شف ريحة العود لولا الجمر مافاحـت !!
أعجبتني ونقلتها لكم ..
لاتسأليني عن اسباب الزعل مـدري
يجوز نفسي على كثر الجفا ارتاحت
او يمكن اني عرفت السر من صغري
مابا لحمامه حزن لـو انهـا ناحـت
حتى اتخذت الهجر في مقتبل عمري
طبيعة ٍ زاحـت الأحبـاب مانزاحـت
ماوالله ابكي ولكن من سنـا جمـري
شف ريحة العود لولا الجمر مافاحت
كم عبره لاغفيـت اكنهـا بصـدري
مير البلا لاقعدت الصبـح ماراحـت
تكبر معي تدرك المحجر ولا تجـري
من يوصف الدمعه اللي مابعد طاحت
ابقى علـى حالتـي ادري ولا ادري
لااجتاحت ايام بعض ايام ماجتاحـت
بس اتركيني انا وعبراتي وعـذري
عايش على ذكريات الغير لا لاحـت
اما انتي ذكراك لايجـرح ولا يبـري
لاعين رفت لك ولا اذن لك صاحـت
للشاعر / حاكم المعلا ..
رد مع اقتباس
المشاركة الأصلية كتبت بواسطة شام
المفضلات