بركات .. فيصل .. نواف .. نافع .. عبدالله .. رحيل

**عبدالله المهيني** · 05-02-2010 01:53

مايستحي جرحٍ بالأضلاع..مخفـي
متعزبٍ روحـي ..ولالـه قرابـة

مابين دمع ونزف..أصبحت منفـي
ومثلي أنا ياصـاح محـدٍ درابـه

أشعل طموحي وحترق iiفيه..واطفي
مجنون..أطلب من هجيري...سحابة

بركات الشمري

عمر الفقر ماكان عيـب وفشيلـه
ترى القناعه كنز والمرجله طيـب

العيـب لا عـظ البنـادم شليلـه
والباب صكّه في وجيه المواجيـب

العيـب لامنـه تـرك هالطويلـه
وظل يتمرغ بالسفاسف وهو ذيب

العيـب لامنـه غـدى للرذيلـه
درب ومشوه الناس هذا هو العيب

فيصل اللويش

بنتنا يابنت دانه وحفظهـا واجـب يكـون
وإنتي دانه في بحرنا قدرها فـوق الثريّـه

يكفي إنك شمريه والعمـر لأجلـك يهـون
بس تعزوي بالطنايا وشوفي شرّاي المنيّـه

لو هي دمعه من دموعك تنتثر برّا الجفون
ناخذ لدمعتك روسٍ والعزا لدمعتـك ميّـه

نافع بن طواله

انت لو تدري عن اللي في غيابـك ساورنـي :
كان مـاوالله زعلـت وكـان مـاوالله حكيـت

لايجيك الشـك فينـي ولا تخيَـب فيـك ظنـي
هـاك عربـون المحبـه كلهالـك بيـت بيـت

ساحل الخفجي يحبك من كثـر مافيـك أغنـي
وانت قل لي : مدري شخبار السواحل بالكويت ؟

دام حبـك لـي شواطـي والموانـي iiينطرنـي
(( بس عاد ولا تدلع .. المهم انـك رضيـت ))

نواف حمود الشمري

مدري علامي كل ماقفيت ..// وأقبلت..؟
أجيب لي همّ الليالي ..// وأقهويه

حزناً قديم "يشلني" لاتزلزلت
جاثوم ليلاً ينتخيني ..// وأنا أنخيه

يارب ضيقني ..// وأنا به تجملت
حتى " فراشي " قمت أزوره واخليه

أن كان لي عفواً دخيلك ..// تمللت
سلمت لك صدر المشقى ..// تدوايه

عبدالله بن غيث

حاول معي نلغي وجود الاتهام
ما ناخذ ان المسأله وجد و حريق

ناخذ مشاعرنا على برد و سلام
و نطيق حتى لو نبي مالا نطيق

و اذا وصلنا في حدود الانقسام
نصير انا و انت الكباتن و الفريق

رحيل الوهبي

**عبدالله المهيني** · 05-02-2010 02:22

.
.
.

أنتي الأمــان بروعته .. والتباشير ..
ــــ وانتي الحنــان .. بلذته ... واحتــدامه ..

يالله تعالي جف ّ في روحي البير !!
ــــ وشلون ليلي ... لارحلتي .. / أنـااامه ..!؟

ماني معيّن من ورى غيبتك .. خير !
ـــــ لاغاب صوتك .. أسأل الله .. السلامه !

تدرين لاغبتي ..

ورحتي ..

وش يصير !؟

..

أموت !

وتبكي فوق قبري !

حمامه !

بركات الشمري

ليه أبرضى والزمن مده بخيـل
___ ليه أبجلس والمراكي مـن أرق

غايتي من دونها صرت القتيـل
___ حكمة الرحمن في خلقـه فـرق

شخص مايطمح ويرضيه القليـل
___ مثل غيمٍ(جـا وروح ) مابـرق

فيصل اللويش

بعـض البشـر للخاتمـه ماتولـم
___ وبعض البشر شايل زهابـه بئيـده

وبعض البشر من وسط كفنه تبسم
___ وبعض البشر ريح النفل وسط جيده

وإن جيت للمنوه أبي موتي أعظـم
___ موتت شجاعٍ فاز وروحه شهيـده

نافع بن طواله

وانت ياللي مانشـدت بغيبتـك .. وشلونـي
___ ليتك اعتقت الجـروح وسقتنـي لاعدامـي

مالقيت الا غيابك .. والضمـا .. وجنونـي
___ والسقيـم اللـي بقلبـي يشتكـي للضامـي

كني اللـي حـط عمـره للقـدر مرهونـي
___ واقتفتـه الريـح واهدتْـه الفـراق الحامـي

نواف حمود الشمري

الغرب ...// يفتك سترنا بالمشاريف
___ وأحنا نقدم عرضنا له ..// شريعة

إلى متى...؟ وأحنا ذلال ومخاويف
___ إلى متى...؟ وأحنا نسارع..// نطيعة

إلى متى...؟ تبقي يدينا مكاتيف
___ إلى متى...؟ نمشي دروباً مضيعة

عبدالله بن غيث

تعال يا صمت الزمن وقّف الان
___ هنا هنا بين القلم و المحاني

شفني كتبتك كيف و الراس طنيان
___ ومك معي و تحبني و تعصاني

تدري وش اكبر مشكله(حب خوان)
___ لا صرت طيّب لازم انك تعاني

و الموت و الصدمه ترا بعض الاحيان
___ لا خنت لحظه به وفالك اناني!!!!

رحيل الوهبي

**عبدالله المهيني** · 05-02-2010 05:16

.
.
.

بركات الشمري

الموت ماهو لاانحني .. للتعـب/ راس !
الموت نفسك ... لانحنـت / للخليقـة !

.
.

انا ماطحت من عين المواجع يوم انا مكسور .,
انا من كثر مافيني مواجع [طحت من عيني] !

.
.

قل لي احبك ., قل احبك حيل .,
خل الطعون تعيش في رااااااحـه

.
.

الموت لامن بكيت وجيت .. محتاجك !
وطرقت بابك .. ولابه ناس .. تفتح لي !!

.
.

وآلغمـآم آللي أبيــه يفــگ .. ريقــي
ينتـظر مثلـي بعـــد .. " جيّة غمـآم " !

.
.

مرّي إحساسي .. حرام إني أفوتك !!
مرّي عيوني .. حرام إني أبااات !

وللإبداع إمتداد

**عبدالله المهيني** · 05-02-2010 05:26

.
.
.

فيصل اللويش

عمر الغنى مايصنع نفوس ورجال
وعمر الغنى مارد سـود الليالـي

.
.

ماغرزت السيف في متن البديـل
ومن شرب كاس المنايا ماشـرق

.
.

ياليـت للإنـسـان عـنـق الـزرافـه
صرنـا نميـز طيبنـا بطـول الأعنـاق

.
.

لـلـه سـجـد وجـهـي .. دعـيـتـه وأنـا ارجـيـه
ربٍ وقــال اغــفــر لـمـنــهــو دعــانــي

.
.

قالوا ان الجوع بالوقـت متسمـي
كافرٍ قلت ان الحيا مليـون كافـر

.
.

للشعر في صدري تقاطيـع وحضـور
واحسـاس لاوالله عـدة احاسيـس

وللجمال مد لا ينقطع

**عبدالله المهيني** · 05-02-2010 05:35

.
.
.

نافع بن طواله

وإن وقف كل الجمـال اللـي يقلّـد بالوسامـي
وإن جلس نفحات صدره تاصل(ن) كنّـه iiعبيـر

.
.

والقلب عاف الود عقب المواليـف
وأبشرك قلبـي امجـوّد وصاتـك

.
.

ولـو إنـه ظـهـر وقـت الـمـصـالـح مـنـهــو صـدقـنــي
كـان قـال الـعـرب مـن لـه مـصـالــح يـقـصــده شـلّــه

.
.

أنا طالبك ياللي تفعل المعجز برمـش اهـداب
تزيح الغمّه عن أرض العراق وكـل بساتينـه

.
.

أرفع عيونـي وكنّـي ساهـي ٍ مالـي مرامـي
وإن سهيت بصدق..يبلش في عيون ٍ لـه تشيـر

وإن نطق بلسانـه اللـي ودّك يزيـد الكلامـي
لهجته من نجد ؟!ولا ّ مـن حواليهـا يصيـر !!

وإن وقف كل الجمـال اللـي يقلّـد بالوسامـي
وإن جلس نفحات صدره تاصل(ن) كنّـه iiعبيـر

وللجمال خط طويل

**عبدالله المهيني** · 05-02-2010 05:44

.
.
.

نواف حمود الشمري

بس انت علمني وش اللـي مغيبـك ؟
ماظنتـي ترضيـك حالـة حبيـبـك

.
.

حسااااد ؟؟؟! خليهـم يموتـون حسـاااد
( دامي انـاْاول مـن تمركـا بجوفـك )

اقول ؟؟! .. ماعندك من الصبح ميعاد ؟؟
( نامي..! عشان الشمس تقدر تشوفك !!)

.
.

ان حكـى كـن الثوانـي سرهـا بينـه وبينـه
والسوالـف جالسـات ٍ فـوق متنـه يسمعـنـه

.
.

يامدرسـه للحـب .. مااْطهـر تعاملـك ..
.. خـل الحبايـب يدرسـون .. التعـامـل

لاتحسب اني يومـك اقفيـت .. مهملـك ..
.. الكـون كلـه يومـك اقفيـت .. خامـل

.
.

أبي لامن ضحكت اضحك معك واضحك على الحساد
وابيك تهينهـم لاجلـي مثـل ماقصتـي .. هانـت

عندما تغوص في هكذا شعر

لن تمل أبداً

**عبدالله المهيني** · 05-02-2010 05:57

.
.
.

عبدالله بن غيث

أموت ماجاني من الناس منقود
أخير ماتثبت علي الملامه

يارب أعذني هرج كاذب ومقرود
وأجعل وفاته قبل يبدا كلامه

.
.

شيب عيني وجد حالي ..// رمشتك
تجدع العاشق ..// على وديانها

.
.

آآآهـ ,, ياذل العظيم ..//اللي رقى عالي هـــضابه
وأنثنى لجل المحبه ..// واللـــيالي خالفنّه

.
.

للعشق في حضرة جنابك دلالات
موت الشفايا من شهد..// سلسبيلك

.
.

تعبت أبرثي حضرتك لكن..// عيوني دامعه
كل مابغيت أكتب حروفي ..// بعثرت نزف المداد

مساحات يا بن غيث

**عبدالله المهيني** · 05-02-2010 06:07

.
.
.

رحيل الوهبي

احلى زعل بعيونك الخرس حاليك
واحلى عتب لاقلت لي { اوف لاحول }

.
.

قلت لك فيك حاجة من بعيد لبعيد
حاول تصير مثلي بالمواقف سموح

.
.

وقت الرخا وش كثر طيب المخاليق
ووقت الشدايد شوف عيني خلاوي

.
.

نامت عيون الليل و امست على خير
و انا و قلبي ننشد الليل وينه

هذا السؤال اللي بليات تفسير
وش دخل العذال بيني و بينه

.
.

صاحبي ماني من الزله جريح
السوالف لو هقيت مضمره

وفر طعونك وخلك لاتبيح
خلها بين الضلوع مجمره

وللجزاله مسار هنا

**بشير اللويش** · 05-02-2010 19:43

عمالقه

قمم شامخه

كانوا ولا زالوا في الذاكره

عوده حميده لهم في محلهم

شكرا لك المهيني ... على هذه البادره

وشكرا لمن عاد واتحفنا بجوده الشعري

وبإنتظار تواصل مثلهم وشرواهم

الراسي

**بتول آل علي** · 06-02-2010 00:40

استاذي الراقي جدا / عبدالله المهيني

،

جئتنا بكبار كـ عواصف تهب علينا في كل الاتجاهات !

الغرق هنا طريقنا لا محاله !!

و أيّ غرق هو هذا ..؟!؟!!

،

لك جل الشكر كما يليق بقامة كل شاعر هنا !

،

ملاحظة بسيطة فقط /

ماني معيّن من ورى غيبتك .. خير !
ـــــ لاغاب صوتك .. أسأل الله .. السلامه !

تدرين لاغبتي ..

ورحتي ..

وش يصير !؟

..

أموت !

وتبكي فوق قبري !

،

و تبكي فوق قبري !

>>> أظن أن ( الحمامه ) سقطت هنا سهواً

،

للعلم /

ليست الحمامه الوحيده التي سقطت هنا ...

هنا تسقط أسراب بأكملها ..!

،

هدوء للاستمتاع

اختكم

الدهور