فارس الصحراء11.. طآلب جآمعي ..

**فارس الصحراء** · 20-01-2010 04:04

بسم الله الرحمن الرحيم

السلام عليكم ورحمة الله وبركاته ..

:

أما بعد .. >> وهو يفتح الورقه على باله يبي يلقي خطاب

:

قالوا علامك !! قلت : ليه وعلامي ..
.......... ما ابي بلا غير اللي .. انتم تخبرون >> عاد الله يستر من اللي يخبرون ههههه

:

الوكاد ..

هذا سنتن من السنين .. كنت بدوي وثوبي اصفر والعقال مايل >> نصاب للحين مايل وثوبه اصفر هههههه

دخلت لي كليه بالرياض .. يعني فارس الصحراء طآلب جامعه .. هههههههههه مو مصدق

الوكاد اننا درسنا وعطونا الكتب .. وانا عاد بالانقليزي بلبل تف ما شاء الله عليه هههه

تخيلوا حتى الرياضيات انقليزي >> بغيت ابتسي يوم استلمت الكتب كلها انقليزي الا الدين اشوا ما يقدرون يحولونه انقليزي

حصص العربي والدين انا احسن واحد واصحاهم >> نايم بكل الحصص الثانيه حصص العربي مرتين بالاسبوع هههه

ومره من المرات وهي اول مره اكتب بيت قصيده >> أحس بمعاناة ذيك اللحظه للحين قام يناشق فارس الصحراء هئ هئ هئ

جالس بحصة الانقليزي والمدرس مو عربي يعني فارس الصحراء حاس بالغربه بينهم .. يقلب راسه تقل مطيور ..

تاكتني العبره وعيوني مغورقات .. والله لو اي واحد بجنبي يعطس مثلا ابكي على طوووول >> ادور الزله على البتسوه ..

يعني وش اقولكم اول مره اشوف الشيعه .. واول مره اشوف ناس تلبس البناطيل .. لا ويحطون جل على الشعر ..

كان معي واحد شمالي .. انا طاير فيه وهو بعد .. وجالسين بجنب بعض هههههه

وكان المدرس دايم يجينا ويقول ليش تحظرون ما دام مو فاهمين شي ههههه >> يالربع تقل بنقاليه بينهم ما غير نهزهز بروسنا هههه

أذكر مره عطا الشباب واجب .. طبعا كان يتكلم بالانقليزي عن الواجب وحنا ما ندري وش السالفه ..

ويلتفت يمي انا وخويي ويحتسي علينا بالانقليزي وقال لنا اخر شي اوكيه .. والله وحنا نهز روسنا ونقول اوكيه .. >> طبعا ما ندري وش السالفه

يوم جت الحصه الثانيه .. الا الشباب قاموا يعطونه الدفاتر .. يا مار انا وخويي بلشانين ما ندري وش السالفه ..

والله وانا أقوم انا وخويي ونعطيه الدفاتر زي الشباب .. ما ندري ان فيه واجب ..

الوكاد المدرس .. نادى على اسامينا وحنا نقوم .. يا مار قام .. يزعط علينا .. وانا وخويي يا ولد وش لقا بدفاترنا ..

وش مزعله خيب السد .. خويي قال ماني كاتب شي .. دفتري فاضي .. قلت وانا مثلك .. وانا اقرب لأذن خويي قلت يا فلان اغدي اسامينا

مو عاجبته .. عندها وهي تطير عيوننا .. ونقوم نناتر عليه what what what what ما نعرف غيرها ..

وهو يفزع لنا واحد بجنب خويي قال يقولكم وين الواجب .. حنا تصفقت وجيهنا .. وش واجبه .. قال الواجب اللي قالنا عليه ..

وقالكم انتم وقلتوا اوكيه ..

قلنا قله نسينا .. وهو يتفاهم معه خوينا اشوا .. الوكاد انه خصم الدرجات علينا ..

:

وعقبها .. وانا اقلب كتاب الانقليزي .. وانا اخذ القلم واكتب على الدفتر وهذا اول ابيات طلعت معي ..

أقلب الصفحات .. وتمر الايام
.................................. وحظي على ماهو .. بحال(ن) رديه

حظي لقيته تحت .. ذاك الشجر نام ..
................................... متوسد وساده .. يخطط عليه

جيته وهو يغني .. ويعزف بالانغام ..
.................................. مستانس(ن) ويقول ضلع الدهيه >>> طبعا انا الدهيه هههههههههههه

الوكاد صار بيني وبين حظي نقااااش طووووووووووووووووويل ..

وخربت بيني وبينه ..

الى درجت انه يهدد بقتل نفسه ..

عاد انا همني هو ووجه خله يولي >>> العن شكله ما مات مع اني طنشته ..

:

عبط .. عبط .. بس ليه .. والله ما ندري ؟؟

يعني .. واحد ساكت فجآه تلقاه يناقز ليه وش جآه .. هو بنفسه ما يدري .. >> حآله هيستيريه

او ..

طفل يبكي يبكي .. يبكي .. يبكي .. تجيه امه .. تسأله وش تبي يقول ابي ديد .. تقوم امه وتعطيه ديد ..

بعد خمس دقايق يبكي .. ليه .. يمكن يبي ديد ثاني هههههههههههه

او ..

رئيس دوله .. يحط راسه براس .. مدرس وينقله ويبهذل بعيشته يعني وش يبي بهالمدرس ..

انه قال ان العلم نور والجهل ظلام .. ولازم نتعلم .. وطبعا العلم .. مو زين بنظر رئيس الدوله ..

الوكاد الله العالم اني قعدت أخبص بالسوالف ..

خلوني اطلع قبل .. أحوس الدعوى ..

محبكم ..

الفقير الى الله // فارس الصحراء11

**ابو ضاري** · 20-01-2010 04:47

هذا منين جاي انت >>>>>>>>>>>متغير علانا

هذه سالفتك يوم تلبس البنطلون تقل بنقالي بالكليه يحسبونك اللي بالبوفيه

وش تبي بالجامعات

مو احس لك عند نياقكم وبعارينكم وغنمكم ومواعزكم اللي بحزم الجلاميد

الفارس نسيت عبدالعزيز شكلك تبي المخطر ليه ابطيت عليتا

يالغالي فدتك الكليات والجامعات وابو عادل بعد تعال قرب ابي انشك

**فارس الصحراء** · 20-01-2010 05:02

بعد راسي انت يا ابو ضاري ..

تنشن ليه ..

بعدين يا خوي ما عرفتكم .. وش بلاكم هاللون ملخبطين .. وش علمكم

وش جارين لكم هههههههههههه

تبون نفزع لكم ..

تقل شهبتوا ههههه

**سلطااان السويري** · 20-01-2010 06:25

حجززززززززززززززززززززززززززززززززز

333333333333333333333333333

<<<<مروق ويشرب استكانه تشاي مخدر

**سلطااان السويري** · 20-01-2010 06:36

يالله حيوووووووووووووووووووووووووووووووه

هلا والله حيالله ايو الله وهالرئبه سداده

<<<< يتزقلب حول ماضوع فارس الصحراء

ار يو اوكيه

واي دونت اندر ستاند انقلش

فري ايزي

بلاستيشن ثري <<< شت يور ماوث

هوريو

شفت ياعبدالعزيز وش سهل هالعنقليزي

ابوك يالعنقليزي

والله مالومك

يافلان لاحتسو تسن غريب بنصهم ماغير تهزهز برويسك

بس احمد ربك لقيت واحدن بعد مايعرف للعنقليزي

لي نكسه على الماضوع

بس ابلشونا الابوريشن ربعم بضبطلي فالف وناكس

**ابو فارس** · 20-01-2010 07:22

هلا براعي العقال المايل
والثوب الاصفر

يا اخي وينك انت ووين تغيب؟

-------------
بس مدرسكم هذا مشكلته متمدن بالحيل

لوهو دابغكم
وموريكم العين الحمراء
كان هالحين انت متعلم انجليزي ويمكن اردو معاها

لاهنت ياالذيب

**عبدالله الجعيثن** · 20-01-2010 07:45

انا مافهمت الا الوغد اللي يبي ديد.....

^

^

رضاعه...ولا طبيعي!!!!

وبعدين.....يوم انت بالجامعه ويوم تجينا بالطلعه

احس انهن بنفس اليوم

لان الثوب مصندز...والعقال مايل!!!

**عبدالله الجعيثن** · 20-01-2010 07:47

فارس الصحراء

نصيحة اخو....يغليك!!!!

لاتتصبّح بلحايته....ربّك يرزقك

**εïз خزامى εïз** · 20-01-2010 11:57

هههههههههههههههههههههههههههههههههههههههه هههه
وات وات وات < يآزعم خير وش عندك...؟! هههههههههههههههههههههههههه
طيب تخرجت والا لا..!؟
تذكرني ببنتين صديقآت عندنآ
بالبدآيه كذآ كآنو نفرط ضحك معهم على اسلوبهم ولآيفهمون شي بالريآضيآت وكل الموآد اللي بالانجليش
بعدين خذت الاولى عالدفعه بسنه ثآني مآشآء الله < على طول مشت حآلهآ

لا عآد تبطي علينآ