غبتي ولا واحد وفا
لاموطني لا كوخي المائل ولا وجه الطرق

[طلال]

al-shmaly


والله من اشد المعجبين بـ اختيارك للشعر


..

[ام الرغفان]

اشتكيته للرفوف وللبراويز الهزيله وانذعرت من النياح اللي سمعته في صورها
رحت اسولف للجبال الصم عن قصة رحيله ماتركت متونها الا ينحت الدمع بصخرها

[ام الرغفان]

وما جيت أبنشد عن الهجران iiوأخبارك

جيتك أبســألك بعــد الجرح وشــلونك؟

[ام الرغفان]

"في غيابه "

ما أحس الوقت يمشي ..

والحياهـ .. بدون روحه ..

| ســودا -مـليانه اكتئـاب |

حتى روحي من فراقه ..

في متاهه وإغتراب ...

كان فيه الكون يحلى ...

و رغم آلامه وحزنه ..

دايمـ المح في عيونه ..

بسمه مليـانه "أمـل" ...

عمري منها ما أمـٍلْ ...

ليه ذوَّب كل فرح .. يسكن حياتي .. ؟

ليه .. شتـتني .. وتركني .. ؟

{ .. يـنـهـش .. الـخـذلان .. حـلـمـي .. }

[صعوة فسفورية]

آه لو انك ترمي الدنـيــا وراك
وارمي الدنيا وراظهري واجيك
كان تدري ان الغلا كله غلاك
وكـان تدري وشكثر قلبي يبيـك

[صعوة فسفورية]

قول احبك يبتسم عالم خيالي
واحلم اني مالك الدنيا لحالي
واشتري كل النجوم من السما
وما اخلي ورده تشعر بالضما
قول احبك ..

[ام الرغفان]

أي والله ضايق ومرهق ومخنوق وحزين
وإما بموت من الوله وإلا بموت من القهر
واللي لعب في حسبة أيامي وخلاها سنين
إني على ذا الحال ياشعري لي اكثر من شهر
بعت المدينه لاجل عين!! وقالوا : الخافي يبين
ودفنتك بجوفي!! وقالوا : وش بقابك ماظهر؟
يامطول الغيبه ياطول الشوق مير الله يعين
العاشق اللي عاش بين عدّك والنهر
عيّد بي غيابك سنه والليله من العايدين
ولاعاد عيدك يالجروح اللي بقلبي من دهر
ياصاحبي لو تعتذر عن غيبتك عذرك سمين
حبك بعد ماغبت عن عيني تمادى وازدهر
من يوم شفتك والنعاس بعينك النجلا سجين!
ومن النفس ذاك اليوم وعيوني سجينه للسهر!
علّقتني بالضحكه اللي تسبق الغمازتين
وتركت لي شاعر كتب فيك القصايد واشتهر
سيّلت دمعك واستباح الدمع ستر الياسمين
وعلّمتني كيف الندى يجمّل خدود الزهر!

ليتك عقب ماغبت غيبت

اشتياقي والحنين

أو ليتني ماقد دفعت احلام عمري لك مهر
وياصاحبي لاعاد تنشدني عن الحزن الدفين
أقسى الطعون! الطعنه اللي من حبيب وفالظهر

[ام الرغفان]

ان كان به شي علي قالبك

بطلبك حاجه اذا خليتني

لانويت تحب غيري طالبك

لاتحبه كثر ما حبيتني

[ام الرغفان]

يا صاحبـي ما فـادنا كـثـر الأحــلام
واللي بخـاطـرنا عـجـزنا نقـولـه
مـاتت أمـانيـنا عـلى كــف الأيــام
حكم القدر فارض علينا ميولـه
نمشي ورى والوقت يـمشي لـقدّام
ضـعـنا وضـيعـنا كـلامٍ نقـولـه
تـعبيـرنا ما ضمّتـه رووس الأقـلام
تـكـسّرت كل الحـروف بسهولـه
طيف السهر في نظـرة العاطفة حام
يرمي شباكه للعيون الخجـولـة
نـسهر وتـسهر مـقــاديـر الأعــوام
ودروبـنا مـتـفـرقـة ومعـزولـة
العمر ولّى والبخـت طـاح مـا قــام
الـحـظ وقّـف والليالي عـجـولـه
نصبح على همٍّ ونمسي على أوهام
ضيم الدهر بالدرب نوّخ ذلوله
أحـلام عـشـنا وافـتـرقـنا بالأحــلام نحلم ونحلم من زمان الطـفولـة
يا صاحبـي ما فـادنا كـثـر الأحــلام واللي بخـاطـرنا عـجـزنا نقـولـه