بالعرق لك بالدم روحه وجيات
صباحكم برد وشبه نار وحليب بزنجبيل
كنت في عصر هذا الايام ارتب بعض الاوراق القديمه
وكنت اكتب مايعجبني من الاذاعه مابعد تطورت واتجهت للنت
واعجبتني قصيده كنت كاتبتها من برنامج ليل المشاعر لفهد الهويدي باذاعة الكويت عام 2000م
القصيده عاجبتني لانها كانت تتكلم عن مشاعري ذيك الايام وزادت روعتها انها بصوت فهد الهويدي
استلموا
قال الغلا ؟ قلت الغلا ما بعد مات
فا العاليه شامخ ولا هو بقاصر
قال المشاعر ؟ قلت هيهات هيهات
كلي مشاعر يا رقيق المشاعر
والحب كيف ؟ وقلت سرّاق بسكات
سيفه على العشاق ينهى ويامر
قال الفراق ؟ وقلت مابه سلامات
يا شين لهفات الحبيب المسافر
قال الصبر ؟ قلت الصبر فيه لوعات
انشد وانا اللي خابرٍ فيه خابر
قال الوفا ؟ قلت الوفا خمس كلمات
عهد وفا واخلاص والشوق حاضر
قال الخيانه ؟ ثم جريت ونات
سمٍ ذحاح بروس طعن الخناجر
قال الليالي ؟ وقلت حلوه ومرات
راجع ملفاتك وشوف الدفاتر
قال الامل وينه ؟ وتليت الآهات
على الامل باقي حبيبي وصابر
قال الهوى ؟ قلت الهوى سهام عجلات
جيش وسرايا وليل كله مخاطر
قال انت ناسي ؟ وقلت في كل الاوقات
ينبض خفوقي وصورتك بالمحاجر
بالعرق لك بالدم روحه وجيات
سكرت عن غيرك جميع المعابر
من بيننا ما حال طول المسافات
والحظ شامخ فوق ما هو بعاثر
قلت العفو يكفي من الوقت لحظات
الليل طال ونحتري شوف باكر
لا تاخذك شكه بدرب المتاهات
للصبر نقوى وانت للوصل قادر
يا حاضري ومستقبلي وكل ما فات
يا اجمل قصيدة حب في قلب شاعر
اتمنى تعجبكم مثلي
رد مع اقتباس
المشاركة الأصلية كتبت بواسطة نزف القلم
المفضلات