السلآم عليكم
صبآح الشعر وصبآح الخير
بشير وعبدالله
وإطعج يابوضاري
واسعدتونا هالليلة الله يسعدكم وابداع زي عادتكم
وعاشو الصفوف الله لايهينكم
يا الله كلن ياخذ بكت دخان و100 ريال ويسوقه
<- سادحن الحنشل ويحط بمناخره ملح
ياالله يالربع نبي نمقس قصدي نبي نسوي مدري الزبده كيف الحال
<- مفهي
بشير
...
..
يالغازي الخير عاد وهل هتـّانه
وانت علامك عروقك منه ضميانه ؟
وآنا رفيقك ولـِوْ هــالناس فتـّانه
الشمري شامخ ٍ والناس معروفه
-----------------------
عبدالله
يالراسي الخير كله في مضايفنا
اللي معانا وحتى اللي مشرفنا
بس المشاكل تجينا من لغايفنا
والشمري شامخ والناس معروفه
---------
بشير
ادري وتدري وبعض الناس ما تدري
يحتاج له رقية ٍ مع ميـّها المقري
وإن ما نفع فيه والله لزرقه كبري
والشمري شامخ ٍ والناس معروفه
----------
عبدالله الجعيثن
بشير ولم قناتك بعد ماتفطر
وانا بوّلم زهابي واجلب المخطر
وان كان هو شاطر فالشاعر اشطر
والشمري شامخ ٍ والناس معروفه
-------
بشير
هذي قناتي تلفـّت يابعد حيي
ابشر بعزّك وعزّك دايم ٍ عزي
آمر تدلل وانا ويـّاك ماعيي
والشمري شامخ ٍ والناس معروفه
-------------
بشير
هذي قناتي تلفـّت يابعد حيي
ابشر بعزّك وعزّك دايم ٍ عزي
آمر تدلل وانا ويـّاك ماعيي
والشمري شامخ ٍ والناس معروفه
------
عبدالله
بشير قل للفضولي يسحب اذياله
قبل ماقطع على فاعوسه عقاله
وابليس يلعب على الشطرين مواله
والشمري شامخ والناس معروفه
--------
بشير
معك معك بالحقيقه لا يهمونك
تكفي ظنوني توافق في هوا ظنونك
وإن ما نفع فيه اسوقه سوق لعيونك
والشمري شامخ ٍ والناس معروفه
--------
عبدالله
يالراسي ادري وعلمك بيننا راسي
والوضع هادي وخل الناس تحتاسي
هذي مجرد سوالف شغل مقاسي
-------------
بشير
الله يرج العدو اشغلت لي بالي
لا صرت مرتاح انا مرتاح واختالي
فلة حجاج المضايف روس الاموالي
والشمري شامخ ٍ والناس معروفه
--------
عبدالله
بشير ودي برحله معك واشريها
يم الشمال العذيه او حراويها
نبي على الجيب والضيقات تغديها
والشمري شامخ ٍ والناس معروفه
------------
بشير
ولم جوازك وحددّ وين مقصدنا
االشام شامك ليامنـّا توحدنا
والا على حايل ٍ بالضبط مقصدنا
والشمري شامخ ٍ والناس معروفه
-------
عبدالله
انا بوسط البلد ماروح براني
والزين كله تشوفه وسط برزاني
ولا بوسط المضايف عندي اخواني
والشمري شامخ ٍ والناس معروفه
---------
بشير
حايل وأعضاء المضايف وسط الاعيانا
ولاتقضبك هيئة الديره وتنخانا
خلك شمالي وشوري لاتبلانا
والشمري شامخ ٍ والناس معروفه
----------
عبدالله
يازين هيئة بلدنا عند شرطتهم
لو مانت مخطي ت***ش في ضيافتهم
نيراننا خير واحسن عند جنتهم
--------
بشير
دامك محلي نبي نرجع لفلتنا
مع ربعنا ندّهر نلقى وناستنا
الغلب بينّ عليكم في محطتنا
والشمري شامخ ٍ والناس معروفه
اعزف على عود المشاعر تقاسيم
.... شفني جمعت اضلاع صدري لك اوتار
الله يستر منك يابن شلحاط
متكـّي بركني وبس
(خبرتي بتصميم التواقيع تكح فاعذروني)
بشير اللويش ... الراسي
abu_sultan3@hotmail.com
صباح النعيريه وصباح الي يبتسي عند بيت اثير
يعني شنو تبوني اقصد
اأطَلقْ سِرآح الرِضآا و أانعَمْ بـ لذآتِه
والله انخرعت من صورتك الرمزيه وشبلاك كاشر من عجاج النعيريه يعني؟
ابن شلحاط ؟
هو ابوشنب الي يقرنهن
مادري وش يبي بهالشنب مكومه خخخخخ
ـــــــ ملييييت..
ريال اعلمك
علشان يمسكن نخيريروه ماله خلق ينقش
<<<<<<<<<<<< يدور الحنشل
يالربع انتم مطفين الضو؟؟؟
اويلي ياشواربك
حلولات من حطهن دريفه لوغدانه
اعزف على عود المشاعر تقاسيم
.... شفني جمعت اضلاع صدري لك اوتار
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
المفضلات